ಈಶಾನ್ಯ ನೈಜೀರಿಯಾ: ಉಗ್ರರಿಂದ 11 ರೈತರ ಹತ್ಯೆ

ಬೊರ್ನೊ ಸಮೀಪದ ಕುವಾಯಾಂಗಿಯಾ ಗ್ರಾಮಕ್ಕೆ ಬೈಕ್‌ನಲ್ಲಿ ತಲುಪಿದ ದಾಳಿಕೋರರು ಹೊಲದಲ್ಲಿ ಕೆಲಸ ಮಾಡುತ್ತಿದ್ದ 11 ಮಂದಿ ರೈತರನ್ನು ಕತ್ತು ಸೀಳಿ ಕೊಲೆ ಮಾಡಿದ್ದಾರೆ ಎಂದಿವೆ.

ಸಮೀಪ ಪ್ರದೇಶದಲ್ಲಿರುವ ಸೈನಿಕರಿಗೆ ಗುಂಡಿನ ಸದ್ದು ಕೇಳಬಹುದೆಂಬ ಕಾರಣಕ್ಕೆ ಉಗ್ರರು ಬಂದೂಕುಗಳನ್ನು ಬಳಸಿಲ್ಲ ಎಂದೂ ವಿವರಿಸಿವೆ.

ಮೃತರೆಲ್ಲರೂ ಸಮೀಪದ ದಲ್ವಾ ಗ್ರಾಮದ ನಿವಾಸಿಗಳಾಗಿದ್ದಾರೆ. ಉಗ್ರರ ದಾಳಿಯಿಂದ ತಪ್ಪಿಸಿಕೊಳ್ಳಲು 2018ರಿಂದಲೂ ಬೊರ್ನೊ ರಾಜ್ಯಕ್ಕೆ ಬೇರೆ ಪ್ರದೇಶಗಳಿಂದ ಜನರು ಬರುತ್ತಿದ್ದಾರೆ.

ಬೊಕೊ ಹರಾಮ್‌ ಮತ್ತು ಪಶ್ಚಿಮ ಆಫ್ರಿಕಾದ ಐಎಸ್‌ ಉಗ್ರರು ಪದೇ ಪದೇ ರೈತರು, ಮೀನುಗಾರರು, ಕುರಿಗಾಹಿಗಳನ್ನು ಗುರಿಯಾಗಿಸಿ ದಾಳಿ ನಡೆಸುತ್ತಿದ್ದಾರೆ ಎಂದೂ ಮೂಲಗಳು ಹೇಳಿವೆ.