12ನೇ ಶತಮಾನದ ಕಾಲದ ತುಳು ಶಾಸನ ಪತ್ತೆ

ಉಡುಪಿ: ಅಳುಪರ ಕಾಲಕ್ಕೆ ಸೇರಿದ ಕನ್ನಡ ಭಾಷೆಯ ಆದರೆ ತುಳು ಲಿಪಿಯಲ್ಲಿರುವ ಶಾಸನ ಕೋಟದಲ್ಲಿ ಪತ್ತೆಯಾಗಿದೆ. ಕಿ.ಶ. 12ನೇ ಶತಮಾನದಲ್ಲಿಯೇ ತುಳು ಲಿಪಿ ಇತ್ತು ಎಂಬುದನ್ನು ಈ ಶಾಸನ ಸಾಬೀತು ಮಾಡಿದೆ ಎಂದು ಶಿರ್ವದ ಮುಲ್ಕಿ ಸುಂದರ್ರಾಮ್ ಶೆಟ್ಟಿ ಸ್ಮಾರಕ ಕಾಲೇಜಿನ ಇತಿಹಾಸ ಮತ್ತು ಪುರಾತತ್ವ ವಿಭಾಗದ ಸಹ ಪ್ರಾಧ್ಯಾಪಕ ಪ್ರೊ. ಟಿ. ಮುರುಗೇಶಿ ಹೇಳಿದ್ದಾರೆ.

12–13ನೇ ಶತಮಾನಕ್ಕೆ ಸೇರಿದ ಈ ಶಾಸನ ಕೋಟದ ಹಿರೇಮಹಾಲಿಂಗೇಶ್ವರ ದೇವಾಲಯದಲ್ಲಿ ಪತ್ತೆಯಾಗಿದೆ. ಹೊರ ಆವರಣದಲ್ಲಿರುವ ಸ್ತಂಭದ ಎರಡು ಮುಖದಲ್ಲಿ 27 ಸಾಲಿನ ತುಳು ಲಿಪಿಯ ಶಾಸನವು ಅಳುಪ ದೊರೆ ಕುಲಶೇಖರಾಳು ಅವರನ್ನು ಹೆಸರಿಸುತ್ತದೆ. ಕುಲಶೇಖರಾಳು ಕೋಟದ ದೇವಸ್ಥಾನಕ್ಕೆ ದಾನವಾಗಿ ನೀಡಿದ ಕೈಬೆಳಕಿನ (ಕೈವೆಳಕು) ಬಗ್ಗೆ ಶಾಸನದಲ್ಲಿ ಮಾಹಿತಿ ಇದೆ.

ಕಿ.ಶ. 1175–76ನೇ ಸಾಲಿನ ಶಾಸನೋಕ್ತ ಅಳುಪೇಂದ್ರನ ಅತ್ಯಂತ ಪ್ರಾಚೀನ ಶಾಸನ ಬಸ್ತೂರಿನಲ್ಲಿದೆ. ಈ ಶಾಸನ ಆತನನ್ನು ಪರಮೇಶ್ವರ, ಪರಮಭಟ್ಟಾರಕ ಹಾಗೂ ಪಾಂಡ್ಯ ಚಕ್ರವರ್ತಿ ಎಂದು ವರ್ಣಿಸಿದೆ. ಆದರೆ ಈಗ ಸಿಕ್ಕಿರುವ ಶಾಸನದಲ್ಲಿ ಆತನ ಹೆಸರನ್ನು ಮಾತ್ರ ಬರೆಯಲಾಗಿದ್ದು, ಕುಲಶೇಖರ ಅಳುಪೇಂದ್ರನನ್ನು ಯಾವುದೇ ಬಿರುದು ವಿಶೇಷಣಗಳಿಂದ ವರ್ಣಿಸಿಲ್ಲ. ಆದ್ದರಿಂದ ಈ ಶಾಸನವನ್ನು ಅಳುಪರ ಪ್ರಾಚೀನ ಶಾಸನ ಎಂದೇ ಪರಿಗಣಿಸಬೇಕಾಗುತ್ತದೆ. ಅಲ್ಲದೆ ತುಳು ಭಾಷೆಯ ಅತ್ಯಂತ ಪ್ರಾಚೀನ ಶಾಸನ ಇದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ತುಳುಗೆ ಲಿಪಿ ಇಲ್ಲ ಎಂಬ ಭಾವನೆ ಸಾಮಾನ್ಯ ಜನರಲ್ಲಿದೆ. ಆದರೆ ತುಳು ಭಾಷೆಗೆ ಲಿಪಿ ಇತ್ತು. ತುಳು ಲಿಪಿ ಬಳಸದೆ ಕನ್ನಡ ಲಿಪಿಯನ್ನೇ ಬಳಸಿದ ಕಾರಣ ಕ್ರಮೇಣ ತುಳು ಲಿಪಿ ಕಣ್ಮರೆಯಾಯಿತು. ಅಳುಪರ ಭಾಷೆ ಸಹ ಕನ್ನಡವೇ ಆಗಿತ್ತು. ಆದರೆ ತುಳು ಸ್ಥಳೀಯರ ಭಾಷೆ ಆಗಿತ್ತು. ಈ ಶಾಸನವನ್ನು ಆಧಾರವಾಗಿಟ್ಟುಕೊಂಡು ಇನ್ನಷ್ಟು ಸಂಶೋಧನೆಗಳನ್ನು ನಡೆಸಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಉಡುಪಿಯ ಪ್ರಾಚ್ಯ ಸಂಚಯ ಸಂಶೋಧನಾ ಕೇಂದ್ರದ ಸಹಯೋಗದಲ್ಲಿ ಕೋಟದಲ್ಲಿ ಶಾಸನ ಅಧ್ಯಯನ ಕಮ್ಮಟ ಏರ್ಪಡಿಸಿದ್ದ ಸಂದರ್ಭದಲ್ಲಿ ಶಾಸನ ಬೆಳಕಿಗೆ ಬಂತು. ವಿದ್ಯಾರ್ಥಿಗಳಾದ ಸುಮಾ, ಸಂಗೀತ, ಪ್ರಶಾಂತ್, ಶ್ರೀಧರ್ ಭಟ್ ಶಾಸನ ಪತ್ತೆಗೆ ಸಹಕರಿಸಿದರು. ದೇವಾಲಯದ ಅರ್ಚಕ ಶ್ರೀನಿವಾಸ ಅಡಿಗ, ಆಡಳಿತ ಮಂಡಳಿ ಅಧ್ಯಕ್ಷ ಗಣೇಶ್ ಭಟ್ ಅವರ ಬೆಂಬಲವೂ ಸ್ಮರಣೀಯ ಎಂದು ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

12ನೇ ಶತಮಾನದ ಕಾಲದ ತುಳು ಶಾಸನ ಪತ್ತೆ

ಚಿನಕುರುಳಿ: ಸೋಮವಾರ, 16 ಫೆಬ್ರುವರಿ 2026

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ ಸುಬ್ಬಾರೆಡ್ಡಿ ಆಯ್ಕೆ ಅಸಿಂಧು: ಹೈಕೋರ್ಟ್ ತೀರ್ಪು

ಗುಂಡಣ್ಣ: ಸೋಮವಾರ, 16 ಫೆಬ್ರುವರಿ 2026

ಗಂಗಾವತಿ |ವಿದೇಶಿ ಮಹಿಳೆ ಮೇಲೆ ಅತ್ಯಾಚಾರ ಪ್ರಕರಣ: ಮೂವರು ಅಪರಾಧಿಗಳಿಗೆ ಮರಣದಂಡನೆ

ಭರತ್‌ಗೆ ಖೇಲ್ ಪ್ರೋತ್ಸಾಹ ಪ್ರಶಸ್ತಿ

ಐಟಿಎಫ್‌ ಮಹಿಳಾ ಓಪನ್‌ ಮುಖ್ಯಸುತ್ತು ಇಂದಿನಿಂದ: ಸಹಜಾ,ಶ್ರೀವಲ್ಲಿ ಮೇಲೆ ನಿರೀಕ್ಷೆ

ಸೋಲು ಕಲಿಸುವ ಪಾಠ ದೊಡ್ಡದು: ಆರ್‌ಸಿಬಿ ಮಹಿಳಾ ತಂಡದ ಬ್ಯಾಟಿಂಗ್ ಕೋಚ್ ಮುರಳಿ ಮಾತು

ಉಭಯ ತಂಡಗಳ ‘ಜಿದ್ದಾಜಿದ್ದಿ’ ಅಂತ್ಯ?: ಭಾರತ ತಂಡಕ್ಕೆ ಸಾಟಿಯಾಗದ ಪಾಕ್‌ ಪಡೆ

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಚಿನಕುರುಳಿ: ಸೋಮವಾರ, 16 ಫೆಬ್ರುವರಿ 2026

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ ಸುಬ್ಬಾರೆಡ್ಡಿ ಆಯ್ಕೆ ಅಸಿಂಧು: ಹೈಕೋರ್ಟ್ ತೀರ್ಪು

ಗುಂಡಣ್ಣ: ಸೋಮವಾರ, 16 ಫೆಬ್ರುವರಿ 2026

ಗಂಗಾವತಿ |ವಿದೇಶಿ ಮಹಿಳೆ ಮೇಲೆ ಅತ್ಯಾಚಾರ ಪ್ರಕರಣ: ಮೂವರು ಅಪರಾಧಿಗಳಿಗೆ ಮರಣದಂಡನೆ