ಹುಬ್ಬಳ್ಳಿ: ಬೇಸಿಗೆ ರಜೆ ಕಾಲದಲ್ಲಿ ಉಂಟಾಗುವ ಪ್ರಯಾಣಿಕರ ದಟ್ಟಣೆ ಕಡಿಮೆ ಮಾಡುವುದಕ್ಕಾಗಿ ಮೂರು ರೈಲುಗಳಿಗೆ ತಲಾ ಒಂದೊಂದು ಹೆಚ್ಚುವರಿ ತ್ರಿ–ಟೈರ್ ಎಸಿ ಬೋಗಿಗಳನ್ನು ಅಳವಡಿಸಲು ನಿರ್ಧರಿಸಲಾಗಿದೆ ಎಂದು ನೈರುತ್ಯ ರೈಲ್ವೆ ಪ್ರಕಟಣೆ ತಿಳಿಸಿದೆ.
ಯಶವಂತಪುರದಿಂದ ಕೋರ್ಬಾಗೆ ವಾರದಲ್ಲಿ ಎರಡು ದಿನ ತೆರಳುವ 12251 ಸಂಖ್ಯೆಯ ರೈಲಿಗೆ ಏಪ್ರಿಲ್ ಮೂರರಿಂದ ಜೂನ್ 30ರ ವರೆಗೆ, ಕೋರ್ಬಾದಿಂದ ಯಶವಂತಪುರಕ್ಕೆ ವಾರದಲ್ಲಿ ಎರಡು ದಿನ ಬರುವ 12252 ಸಂಖ್ಯೆಯ ರೈಲಿಗೆ ಏಪ್ರಿಲ್ ಐದರಿಂದ ಜುಲೈ ಎರಡರ ವರೆಗೆ ಹೆಚ್ಚುವರಿ ಬೋಗಿ ಸೌಲಭ್ಯ ಇರುತ್ತದೆ.
ಯಶವಂತಪುರದಿಂದ ಬಿಕಾನೇರ್ಗೆ ವಾರದಲ್ಲಿ ಎರಡು ದಿನ ಸಂಚರಿಸುವ 16587 ಸಂಖ್ಯೆಯ ರೈಲಿಗೆ ಏಪ್ರಿಲ್ ಮೂರರಿಂದ 28ರ ವರೆಗೆ ಹಾಗೂ ಬಿಕಾನೇರ್ನಿಂದ ಯಶವಂತಪುರಕ್ಕೆ ಬರುವ 16588 ಸಂಖ್ಯೆಯ ರೈಲಿಗೆ ಏಪ್ರಿಲ್ ಐದರಿಂದ ಜೂನ್ 30ರ ವರೆಗೆ ಹೆಚ್ಚುವರಿ ಬೋಗಿ ಸೇರ್ಪಡೆಯಾಗಲಿದೆ.