ವಾಷಿಂಗ್ಟನ್: ಅಮೆರಿಕದಲ್ಲಿ ನೆಲೆಸಿರುವ ಭಾರತ ಸಂಜಾತ ವಾಣಿಜ್ಯೋದ್ಯಮಿ ಗುರಿಂದರ್ ಸಿಂಗ್ ಖಾಲ್ಸಾ ಅವರು ಪ್ರತಿಷ್ಠಿತ ರೋಸಾ ಪಾರ್ಕ್ ಟ್ರೈಲ್ಬ್ಲೇಜರ್ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಸಿಖ್ ಸಮುದಾಯದವರು ಪೇಟಾ ಧರಿಸುವ ಕುರಿತು ಅಮೆರಿಕದ ಅಧಿಕಾರಿಗಳು ತಮ್ಮ ನೀತಿಯನ್ನು ಬದಲಿಸುವಂತೆ ಮಾಡಲು ಗುರಿಂದರ್ ಸಿಂಗ್ ಚಳವಳಿ ನಡೆಸಿದ್ದರು. ಈ ಹೋರಾಟ ಪರಿಗಣಿಸಿ ಈ ಪ್ರಶಸ್ತಿ ನೀಡಲಾಗಿದೆ.
2007ರಲ್ಲಿ ಪೇಟ ಧರಿಸಿದ ಕಾರಣಕ್ಕೆ ವಿಮಾನ ಹತ್ತಲು ಗುರಿಂದರ್ ಅವರಿಗೆ ಅಧಿಕಾರಿಗಳು ಅನುಮತಿ ನಿರಾಕರಿಸಿದ್ದರು.