<p>ಬೆಕ್ಕಣ್ಣ ಸುದ್ದಿ ಓದುತ್ತ ಲೊಚ್ ಲೊಚ್ ಎನ್ನುತ್ತಿತ್ತು. </p><p>‘ಛೆ… ಪಾಪ… ನಮ್ ಮೂರ್ತಿ ಅಜ್ಜಾರ ಅಳಿಯ ರಿಷಿ ಅಂಕಲ್ಲು ಈ ಸಲ ಬ್ರಿಟನ್ ಪ್ರಧಾನಿ ಆಗೂದು ತಪ್ಪಿಹೋತು’ ಎಂದು ಮತ್ತೆ ಲೊಚ್ ಅಂದಿತು. </p><p>‘ಹೋಗ್ಲಿಬಿಡು… ಅಬ್ ಕಿ ಬಾರ್ ಚಾರ್ ಸೌ ಪಾರ್ ಅನ್ನೋ ಘೋಷಣೆ ಬ್ರಿಟನ್ನಿನಲ್ಲಿ ನಿಜ ಆಗೈತಿ. ಲೇಬರ್ ಪಾರ್ಟಿಗೆ ನಾನೂರಕ್ಕಿಂತ ಹೆಚ್ಚು ಸೀಟು ಸಿಕ್ಕಾವಂತ’ ಎಂದೆ. </p><p>‘ಇಲ್ಲಿಂದ ಬೇಕಿದ್ರೆ ಆಪರೇಷನ್ ತಜ್ಞರನ್ನ ಕಳಿಸತಿದ್ದೆವು. ರಿಷಿ ಅಂಕಲ್ಲು ನಮ್ ಯೆಡ್ಯೂರಜ್ಜಾರು, ಕುಮಾರಣ್ಣನ ಕನ್ಸಲ್ಟನ್ಸಿ ಸರ್ವಿಸ್ ತಗೋಬೇಕಿತ್ತು. ಇವ್ರು ಆಪರೇಷನ್, ಮೈತ್ರಿ, ಹಿಂಗೆ ಏನರೆ ಮಾಡಿ ಅಂವನೇ ಪ್ರಧಾನಿ ಆಗೂ ಹಂಗ ಮಾಡತಿದ್ದರು’ ಬೆಕ್ಕಣ್ಣ ಕೈಕೈ ಹಿಸುಕಿಕೊಂಡಿತು. </p><p>‘ಇಲ್ಲಿ ಮಾಡಿದಂಗೆ ಅಲ್ಲಿ ಯರ್ರಾಬಿರ್ರಿ ಆಪರೇಷನ್ ಎಲ್ಲ ಮಾಡೂ ಹಂಗಿಲ್ಲ. ಎಲ್ಲದಕ್ಕೂ ಭಯಂಕರ ಪ್ರೊಸೀಜರ್ರು ಇರತಾವು’ ಎಂದೆ. </p><p>‘ಬಿಡು, ಏನಿದ್ದರೇನು… ನಮ್ಮವರು ರಂಗೋಲಿ ಕೆಳಗೆ ನುಸುಳೋ ಚಾಣಾಕ್ಷರು!’</p><p>‘ಅಲ್ಲಲೇ… ಇಲ್ಲಿ ಮಾತುಮಾತಿಗೆ ರಾಹುಲಂಕಲ್ಲಿಗೆ ಇಟಲಿಗೆ ವಾಪಸು ಹೋಗಪ್ಪ ಅಂತಾರಲ್ಲ… ಅಲ್ಲಿ ರಿಷಿದು ಐತಿಹಾಸಿಕ ಸೋಲಾದ್ರೂ ಇಂಡಿಯಾಕ್ಕೆ ವಾಪಸು ಹೋಗು ಅಂತ ಚುಚ್ಚಂಗಿಲ್ಲ… ಅವನ ಪಕ್ಷ ಸೋತ್ರೂ ಅಂವಾ ನಮ್ಮವನೇ ಅಂತ ಒಪ್ಪಿಕೊಂಡಾರೆ’.</p><p>‘ಒಂದು ತಿಳಕೋ… ನಮ್ಮವರು ಬ್ಯಾರೆ ದೇಶಕ್ಕೆ ಹೋಗಿ ನೆಲೆಸಿದ್ರೆ, ಇಲ್ಲಿಯವರು, ಅಲ್ಲಿಯವರು ಎರಡೂ ಆಗತಾರೆ. ಆದರೆ ಇಟಲಿ ಮೂಲದವರು ಮಾತ್ರ ಯಾವತ್ತಿಗೂ ಹೊರಗಿನವರೇ’.</p><p>‘ವಿತಂಡವಾದ ಮಾಡೂದನ್ನು ನಿನ್ನ ಹತ್ರ ಕಲೀಬೇಕು ನೋಡಲೇ’ ಎಂದು ನಾನು ತಲೆ ಚಚ್ಚಿಕೊಂಡೆ. </p><p>‘ಸೂರ್ಯ ಮುಳುಗದ ಸಾಮ್ರಾಜ್ಯ ನಮ್ಮದು ಅಂತಿದ್ದರಂತೆ ಬ್ರಿಟಿಷರು. ರಿಷಿ ಅಂಕಲ್ಲು ಪ್ರಧಾನಿ ಆಗದಿದ್ದರೇನಂತೆ… ಈ ಸಲ ಒಟ್ಟು 26 ಮಂದಿ ಭಾರತೀಯ ಮೂಲದವರು ಬ್ರಿಟನ್ ಸಂಸದರು ಆಗ್ಯಾರೆ. ಹಿಂಗಾಗಿ ಕಪ್ ನಮ್ದೂ ಹೌದು!’ ಎಂದು ಬೆಕ್ಕಣ್ಣ ಹಲ್ಲು ಕಿರಿಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ಸುದ್ದಿ ಓದುತ್ತ ಲೊಚ್ ಲೊಚ್ ಎನ್ನುತ್ತಿತ್ತು. </p><p>‘ಛೆ… ಪಾಪ… ನಮ್ ಮೂರ್ತಿ ಅಜ್ಜಾರ ಅಳಿಯ ರಿಷಿ ಅಂಕಲ್ಲು ಈ ಸಲ ಬ್ರಿಟನ್ ಪ್ರಧಾನಿ ಆಗೂದು ತಪ್ಪಿಹೋತು’ ಎಂದು ಮತ್ತೆ ಲೊಚ್ ಅಂದಿತು. </p><p>‘ಹೋಗ್ಲಿಬಿಡು… ಅಬ್ ಕಿ ಬಾರ್ ಚಾರ್ ಸೌ ಪಾರ್ ಅನ್ನೋ ಘೋಷಣೆ ಬ್ರಿಟನ್ನಿನಲ್ಲಿ ನಿಜ ಆಗೈತಿ. ಲೇಬರ್ ಪಾರ್ಟಿಗೆ ನಾನೂರಕ್ಕಿಂತ ಹೆಚ್ಚು ಸೀಟು ಸಿಕ್ಕಾವಂತ’ ಎಂದೆ. </p><p>‘ಇಲ್ಲಿಂದ ಬೇಕಿದ್ರೆ ಆಪರೇಷನ್ ತಜ್ಞರನ್ನ ಕಳಿಸತಿದ್ದೆವು. ರಿಷಿ ಅಂಕಲ್ಲು ನಮ್ ಯೆಡ್ಯೂರಜ್ಜಾರು, ಕುಮಾರಣ್ಣನ ಕನ್ಸಲ್ಟನ್ಸಿ ಸರ್ವಿಸ್ ತಗೋಬೇಕಿತ್ತು. ಇವ್ರು ಆಪರೇಷನ್, ಮೈತ್ರಿ, ಹಿಂಗೆ ಏನರೆ ಮಾಡಿ ಅಂವನೇ ಪ್ರಧಾನಿ ಆಗೂ ಹಂಗ ಮಾಡತಿದ್ದರು’ ಬೆಕ್ಕಣ್ಣ ಕೈಕೈ ಹಿಸುಕಿಕೊಂಡಿತು. </p><p>‘ಇಲ್ಲಿ ಮಾಡಿದಂಗೆ ಅಲ್ಲಿ ಯರ್ರಾಬಿರ್ರಿ ಆಪರೇಷನ್ ಎಲ್ಲ ಮಾಡೂ ಹಂಗಿಲ್ಲ. ಎಲ್ಲದಕ್ಕೂ ಭಯಂಕರ ಪ್ರೊಸೀಜರ್ರು ಇರತಾವು’ ಎಂದೆ. </p><p>‘ಬಿಡು, ಏನಿದ್ದರೇನು… ನಮ್ಮವರು ರಂಗೋಲಿ ಕೆಳಗೆ ನುಸುಳೋ ಚಾಣಾಕ್ಷರು!’</p><p>‘ಅಲ್ಲಲೇ… ಇಲ್ಲಿ ಮಾತುಮಾತಿಗೆ ರಾಹುಲಂಕಲ್ಲಿಗೆ ಇಟಲಿಗೆ ವಾಪಸು ಹೋಗಪ್ಪ ಅಂತಾರಲ್ಲ… ಅಲ್ಲಿ ರಿಷಿದು ಐತಿಹಾಸಿಕ ಸೋಲಾದ್ರೂ ಇಂಡಿಯಾಕ್ಕೆ ವಾಪಸು ಹೋಗು ಅಂತ ಚುಚ್ಚಂಗಿಲ್ಲ… ಅವನ ಪಕ್ಷ ಸೋತ್ರೂ ಅಂವಾ ನಮ್ಮವನೇ ಅಂತ ಒಪ್ಪಿಕೊಂಡಾರೆ’.</p><p>‘ಒಂದು ತಿಳಕೋ… ನಮ್ಮವರು ಬ್ಯಾರೆ ದೇಶಕ್ಕೆ ಹೋಗಿ ನೆಲೆಸಿದ್ರೆ, ಇಲ್ಲಿಯವರು, ಅಲ್ಲಿಯವರು ಎರಡೂ ಆಗತಾರೆ. ಆದರೆ ಇಟಲಿ ಮೂಲದವರು ಮಾತ್ರ ಯಾವತ್ತಿಗೂ ಹೊರಗಿನವರೇ’.</p><p>‘ವಿತಂಡವಾದ ಮಾಡೂದನ್ನು ನಿನ್ನ ಹತ್ರ ಕಲೀಬೇಕು ನೋಡಲೇ’ ಎಂದು ನಾನು ತಲೆ ಚಚ್ಚಿಕೊಂಡೆ. </p><p>‘ಸೂರ್ಯ ಮುಳುಗದ ಸಾಮ್ರಾಜ್ಯ ನಮ್ಮದು ಅಂತಿದ್ದರಂತೆ ಬ್ರಿಟಿಷರು. ರಿಷಿ ಅಂಕಲ್ಲು ಪ್ರಧಾನಿ ಆಗದಿದ್ದರೇನಂತೆ… ಈ ಸಲ ಒಟ್ಟು 26 ಮಂದಿ ಭಾರತೀಯ ಮೂಲದವರು ಬ್ರಿಟನ್ ಸಂಸದರು ಆಗ್ಯಾರೆ. ಹಿಂಗಾಗಿ ಕಪ್ ನಮ್ದೂ ಹೌದು!’ ಎಂದು ಬೆಕ್ಕಣ್ಣ ಹಲ್ಲು ಕಿರಿಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>