‘ನನ್ನ ದಿನಚರಿ ‘ಪ್ರಜಾವಾಣಿ’ ಪತ್ರಿಕೆ ಓದುವುದರಿಂದ ಆರಂಭವಾಗುತ್ತದೆ. ಕನಿಷ್ಠ ಒಂದು ಗಂಟೆ ಬದ್ಧತೆಯಿಂದ ಸಮಗ್ರವಾಗಿ ಓದುತ್ತಿದ್ದೆ. ಮುಖಪುಟದಲ್ಲಿ ಪ್ರಕಟವಾಗುತ್ತಿದ್ದ ಆಯಾ ದಿನದ ಪ್ರಮುಖ ಸುದ್ದಿಗಳು, ಸಂಪಾದಕೀಯ ಪುಟಗಳಲ್ಲಿನ ಲೇಖನಗಳು, ರಾಷ್ಟ್ರೀಯ, ಅಂತರರಾಷ್ಟ್ರೀಯ ಸುದ್ದಿಗಳನ್ನು ಪ್ರತಿದಿನವೂ ತಪ್ಪದೇ ಓದಿದ್ದು, ನನಗೆ ಅತ್ಯುಪಯೋಗಕ್ಕೆ ಬಂತು. ಇದನ್ನು ಯಾರೂ ಮುಖಸ್ತುತಿ ಎಂದುಕೊಳ್ಳಬಾರದು, ಇತರ ಮಾಧ್ಯಮದವರೂ ಅನ್ಯಥಾ ಭಾವಿಸಬಾರದು’ ಎಂದು ಹೇಳಿ ‘ಪ್ರಜಾವಾಣಿ’ಗೆ ಧನ್ಯವಾದ ಸಮರ್ಪಿಸಿದರು.