<p>ಆಸ್ಪತ್ರೆಯ ಡೆಂಗಿ ವಾರ್ಡಿನಲ್ಲಿ ಹಾಸಿಗೆ ಹಿಡಿದಿದ್ದ ಮಗಳಿಗೆ ಸುಮಿ ಗಂಜಿ ಕುಡಿಸಿ ಆರೈಕೆ ಮಾಡುತ್ತಿದ್ದಳು. ಪಕ್ಕದ ಬೆಡ್ ರೋಗಿ ಕಡೆಯ ಹೆಂಗಸು ಬಂದು, ‘ನಿಮ್ಮ ಮಗಳೇನ್ರೀ?’ ಎಂದು ಮಾತಿಗಿಳಿದಳು.</p><p>‘ಹೌದೂರೀ, ಬಾಯಲ್ಲಿಟ್ಟ ಥರ್ಮಾಮೀಟರ್ ಬೆಂದುಹೋಗುವಷ್ಟು ಜ್ವರ ಬಂದಿದೆ... ನಿಮ್ಮವರು ಯಾರು ಅಡ್ಮಿಟ್ ಆಗಿದ್ದಾರೆ?’ ಕೇಳಿದಳು ಸುಮಿ.</p><p>‘ಸೊಳ್ಳೆ ಕಚ್ಚಿ ನಮ್ಮ ಫ್ಯಾಮಿಲಿಯೇ ಕಾಯಿಲೆಯಿಂದ ನೆಲ ಕಚ್ಚಿದೆ. 3ನೇ ಬೆಡ್ನಲ್ಲಿ ಅತ್ತೆ, 4ರಲ್ಲಿ ಮಗಳು, 5ರಲ್ಲಿ ಮಗ, 6ನೇ ಬೆಡ್ನಲ್ಲಿ ಗಂಡ ಮಲಗಿದ್ದಾರೆ’.</p><p>‘ಅವರನ್ನು ಆರೈಕೆ ಮಾಡಲು ನೀವೊಬ್ಬರಾದರೂ ಆರೋಗ್ಯವಾಗಿದ್ದೀರಲ್ಲ...’</p><p>‘ಹೋದ ವರ್ಷ ಡೆಂಗಿ ಬಂದು ಇದೇ ಆಸ್ಪತ್ರೆಯಲ್ಲಿ ನಾನು ಅಡ್ಮಿಟ್ ಆಗಿದ್ದೆ, ನನ್ನ ಗಂಡ ಹಾಲು, ಗಂಜಿ ಕುಡಿಸಿ ಆರೈಕೆ ಮಾಡಿದ್ದರು. ಈ ವರ್ಷ ಆರೈಕೆ ಸರದಿ ನನ್ನದು’.</p><p>‘ಯುಗಾದಿ, ದೀಪಾವಳಿಯಂತೆ ಡೆಂಗಿ ವರ್ಷಾವರ್ಷಾನೂ ಬರುತ್ತಾ?!’</p><p>‘ಹೌದು. ಮಳೆಗಾಲ ಶುರುವಿನಲ್ಲಿ ಡೆಂಗಿ, ಮಲೇರಿಯಾದಂತಹ ಕಾಮನ್ ಕಾಯಿಲೆಗಳು ಬರುತ್ತವೆ. ಕಾಯಿಲೆಗಳು ಬರಲಿಬಿಡಿ, ಅವುಗಳಿಗೆ ನಮ್ಮನ್ನು ಬಿಟ್ಟರೆ ಇನ್ಯಾರು ಗತಿ? ಮಕ್ಕಳ ಸ್ಕೂಲ್ ಫೀಸು, ಹಬ್ಬದ ಖರ್ಚಿನಂತೆ ಕಾಯಿಲೆಗೂ ದುಡ್ಡು ಮೀಸಲಿಡುತ್ತೇವೆ’.</p><p>‘ಕಾಯಿಲೆಯಿಂದ ಗಾಬರಿ... ಚಿಕಿತ್ಸೆ ನೆಪದಲ್ಲಿ ರಾಬರಿ...’</p><p>‘ಗಾಬರಿ ಆಗ್ಬೇಡಿ, ಸೌಭಾಗ್ಯ ಬೇಡಿ ದೇವಸ್ಥಾನದ ಹುಂಡಿಗೆ ದುಡ್ಡು ಹಾಕುವಂತೆ ಆರೋಗ್ಯ ಬಯಸಿ ಆಸ್ಪತ್ರೆ ಹುಂಡಿಗೂ ನಾವು ಹಣ ಹಾಕಬೇಕು’.</p><p>‘ಹಬ್ಬ ಹರಿದಿನಗಳಲ್ಲಿ ಬಟ್ಟೆ ಅಂಗಡಿಗಳಲ್ಲಿ ರಿಯಾಯಿತಿ ಮಾರಾಟದಂತೆ ಕಾಯಿಲೆ ಕಾಲದಲ್ಲಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ವೆಚ್ಚಕ್ಕೆ ಡಿಸ್ಕೌಂಟ್ ಆಫರ್ ಇರಬೇಕಾಗಿತ್ತು...’ ಸುಮಿ ಆಸೆಪಟ್ಟಳು.</p><p>ಆಗ ನರ್ಸ್ ಬಂದು, ‘ಈಗ ಡಾಕ್ಟರ್ ರೌಂಡ್ಸ್ ಬರ್ತಾರೆ ಪೇಷೆಂಟ್ ಕಡೆಯವರು ಆಚೆ ಹೋಗಿ...’ ಎಂದು ಎಲ್ಲರನ್ನೂ ಕಳಿಸಿದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಆಸ್ಪತ್ರೆಯ ಡೆಂಗಿ ವಾರ್ಡಿನಲ್ಲಿ ಹಾಸಿಗೆ ಹಿಡಿದಿದ್ದ ಮಗಳಿಗೆ ಸುಮಿ ಗಂಜಿ ಕುಡಿಸಿ ಆರೈಕೆ ಮಾಡುತ್ತಿದ್ದಳು. ಪಕ್ಕದ ಬೆಡ್ ರೋಗಿ ಕಡೆಯ ಹೆಂಗಸು ಬಂದು, ‘ನಿಮ್ಮ ಮಗಳೇನ್ರೀ?’ ಎಂದು ಮಾತಿಗಿಳಿದಳು.</p><p>‘ಹೌದೂರೀ, ಬಾಯಲ್ಲಿಟ್ಟ ಥರ್ಮಾಮೀಟರ್ ಬೆಂದುಹೋಗುವಷ್ಟು ಜ್ವರ ಬಂದಿದೆ... ನಿಮ್ಮವರು ಯಾರು ಅಡ್ಮಿಟ್ ಆಗಿದ್ದಾರೆ?’ ಕೇಳಿದಳು ಸುಮಿ.</p><p>‘ಸೊಳ್ಳೆ ಕಚ್ಚಿ ನಮ್ಮ ಫ್ಯಾಮಿಲಿಯೇ ಕಾಯಿಲೆಯಿಂದ ನೆಲ ಕಚ್ಚಿದೆ. 3ನೇ ಬೆಡ್ನಲ್ಲಿ ಅತ್ತೆ, 4ರಲ್ಲಿ ಮಗಳು, 5ರಲ್ಲಿ ಮಗ, 6ನೇ ಬೆಡ್ನಲ್ಲಿ ಗಂಡ ಮಲಗಿದ್ದಾರೆ’.</p><p>‘ಅವರನ್ನು ಆರೈಕೆ ಮಾಡಲು ನೀವೊಬ್ಬರಾದರೂ ಆರೋಗ್ಯವಾಗಿದ್ದೀರಲ್ಲ...’</p><p>‘ಹೋದ ವರ್ಷ ಡೆಂಗಿ ಬಂದು ಇದೇ ಆಸ್ಪತ್ರೆಯಲ್ಲಿ ನಾನು ಅಡ್ಮಿಟ್ ಆಗಿದ್ದೆ, ನನ್ನ ಗಂಡ ಹಾಲು, ಗಂಜಿ ಕುಡಿಸಿ ಆರೈಕೆ ಮಾಡಿದ್ದರು. ಈ ವರ್ಷ ಆರೈಕೆ ಸರದಿ ನನ್ನದು’.</p><p>‘ಯುಗಾದಿ, ದೀಪಾವಳಿಯಂತೆ ಡೆಂಗಿ ವರ್ಷಾವರ್ಷಾನೂ ಬರುತ್ತಾ?!’</p><p>‘ಹೌದು. ಮಳೆಗಾಲ ಶುರುವಿನಲ್ಲಿ ಡೆಂಗಿ, ಮಲೇರಿಯಾದಂತಹ ಕಾಮನ್ ಕಾಯಿಲೆಗಳು ಬರುತ್ತವೆ. ಕಾಯಿಲೆಗಳು ಬರಲಿಬಿಡಿ, ಅವುಗಳಿಗೆ ನಮ್ಮನ್ನು ಬಿಟ್ಟರೆ ಇನ್ಯಾರು ಗತಿ? ಮಕ್ಕಳ ಸ್ಕೂಲ್ ಫೀಸು, ಹಬ್ಬದ ಖರ್ಚಿನಂತೆ ಕಾಯಿಲೆಗೂ ದುಡ್ಡು ಮೀಸಲಿಡುತ್ತೇವೆ’.</p><p>‘ಕಾಯಿಲೆಯಿಂದ ಗಾಬರಿ... ಚಿಕಿತ್ಸೆ ನೆಪದಲ್ಲಿ ರಾಬರಿ...’</p><p>‘ಗಾಬರಿ ಆಗ್ಬೇಡಿ, ಸೌಭಾಗ್ಯ ಬೇಡಿ ದೇವಸ್ಥಾನದ ಹುಂಡಿಗೆ ದುಡ್ಡು ಹಾಕುವಂತೆ ಆರೋಗ್ಯ ಬಯಸಿ ಆಸ್ಪತ್ರೆ ಹುಂಡಿಗೂ ನಾವು ಹಣ ಹಾಕಬೇಕು’.</p><p>‘ಹಬ್ಬ ಹರಿದಿನಗಳಲ್ಲಿ ಬಟ್ಟೆ ಅಂಗಡಿಗಳಲ್ಲಿ ರಿಯಾಯಿತಿ ಮಾರಾಟದಂತೆ ಕಾಯಿಲೆ ಕಾಲದಲ್ಲಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ವೆಚ್ಚಕ್ಕೆ ಡಿಸ್ಕೌಂಟ್ ಆಫರ್ ಇರಬೇಕಾಗಿತ್ತು...’ ಸುಮಿ ಆಸೆಪಟ್ಟಳು.</p><p>ಆಗ ನರ್ಸ್ ಬಂದು, ‘ಈಗ ಡಾಕ್ಟರ್ ರೌಂಡ್ಸ್ ಬರ್ತಾರೆ ಪೇಷೆಂಟ್ ಕಡೆಯವರು ಆಚೆ ಹೋಗಿ...’ ಎಂದು ಎಲ್ಲರನ್ನೂ ಕಳಿಸಿದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>