ನಾನು ಬಾಂಬೆಗೆ ಹೋದೆ. ಸೀರಾಕ್ ಹೋಟೆಲ್ನಲ್ಲಿ ರೂಮ್ ಮಾಡಿದೆ. ಮಾಲವಿಕಾ ಮನೆ ಎಲ್ಲಿದೆ ಎಂದು ನನ್ನ ಸಂಪರ್ಕಗಳನ್ನು ಉಪಯೋಗಿಸಿ ಪತ್ತೆಮಾಡಿದೆ. ರಮೇಶ್ ಬೆಹ್ಲ್ ಎಂಬ ಚಿತ್ರೋದ್ಯಮಿಯ ಮನೆ ಮೇಲೆ ಅವರು ಬಾಡಿಗೆಗೆ ಇದ್ದರು. ಅವರ ಮನೆ ಇದ್ದಲ್ಲಿಗೆ ಕಾರಿನಲ್ಲಿ ಹೋದೆ. ಕಾಯುತ್ತಾ ನಿಂತೆ. ಸಂಜೆ ಹೊತ್ತಿಗೆ ಮಾಲವಿಕಾ ಹಾಗೂ ಅವರ ತಾಯಿ ಕೆಳಗಿಳಿದು ಬಂದರು.
ಅವರನ್ನು ಕಾರಿನಲ್ಲೇ ಅಡ್ಡಗಟ್ಟಿ, ಸೀರಾಕ್ ಹೋಟೆಲ್ಗೆ ಕರೆದುಕೊಂಡು ಹೋದೆ. ಅಲ್ಲಿ ಸಮಸ್ಯೆ ಏನೆಂದು ಕೂರಿಸಿಕೊಂಡು ಮಾತನಾಡಿದೆ. ಯಾವ ಹೋಟೆಲ್ನಲ್ಲಿ ರೂಮ್ ಬೇಕು, ಯಾವ ರೀತಿಯ ಕಾಸ್ಟ್ಯೂಮ್ಸ ಬೇಕು, ಎಷ್ಟು ಹಣ ಬಾಕಿ ಕೊಡಬೇಕು ಎಲ್ಲವನ್ನೂ ಕೇಳಿಕೊಂಡೆ. ಸಿಂಗಲ್ ಪೇಮೆಂಟ್ನಲ್ಲಿ ಬಾಕಿ ಹಣ ಕೊಡುವುದಾಗಿ ಹೇಳಿ, ಅವರನ್ನು ಮತ್ತೆ ನಟಿಸಲು ಒಪ್ಪಿಸಿದೆ.