ಢಾಕಾ:ಬಾಂಗ್ಲಾದೇಶದ ಪ್ರಧಾನಿ ಶೇಖ್‌ ಹಸೀನಾ ಅವರ ರಾಜೀನಾಮೆಗೆ ಒತ್ತಾಯಿಸಿ ರಾಜಧಾನಿಯಲ್ಲಿ ಬೃಹತ್‌ರ‍್ಯಾಲಿಗೆ ಕರೆ ನೀಡಲು ಉದ್ದೇಶಿಸಿರುವ ಬಿಎನ್‌ಪಿ ಪಕ್ಷದ ಇಬ್ಬರು ಪ್ರಮುಖ ನಾಯಕರನ್ನು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.
ಪತ್ತೇದಾರಿ ದಳದಸಿಬ್ಬಂದಿರಾಜಧಾನಿಯಲ್ಲಿ ಮುಂಜಾನೆ ಪ್ರತ್ಯೇಕ ಶೋಧಕಾರ್ಯ ನಡೆಸಿಬಿಎನ್‌ಪಿಯ ಪ್ರಧಾನ ಕಾರ್ಯದರ್ಶಿ ಮಿರ್ಜಾ ಫ್ರಕ್ರುಲ್‌ ಇಸ್ಲಾಂ ಅಲಂಗಿರ್ ಮತ್ತು ಸ್ಥಾಯಿ ಸಮಿತಿಯ ಸದಸ್ಯ ಮಿರ್ಜಾ ಅಬ್ಬಾಸ್‌ ಅವರನ್ನು ಬಂಧಿಸಿದ್ದಾರೆ.
ಜನರಲ್‌ ಮಿರ್ಜಾ ಫ್ರಕ್ರುಲ್ಲಾ ಇಸ್ಲಾಂ ಅಲಂಗಿರ್ ಅವರು ಉತ್ತರ ಪ್ರದೇಶದ ನಿವಾಸಿಯಾಗಿದ್ದು, ಮುಂಜಾನೆ ಮೂರು ಗಂಟೆಗೆ ದಾಳಿ ನಡೆಸಿ ಬಂಧಿಸಲಾಗಿದೆ. ಈಗಾಗಲೇ ಇವರ ವಿರುದ್ಧ ಅನೇಕ ಪ್ರಕರಣಗಳು ಬಾಕಿ ಉಳಿದಿವೆ ಎಂದು ಉತ್ತರ ಪೊಲೀಸ್‌ ಠಾಣಾಧಿಕಾರಿ ತಿಳಿಸಿದ್ದಾರೆ.
