ದೇವಯಾನಿ ಪ್ರಕರಣ ಸಂಬಂಧ ಅಮೆರಿಕ ‘ಭಿನ್ನ’ ಹೇಳಿಕೆ ನೀಡಿದ ಬೆನ್ನಲ್ಲೆ, ಭಾರತೀಯ ಮೂಲದ ವಕೀಲ ಪ್ರೀತ್ ಭರಾರಾ ಅವರು ಭಾರತೀಯ ರಾಜತಾಂತ್ರಿಕ ಅಧಿಕಾರಿಯ ಬಂಧನವನ್ನು ಸಮರ್ಥಿಸಿಕೊಂಡಿದ್ದಾರೆ. ಅಲ್ಲದೇ ದೇವಯಾನಿ ಅವರನ್ನು ವಿವಸ್ತ್ರಗೊಳಿಸಿ ತಪಾಸಣೆ ನಡೆಸಲಾಗಿತ್ತು ಎಂದು ಒಪ್ಪಿಕೊಂಡಿರುವ ಭರಾರಾ, ಮನೆಕೆಲಸದಾಕೆಯ ಕುಟುಂಬವನ್ನು ಅಮೆರಿಕಕ್ಕೆ ‘ಕರೆಯಿಸಿಕೊಂಡಿರುವ’ ವರದಿಯನ್ನು ಖಚಿತ ಪಡಿಸಿದ್ದಾರೆ. ಅವರ ಕುಟುಂಬ ಭಾರತದಲ್ಲಿದ್ದಿದ್ದರೇ ಅವರನ್ನು ‘ಬಾಯಿ ಮುಚ್ಚಿಸಲು’ ಯತ್ನಿಸಲಾಗುತ್ತಿತ್ತು ಎಂದೂ ಆರೋಪಿಸಿದ್ದಾರೆ.