<p><strong>ವಾಷಿಂಗ್ಟನ್:</strong> ಚುನಾವಣಾ ಕಾಯ್ದೆ ಮತ್ತು ಮತದಾನದ ನಿಯಮಗಳಿಗೆ ತಿದ್ದುಪಡಿ ತರುವ ಮೂಲಕ ಜನಪ್ರತಿನಿಧಿಗಳ ಆಯ್ಕೆ ಪ್ರಕ್ರಿಯೆಯಲ್ಲಿನ ಬದಲಾವಣೆಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆದೇಶಿಸಿದ್ದಾರೆ.</p><p>ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುವವರಿಗೆ ಪೌರತ್ವ ದಾಖಲೆಗಳು ಕಡ್ಡಾಯವಾಗಿ ಇರವಂತೆ ಹಾಗೂ ಅಮೆರಿಕದ ಪೌರತ್ವ ಹೊಂದಿಲ್ಲದವರು ಚುನಾವಣೆಗೆ ದೇಣಿಗೆ ನೀಡುವುದನ್ನು ನಿರ್ಬಂಧಿಸುವುದು ಸೇರಿದಂತೆ ಹಲವು ಕಠಿಣ ನಿಯಮಗಳನ್ನು ಜಾರಿಗೆ ತರುವ ಪ್ರಕ್ರಿಯೆ ಇದಾಗಿದೆ.</p><p>ಈ ಆದೇಶಕ್ಕೆ ಸಹಿ ಹಾಕುವ ಸಂದರ್ಭದಲ್ಲಿ ಭಾರತ ಮತ್ತು ಬ್ರೆಜಿಲ್ನಲ್ಲಿ ಚಾಲ್ತಿಯಲ್ಲಿರುವ ಚುನಾವಣಾ ಪದ್ಧತಿಗಳನ್ನು ಟ್ರಂಪ್ ಉಲ್ಲೇಖಿಸಿದ್ದಾರೆ. ಮತದಾರರ ಗುರುತಿನ ಚೀಟಿಗೆ ವ್ಯಕ್ತಿಯ ಬೆರಳಚ್ಚು ಇರುವ ದಾಖಲೆ ಜೋಡಣೆಯನ್ನು ಪರಿಗಣಿಸುವ ಸೂಚನೆಯನ್ನು ಟ್ರಂಪ್ ನೀಡಿದ್ದಾರೆ.</p>.<h3>ಟ್ರಂಪ್ ಆದೇಶದ ಮುಖ್ಯಾಂಶಗಳು</h3><ul><li><p>ಚುನಾವಣೆಗೆ ನೋಂದಾಯಿಸುವ ಮೊದಲು ಪೌರತ್ವ ದಾಖಲೆಯನ್ನು ಸಲ್ಲಿಸಬೇಕು. ಇದರಿಂದ ಅಮೆರಿಕ ನಾಗರಿಕರು ಮಾತ್ರ ಚುನಾವಣಾ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಸಾಧ್ಯ. ಜತೆಗೆ ಅಮೆರಿಕದ ಮತದಾರರ ಅರ್ಹತಾ ಕಾಯ್ದೆಗಾಗಿ ನಿರೀಕ್ಷಿಸುತ್ತಿರುವ ರಿಪಬ್ಲಿಕನ್ರಿಗೆ ತಾನು ಕಾಯುತ್ತಿಲ್ಲ ಎಂಬ ಸಂದೇಶವನ್ನು ಟ್ರಂಪ್ ನೀಡಿದ್ದಾರೆ.</p></li><li><p>ಏಕರೂಪತೆ, ರಕ್ಷಣೆ ಮತ್ತು ಜಾರಿ ಈ ಆದೇಶದ ಹಿಂದಿನ ಮುಖ್ಯ ಉದ್ದೇಶವಾಗಿದೆ. ಭಾರತ ಮತ್ತು ಬ್ರೆಜಿಲ್ ಅನ್ನು ಉದಾಹರಣೆಯಾಗಿ ಉಲ್ಲೇಖಿಸಿರುವ ಟ್ರಂಪ್, ಬೆರಳಚ್ಚು ದಾಖಲಾಗಿರುವ ಗುರುತಿನೊಂದಿಗೆ ಮತದಾರರ ಗುರುತಿನ ದಾಖಲೆ ಜೋಡಿಸುವ ಉದ್ದೇಶವನ್ನು ಹೇಳಿದ್ದಾರೆ.</p></li><li><p>ಅಮೆರಿಕದ ಪ್ರತಿ ರಾಜ್ಯಗಳು ತಮ್ಮಲ್ಲಿರುವ ಮತದಾರರ ದಾಖಲೆಗಳನ್ನು ಆಂತರಿಕ ಭದ್ರತೆ ಹಾಗೂ ಸರ್ಕಾರದ ದಕ್ಷತೆಯ ಇಲಾಖೆಗೆ ಪರಿಶೀಲನೆಗೆ ನೀಡಬೇಕು. ಈ ಇಲಾಖೆಗಳು ಮತದಾರರ ದಾಖಲೆಗಳನ್ನು ಪರಿಶೀಲಿಸಿ, ರಾಜ್ಯಗಳಿಗೆ ಮರಳಿ ನೀಡಲಿವೆ. ಅಮೆರಿಕದ ಅಟಾರ್ನಿ ಜನರಲ್ ಅವರು ಇದಕ್ಕೆ ಕಾನೂನು ರಚಿಸಲಿದ್ದಾರೆ. </p></li><li><p>ಚುನಾವಣಾ ದಿನ ಮತ ಚಲಾವಣೆ ಅಥವಾ ಮತ ಪಡೆಯಬಹುದು. ಸದ್ಯ 18 ರಾಜ್ಯಗಳಲ್ಲಿ ಚುನಾವಣಾ ದಿನದ ಹಿಂದಿನ ದಿನಾಂಕದ ನಮೂದಾಗಿರುವ ಮತಪತ್ರಗಳನ್ನು ಚುನಾವಣೆ ನಂತರವೂ ಪಡೆಯುವ ಅವಕಾಶವಿದೆ. ಆದರೆ, ಭವಿಷ್ಯದಲ್ಲಿ ಇದಕ್ಕೆ ಅವಕಾಶವಿರದು. </p></li><li><p>ಅಮೆರಿಕದ ಚುನಾವಣೆಯಲ್ಲಿ ವಿದೇಶಿಯರ ಹಸ್ತಕ್ಷೇಪವನ್ನು ನಿರ್ಬಂಧಿಸುವ ಉದ್ದೇಶದಿಂದ ಹೊಸ ಕಾಯ್ದೆ ತರುವ ಹಾಗೂ ದೇಣಿಗೆ ನೀಡುವುದನ್ನು ತಡೆಯುವ ಅಂಶ ಹೊಸ ಕಾಯ್ದೆಯಲ್ಲಿರಲಿದೆ.</p></li><li><p>ಮತಪತ್ರದಲ್ಲಿ ಬಾರ್ಕೋಡ್ ಅಥವಾ ಕ್ಯೂಆರ್ ಕೋಡ್ ಅನ್ನೇ ಮುಂದುವರಿಸಬೇಕೇ ಅಥವಾ ಹೊಸ ಮತದಾನ ವ್ಯವಸ್ಥೆಯನ್ನು ಜಾರಿಗೆ ತರುವುದು ಸೂಕ್ತವೇ ಎಂಬುದನ್ನೂ ಪರಿಶೀಲಿಸುವಂತೆ ಆದೇಶದಲ್ಲಿ ಹೇಳಲಾಗಿದೆ. ಇವೆಲ್ಲವೂ ಆರು ತಿಂಗಳ ಒಳಗಾಗಿ ಕೈಗೊಳ್ಳುವಂತೆ ಹೇಳಲಾಗಿದೆ.</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಚುನಾವಣಾ ಕಾಯ್ದೆ ಮತ್ತು ಮತದಾನದ ನಿಯಮಗಳಿಗೆ ತಿದ್ದುಪಡಿ ತರುವ ಮೂಲಕ ಜನಪ್ರತಿನಿಧಿಗಳ ಆಯ್ಕೆ ಪ್ರಕ್ರಿಯೆಯಲ್ಲಿನ ಬದಲಾವಣೆಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆದೇಶಿಸಿದ್ದಾರೆ.</p><p>ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುವವರಿಗೆ ಪೌರತ್ವ ದಾಖಲೆಗಳು ಕಡ್ಡಾಯವಾಗಿ ಇರವಂತೆ ಹಾಗೂ ಅಮೆರಿಕದ ಪೌರತ್ವ ಹೊಂದಿಲ್ಲದವರು ಚುನಾವಣೆಗೆ ದೇಣಿಗೆ ನೀಡುವುದನ್ನು ನಿರ್ಬಂಧಿಸುವುದು ಸೇರಿದಂತೆ ಹಲವು ಕಠಿಣ ನಿಯಮಗಳನ್ನು ಜಾರಿಗೆ ತರುವ ಪ್ರಕ್ರಿಯೆ ಇದಾಗಿದೆ.</p><p>ಈ ಆದೇಶಕ್ಕೆ ಸಹಿ ಹಾಕುವ ಸಂದರ್ಭದಲ್ಲಿ ಭಾರತ ಮತ್ತು ಬ್ರೆಜಿಲ್ನಲ್ಲಿ ಚಾಲ್ತಿಯಲ್ಲಿರುವ ಚುನಾವಣಾ ಪದ್ಧತಿಗಳನ್ನು ಟ್ರಂಪ್ ಉಲ್ಲೇಖಿಸಿದ್ದಾರೆ. ಮತದಾರರ ಗುರುತಿನ ಚೀಟಿಗೆ ವ್ಯಕ್ತಿಯ ಬೆರಳಚ್ಚು ಇರುವ ದಾಖಲೆ ಜೋಡಣೆಯನ್ನು ಪರಿಗಣಿಸುವ ಸೂಚನೆಯನ್ನು ಟ್ರಂಪ್ ನೀಡಿದ್ದಾರೆ.</p>.<h3>ಟ್ರಂಪ್ ಆದೇಶದ ಮುಖ್ಯಾಂಶಗಳು</h3><ul><li><p>ಚುನಾವಣೆಗೆ ನೋಂದಾಯಿಸುವ ಮೊದಲು ಪೌರತ್ವ ದಾಖಲೆಯನ್ನು ಸಲ್ಲಿಸಬೇಕು. ಇದರಿಂದ ಅಮೆರಿಕ ನಾಗರಿಕರು ಮಾತ್ರ ಚುನಾವಣಾ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಸಾಧ್ಯ. ಜತೆಗೆ ಅಮೆರಿಕದ ಮತದಾರರ ಅರ್ಹತಾ ಕಾಯ್ದೆಗಾಗಿ ನಿರೀಕ್ಷಿಸುತ್ತಿರುವ ರಿಪಬ್ಲಿಕನ್ರಿಗೆ ತಾನು ಕಾಯುತ್ತಿಲ್ಲ ಎಂಬ ಸಂದೇಶವನ್ನು ಟ್ರಂಪ್ ನೀಡಿದ್ದಾರೆ.</p></li><li><p>ಏಕರೂಪತೆ, ರಕ್ಷಣೆ ಮತ್ತು ಜಾರಿ ಈ ಆದೇಶದ ಹಿಂದಿನ ಮುಖ್ಯ ಉದ್ದೇಶವಾಗಿದೆ. ಭಾರತ ಮತ್ತು ಬ್ರೆಜಿಲ್ ಅನ್ನು ಉದಾಹರಣೆಯಾಗಿ ಉಲ್ಲೇಖಿಸಿರುವ ಟ್ರಂಪ್, ಬೆರಳಚ್ಚು ದಾಖಲಾಗಿರುವ ಗುರುತಿನೊಂದಿಗೆ ಮತದಾರರ ಗುರುತಿನ ದಾಖಲೆ ಜೋಡಿಸುವ ಉದ್ದೇಶವನ್ನು ಹೇಳಿದ್ದಾರೆ.</p></li><li><p>ಅಮೆರಿಕದ ಪ್ರತಿ ರಾಜ್ಯಗಳು ತಮ್ಮಲ್ಲಿರುವ ಮತದಾರರ ದಾಖಲೆಗಳನ್ನು ಆಂತರಿಕ ಭದ್ರತೆ ಹಾಗೂ ಸರ್ಕಾರದ ದಕ್ಷತೆಯ ಇಲಾಖೆಗೆ ಪರಿಶೀಲನೆಗೆ ನೀಡಬೇಕು. ಈ ಇಲಾಖೆಗಳು ಮತದಾರರ ದಾಖಲೆಗಳನ್ನು ಪರಿಶೀಲಿಸಿ, ರಾಜ್ಯಗಳಿಗೆ ಮರಳಿ ನೀಡಲಿವೆ. ಅಮೆರಿಕದ ಅಟಾರ್ನಿ ಜನರಲ್ ಅವರು ಇದಕ್ಕೆ ಕಾನೂನು ರಚಿಸಲಿದ್ದಾರೆ. </p></li><li><p>ಚುನಾವಣಾ ದಿನ ಮತ ಚಲಾವಣೆ ಅಥವಾ ಮತ ಪಡೆಯಬಹುದು. ಸದ್ಯ 18 ರಾಜ್ಯಗಳಲ್ಲಿ ಚುನಾವಣಾ ದಿನದ ಹಿಂದಿನ ದಿನಾಂಕದ ನಮೂದಾಗಿರುವ ಮತಪತ್ರಗಳನ್ನು ಚುನಾವಣೆ ನಂತರವೂ ಪಡೆಯುವ ಅವಕಾಶವಿದೆ. ಆದರೆ, ಭವಿಷ್ಯದಲ್ಲಿ ಇದಕ್ಕೆ ಅವಕಾಶವಿರದು. </p></li><li><p>ಅಮೆರಿಕದ ಚುನಾವಣೆಯಲ್ಲಿ ವಿದೇಶಿಯರ ಹಸ್ತಕ್ಷೇಪವನ್ನು ನಿರ್ಬಂಧಿಸುವ ಉದ್ದೇಶದಿಂದ ಹೊಸ ಕಾಯ್ದೆ ತರುವ ಹಾಗೂ ದೇಣಿಗೆ ನೀಡುವುದನ್ನು ತಡೆಯುವ ಅಂಶ ಹೊಸ ಕಾಯ್ದೆಯಲ್ಲಿರಲಿದೆ.</p></li><li><p>ಮತಪತ್ರದಲ್ಲಿ ಬಾರ್ಕೋಡ್ ಅಥವಾ ಕ್ಯೂಆರ್ ಕೋಡ್ ಅನ್ನೇ ಮುಂದುವರಿಸಬೇಕೇ ಅಥವಾ ಹೊಸ ಮತದಾನ ವ್ಯವಸ್ಥೆಯನ್ನು ಜಾರಿಗೆ ತರುವುದು ಸೂಕ್ತವೇ ಎಂಬುದನ್ನೂ ಪರಿಶೀಲಿಸುವಂತೆ ಆದೇಶದಲ್ಲಿ ಹೇಳಲಾಗಿದೆ. ಇವೆಲ್ಲವೂ ಆರು ತಿಂಗಳ ಒಳಗಾಗಿ ಕೈಗೊಳ್ಳುವಂತೆ ಹೇಳಲಾಗಿದೆ.</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
