ನೇಪಾಳ ಚುನಾವಣೆ: ಪ್ರಧಾನಿ ಶೇರ್ ದೇವುಬಾಗೆ ಗೆಲುವು

77 ವರ್ಷದ ದೇವುಬಾ ಅವರು 25,534 ಮತಗಳನ್ನು ಪಡೆದರು. ಪಕ್ಷೇತರರಾಗಿ ಕಣಕ್ಕಿಳಿದಿದ್ದ ದೇವುಬಾ ಅವರ ಸಮೀಪದ ಪ್ರತಿಸ್ಪರ್ಧಿ, 31 ವರ್ಷದ ಸಾಗರ್‌ ಧಾಕಲ್‌ ಅವರು ಕೇವಲ 1,302 ಮತಗಳನ್ನಷ್ಟೇ ಗಳಿಸಲು ಶಕ್ತರಾದರು.
5 ದಶಕಗಳ ರಾಜಕೀಯ ಜೀವನದಲ್ಲಿ ದೇವುಬಾ ಅವರು ಲೋಕಸಭೆ ಚುನಾವಣೆಯಲ್ಲಿ ಒಂದು ಬಾರಿಯೂ ಸೋತಿಲ್ಲ. ಆಡಳಿತ ಪಕ್ಷ ನೇಪಾಳಿ ಕಾಂಗ್ರೆಸ್‌ನ ಅಧ್ಯಕ್ಷ ದೇವುಬಾ ಅವರು ನಾಲ್ಕು ಬಾರಿ ಪ್ರಧಾನಿಯಾಗಿದ್ದಾರೆ.

ಪ್ರಸಕ್ತ ಚುನಾವಣೆಯಲ್ಲಿ ನೇಪಾಳಿ ಕಾಂಗ್ರೆಸ್‌ 10 ಸ್ಥಾನಗಳನ್ನು ಗೆದ್ದಿದ್ದು, 46 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ. ಕೆ.ಪಿ. ಒಲಿ ನೇತೃತ್ವದ ಸಿಪಿಎನ್‌-ಯುಎಂಎಲ್‌ ಪಕ್ಷವು 3 ಸ್ಥಾನಗಳನ್ನು ಗೆದ್ದಿದ್ದು, 42 ಕ್ಷೇತ್ರಗಳಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ.

ಭಾನುವಾರ ಮತದಾನ ನಡೆದಿದೆ. ಮತ ಎಣಿಕೆ ಸೋಮವಾರದಿಂದ ಆರಂಭಗೊಂಡಿದೆ.