ಪೊಲೀಸ್‌ ಕಾರ್ಯಶೈಲಿ ಸುಧಾರಣೆಗೆ ಕಾನೂನು: ಟ್ರಂಪ್‌

ವಾಷಿಂಗ್ಟನ್: ‘ಪೊಲೀಸರ ಬಲಪ್ರಯೋಗ ವೃತ್ತಿಪರ ಮಟ್ಟದಲ್ಲಿರುವ ರೀತಿ ಕಾನೂನು ರೂಪಿಸಲಾಗುತ್ತಿದ್ದು, ಇದು ಅಂತಿಮ ಹಂತದಲ್ಲಿದೆ’ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.

. ಅಫ್ರೊ–ಅಮೆರಿಕನ್ ಜಾರ್ಜ್ ಫ್ಲಾಯ್ಡ್, ಪೊಲೀಸ್ ಕಸ್ಟಡಿಯಲ್ಲಿರುವಾಗಲೇ ಅಮಾನುಷ ರೀತಿ ಸಾವಿಗೀಡಾದ ನಂತರ ಆಡಳಿತದ ಮೇಲೆ ಒತ್ತಡ ಹೆಚ್ಚುತ್ತಿದೆ. ಮಿನಿಯಾಪೊಲಿಸ್ನಲ್ಲಿ ಮೇ 25ರಂದುಫ್ಲಾಯ್ಡ್ ಕತ್ತಿನ ಮೇಲೆ ಬಿಳಿಯ ಪೊಲೀಸ್ ಅಧಿಕಾರಿ ಡೆರೆಕ್ ಷಾವಿನ್ ಮೊಣಕಾಲನ್ನು 9 ನಿಮಿಷ ಒತ್ತಿಹಿಡಿದು ಸಾವಿಗೆ ಕಾರಣನಾಗಿದ್ದ. ಈ ಪ್ರಕರಣ ಅಮೆರಿಕದ ಎಲ್ಲೆಡೆ ಪ್ರತಿಭಟನೆ ಕಾಡ್ಗಿಚ್ಚಿನಂತೆ ವ್ಯಾಪಿಸಲು ಕಾರಣವಾಗಿತ್ತು.

. ‘ಎರಡು ವಾರಗಳ ಹಿಂದೆ ನಡೆದ ಆ ಘಟನೆ ತಲೆತಗ್ಗಿಸುವಂತಿತ್ತು. ನಂತರದ ದಿನಗಳಲ್ಲಿ ಹಲವರು ಸಾವಿಗೀಡಾಗಿದ್ದಾರೆ. ಇದು ಘೋರ ಮತ್ತು ಅನ್ಯಾಯ. ಅಂಥದ್ದನ್ನು ಮತ್ತೆ ನೋಡಲುಬಯಸುವುದಿಲ್ಲ’ ಎಂದು ಟ್ರಂಪ್ ಡಲ್ಲಾಸ್ನಲ್ಲಿ ಗುರುವಾರ ನಡೆದ ದುಂಡುಮೇಜಿನ ಸಭೆಯಲ್ಲಿ ತಿಳಿಸಿದ್ದಾರೆ.

. ಧಾರ್ಮಿಕ ನಾಯಕರು, ಕಾನೂನು ವಿಭಾಗದ ಪ್ರತಿನಿಧಿಗಳು, ವಾಣಿಜ್ಯ ಉದ್ಯಮಿಗಳು ಮತ್ತು ಟ್ರಂಪ್ ಆಡಳಿತದ ಹಿರಿಯ ಸದಸ್ಯರು ಸಭೆಯಲ್ಲಿ ಪಾಲ್ಗೊಂಡಿದ್ದರು.

. ‘ದೇಶದಾದ್ಯಂತ ಪೊಲೀಸ್ ಇಲಾಖೆ ಅತ್ಯಂತ ವೃತ್ತಿಪರವಾಗಿ ಕಾರ್ಯನಿರ್ವಹಿಸುವಂತೆ ಉತ್ತೇಜಿಸುವ ರೀತಿಯಲ್ಲಿ ಈ ಕಾನೂನು ಇರಲಿದೆ. ಪ್ರತಿಭಟನೆ ವೇಳೆಯೂ ಸಂಯಮ ವಹಿಸುವ ಮಾರ್ಗೋಪಾಯಗಳನ್ನು ಕಾನೂನು ಒಳಗೊಂಡಿದೆ’ ಎಂದಿದ್ದಾರೆ.

. ಆದರೆ ಈ ಬಗ್ಗೆ ಅವರು ಕೆಲ ವಿವರಗಳನ್ನಷ್ಟೇ ನೀಡಿದರು. ‘ಪ್ರತಿಯೊಂದು ಸಮುದಾಯದ ಮಕ್ಕಳು ಹಿಂಸೆ, ಭಯದಿಂದ ಮುಕ್ತವಾದ ವಾತಾವರಣದಲ್ಲಿ ಬೆಳೆಯಬೇಕು’ ಎಂದು ಅವರು ಹೇಳಿದ್ದಾರೆ.

. ಪೊಲೀಸ್ ವ್ಯವಸ್ಥೆ ಸುಧಾರಣೆಯ ಆದೇಶದ ಜೊತೆಗೆ, ಅಲ್ಪಸಂಖ್ಯಾತ ಸಮುದಾಯಗಳ ಆರ್ಥಿಕ ಅಭಿವೃದ್ಧಿ ಕಡೆ ಯೋಜನೆ ಹಮ್ಮಿಕೊಳ್ಳಲಾಗುವುದು. ಆರೋಗ್ಯ ಕಾಳಜಿ ವಿಷಯದಲ್ಲಿ ತಾರತಮ್ಯ ನಿವಾರಣೆ, ಶಾಲೆಗಳ ಆಯ್ಕೆಗೆ ಅವಕಾಶ ನೀಡುವ ವಿಷಯದಲ್ಲೂ ಗಮನಹರಿಸಲಾಗುವುದು ಎಂದು ಅವರು ಹೇಳಿದ್ದಾರೆ.

. ಅಮೆರಿಕನ್ನರು ಉತ್ತಮ ನಡವಳಿಕೆಯುಳ್ಳವರು ಎಂದು ಹೇಳಿದ ಟ್ರಂಪ್, ಜನರು ಎಲ್ಲೇ ಹೋದರೂ ಅಂಧಾಬಿಮಾನ ಮತ್ತು ಪೂರ್ವಗ್ರಹಗಳನ್ನು ತೊಡೆದುಹಾಕಲು ಒಗ್ಗಟ್ಟಾಗಬೇಕು ಎಂದು ಮನವಿ ಮಾಡಿದರು.

. ‘ರಾಜಕಾರಣಿಗಳು ಪೊಳ್ಳು ಆರೋಪಗಳನ್ನು ಮಾಡುತ್ತಾರೆ. ತಮ್ಮ ವೈಫಲ್ಯಗಳನ್ನು ಮುಚ್ಚಿಹಾಕಲು ಜನರ ಗಮನ ಬೇರೆಡೆ ಸೆಳೆಯಲು ಪ್ರಯತ್ನಿಸುತ್ತಾರೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪೊಲೀಸ್‌ ಕಾರ್ಯಶೈಲಿ ಸುಧಾರಣೆಗೆ ಕಾನೂನು: ಟ್ರಂಪ್‌

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು