ಭಾನುವಾರ, 14 ಜುಲೈ 2024
×
ADVERTISEMENT
ಈ ಕ್ಷಣ :
ADVERTISEMENT

ಇಡಾಲಿಯಾ ಚಂಡಮಾರುತ: ಸುರಕ್ಷಿತ ಸ್ಥಳಗಳಿಗೆ ತೆರಳುವಂತೆ ಫ್ಲೊರಿಡಾ ಜನರಿಗೆ ಸೂಚನೆ

Published 30 ಆಗಸ್ಟ್ 2023, 14:23 IST
Last Updated 30 ಆಗಸ್ಟ್ 2023, 14:23 IST
ಅಕ್ಷರ ಗಾತ್ರ

ಫ್ಲೊರಿಡಾ: ಇಡಾಲಿಯಾ ಚಂಡಮಾರುತ ವೇಗ ಪಡೆದುಕೊಂಡಿದ್ದು, ಫ್ಲೊರಿಡಾದ ಬಿಗ್‌ ಬೆಂಡ್‌ ಪ್ರಾಂತ್ಯದತ್ತ ಚಲಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಸುರಕ್ಷಿತ ಪ್ರದೇಶಗಳಿಗೆ ತೆರಳುವಂತೆ ಕರಾವಳಿ ಪ್ರದೇಶದ ನಿವಾಸಿಗಳಿಗೆ ಸೂಚನೆ ನೀಡಲಾಗಿದೆ.

'ಇದು (ಇಡಾಲಿಯಾ) ಅತ್ಯಂತ ಪ್ರಬಲವಾಗಿದೆ. ನೀವು ಸುರಕ್ಷಿತ ಸ್ಥಳಗಳಲ್ಲಿ ಇದ್ದರೆ, ಚಂಡಮಾರುತ ಹಾದು ಹೋಗುವವರೆಗೆ ಅಲ್ಲಿಯೇ ಇರಿ. ಸಾಹಸಮಾಡಲು ಹೋಗಿ ಪ್ರಾಣಕ್ಕೆ ಅಪಾಯ ತಂದುಕೊಳ್ಳದಿರಿ' ಎಂದು ಫ್ಲೊರಿಡಾ ಗೌವರ್ನರ್‌ ರಾನ್‌ ಡೆಸೆಂಟಿಸ್‌ ಎಚ್ಚರಿಕೆ ನೀಡಿದ್ದಾರೆ.

ಇಡಾಲಿಯಾ ಚಂಡಮಾರುತ ಫ್ಲೊರಿಡಾ ತೀರಕ್ಕೆ ಅಪ್ಪಳಿಸಿದರೆ, ತೀರ ಪ್ರದೇಶದಲ್ಲಿ ಅಪಾರ ನಷ್ಟ ಸಂಭವಿಸಲಿದೆ. ಭೂಕುಸಿತವಾಗುವ ಸಾಧ್ಯತೆ ಇದೆ. ಗಾಳಿಯ ವೇಗ ಗಂಟೆಗೆ ಗರಿಷ್ಠ 215 ಕಿ.ಮೀ ಇರಲಿದೆ. ಚಂಡಮಾರುತವು ಫ್ಲೊರಿಡಾದಿಂದ ಜಾರ್ಜಿಯಾ ತೀರ ಅಥವಾ ಸೌತ್‌ ಕರೊಲಿನಾದತ್ತ ಸಾಗಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಚಂಡಮಾರುತ ಫ್ಲೊರಿಡಾದಿಂದ ಹಾದುಹೋದ ಬಳಿಕ ಕಾರ್ಯಾಚರಣೆ ನಡೆಸಲು 5,500 ಮಂದಿ ರಾಷ್ಟ್ರೀಯ ಭದ್ರತಾ ಸಿಬ್ಬಂದಿ ಹಾಗೂ ವಿದ್ಯುತ್ ಇಲಾಖೆಯ 30 ಸಾವಿರಕ್ಕೂ ಹೆಚ್ಚು ಸಿಬ್ಬಂದಿಯನ್ನು ಸಜ್ಜಾಗಿ ಇರಿಸಿಕೊಳ್ಳಲಾಗಿದೆ.

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT