ಹತ್ತಿರ ಬಂದ ವಿಮಾನಗಳು; ತಪ್ಪಿದ ಭಾರಿ ಅನಾಹುತ

ಮಂಗಳವಾರ (ಜುಲೈ 10) ಕೇವಲ 200 ಅಡಿ ಅಂತರದಲ್ಲೇ ವಿಮಾನಗಳು ಹಾರಾಡಿದ್ದವು. ಅದರ ಫೈಲಟ್‌ಗಳು ಸಮಯ ಪ್ರಜ್ಞೆಯಿಂದ ಅಂತರ ಹೆಚ್ಚಿಸಿಕೊಂಡು ಅನಾಹುತ ತಪ್ಪಿಸಿದ್ದಾರೆ. ಆ ಘಟನೆ ವಿವರ ಇಲ್ಲಿದೆ.

ವಿಮಾನ – 1

ಇಂಡಿಗೊ 6ಇ- 6505(ಬೆಂಗಳೂರಿನಿಂದ ಕೊಚ್ಚಿಗೆ ಹೊರಟಿತ್ತು)

ಭೂಮಿಯಿಂದ 27,500 ಅಡಿ ಎತ್ತರಲ್ಲಿ ಹಾರಾಡುತ್ತಿತ್ತು

ಅನಾಹುತ ತಪ್ಪಿಸಲು 28,000 ಅಡಿಯಲ್ಲಿ ಹಾರಾಟ

‌ವಿಮಾನದಲ್ಲಿದ್ದ ಪ್ರಯಾಣಿಕರು 166

ವಿಮಾನ – 2

ಇಂಡಿಗೊ 6ಇ–779

(ಕೊಯಿಮತ್ತೂರಿನಿಂದ ಹೈದರಾಬಾದ್‌ಗೆ ಹೊರಟಿತ್ತು)

ಭೂಮಿಯಿಂದ 27,300 ಅಡಿ ಎತ್ತರದಲ್ಲಿ ಹಾರಾಡುತ್ತಿತ್ತು

ವಿಮಾನದಲ್ಲಿದ್ದ ಪ್ರಯಾಣಿಕರು 162

ಅನಾಹುತ ತಪ್ಪಿಸಲು 36,000 ಅಡಿಗೆ ಹಾರಿತು

* ಎರಡು ವಿಮಾನಗಳ ನಡುವೆ ಮೊದಲಿದ್ದ ಅಂತರ – 200 ಅಡಿ

ಅನಾಹುತ ತಪ್ಪಿದ್ದು ಹೀಗೆ

* ವಿಮಾನಗಳು ಮುಖಾಮುಖಿ ಆಗುತ್ತಿದ್ದ ಬಗ್ಗೆ ಏರ್‌ ಟ್ರಾಫಿಕ್‌ ಕಂಟ್ರೋಲ್‌ ಅಧಿಕಾರಿಗಳಿಗೆ ಗೊತ್ತಾಗಿತ್ತು.

* ಎರಡೂ ವಿಮಾನಗಳ ಫೈಲಟ್‌ಗಳಿಗೆ ತುರ್ತು ಸಂದೇಶ ರವಾನೆಯಾಯಿತು.

* ತಕ್ಷಣ ಎಚ್ಚೆತ್ತ ಫೈಲಟ್‌ಗಳು ಅಂತರ ಹೆಚ್ಚಿಸಿಕೊಂಡರು

ವರದಿ ಪಡೆದ ಡಿಜಿಸಿಎ

ಈ ಕುರಿತು ಇಂಡಿಗೊ ಕಂಪನಿಯಿಂದ ನಾಗರಿಕ ವಿಮಾನಯಾನ ನಿರ್ದೇಶನಾಲಯ (ಡಿಜಿಸಿಎ) ವರದಿ ಪಡೆದುಕೊಂಡಿದೆ. ವಿಮಾನ ಅಪಘಾತ ತನಿಖಾ ತಂಡ (ಎಎಐಬಿ) ಘಟನೆ ಬಗ್ಗೆ ತನಿಖೆ ನಡೆಸುತ್ತಿದೆ.

ನಿಲ್ದಾಣ ಅಧಿಕಾರಿಗಳ ಸ್ಪಷ್ಟನೆ

ನಗರದ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿಲ್ಲ. ಬೇರೆ ಕಡೆ ಘಟನೆ ನಡೆದಿರುವ ಮಾಹಿತಿ ಇದ್ದು, ಅದು ಎಎಐಬಿ ತನಿಖೆಯಿಂದಲೇ ಗೊತ್ತಾಗಬೇಕು – ನಿಲ್ದಾಣದ ಪ್ರತಿನಿಧಿ

ವಿಮಾನಗಳು ಮುಖಾಮುಖಿಯಾದ ಘಟನೆಗಳು

* ಮುಂಬೈ ನಿಲ್ದಾಣ ಬಳಿ ಫೆಬ್ರುವರಿ 7ರಂದು 152 ಪ್ರಯಾಣಿಕರಿದ್ದ ವಿಸ್ತ್ರಾ ವಿಮಾನ ಹಾಗೂ 109 ಪ್ರಯಾಣಿಕರಿದ್ದ ಏರ್‌ ಇಂಡಿಯಾ ವಿಮಾನಗಳು 100 ಅಡಿ ಅಂತರದಲ್ಲಿ ಹಾರಾಡಿ ಮುಖಾಮುಖಿ ಆಗುವುದರಲ್ಲಿದ್ದವು. ಕೂಡಲೇ ಅಂತರ ಹೆಚ್ಚಿಸಿಕೊಂಡಿದ್ದರಿಂದ ಅನಾಹುತ ತಪ್ಪಿತ್ತು.

* ಬಾಂಗ್ಲಾದೇಶ ಗಡಿಯಲ್ಲಿ ಇಂಡಿಗೊ ಹಾಗೂ ಏರ್‌ ಡೆಕ್ಕನ್ ವಿಮಾನಗಳು ಮುಖಾಮುಖಿ ಆಗುವುದರಲ್ಲಿದ್ದವು. ಏರ್‌ ಟ್ರಾಫಿಕ್‌ ಕಂಟ್ರೋಲ್‌ ಅಧಿಕಾರಿಗಳ ಎಚ್ಚರಿಕೆಯಿಂದ ಅನಾಹುತ ತಪ್ಪಿತ್ತು.