<p><strong>ಐದು ಸಾವಿರ ಶಿಕ್ಷಕರ ನೇಮಕ; ಮೇ ಮೊದಲು ಪಠ್ಯಪುಸ್ತಕ</strong></p>.<p>ಬೆಂಗಳೂರು, ಜ. 13– ರಾಜ್ಯ ಸರ್ಕಾರ ಮುಂದಿನ ಶೈಕ್ಷಣಿಕ ಸಾಲಿಗಾಗಿ ಮಾರ್ಚ್ ವೇಳೆಗೆ 5,000 ಶಾಲಾ ಶಿಕ್ಷಕರನ್ನು ನೇಮಿಸಿಕೊಳ್ಳಲು ನಿರ್ಧರಿಸಿದೆ.</p>.<p>ಅಗತ್ಯಬಿದ್ದರೆ ಅವಶ್ಯಕತೆಗೆ ಅನುಗುಣವಾಗಿ ಇನ್ನೂ ಹೆಚ್ಚಿನ ಶಿಕ್ಷಕರನ್ನು ನೇಮಿಸಿಕೊಳ್ಳಲಾಗುವುದು ಎಂದು ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಖಾತೆ ಸಚಿವ ಎಚ್.ಜಿ. ಗೋವಿಂದೇಗೌಡ ಅವರು ತಮ್ಮನ್ನು ಭೇಟಿ ಮಾಡಿದ್ದ ಪತ್ರಕರ್ತರಿಗೆ ಇಂದು ಇಲ್ಲಿ ತಿಳಿಸಿದರು.</p>.<p><strong>ಪಂಚಾಯತ್ ಕಾಯ್ದೆಗೆ ತಿದ್ದುಪಡಿ ಸುಗ್ರೀವಾಜ್ಞೆ</strong></p>.<p>ಬೆಂಗಳೂರು, ಜ. 13– ಕರ್ನಾಟಕ ರಾಜ್ಯ ಪಂಚಾಯತ್ ರಾಜ್ ಕಾಯ್ದೆ 1993ರ ತಿದ್ದುಪಡಿ ಸುಗ್ರೀವಾಜ್ಞೆಯನ್ನು ರಾಜ್ಯಪಾಲ ಖುರ್ಷಿದ್ ಆಲಂ ಖಾನ್ ಅವರು ಇಂದು ಹೊರಡಿಸಿದ್ದಾರೆ.</p>.<p>ಜಿಲ್ಲಾ ಮತ್ತು ತಾಲ್ಲೂಕು ಪಂಚಾಯಿತಿಗಳ ಚುನಾವಣೆ ಹಿನ್ನೆಲೆಯಲ್ಲಿ ಹೊರಡಿಸಿರುವ ಈ ತಿದ್ದುಪಡಿ ಸುಗ್ರೀವಾಜ್ಞೆಯಲ್ಲಿ ಹಿಂದುಳಿದವರು ಯಾರು ಎಂಬ ಬಗೆಗೆ ಮರುವ್ಯಾಖ್ಯಾನ ಮಾಡಿದ್ದು, ಹಿಂದುಳಿದವರನ್ನು ‘ಎ’ ಮತ್ತು ‘ಬಿ’ ಎಂದು ಎರಡು ಗುಂಪುಗಳಾಗಿ ವರ್ಗೀಕರಿಸಲಾಗಿದೆ ಎಂದು ಸರ್ಕಾರದ ಅಧಿಕೃತ ಮೂಲಗಳು ತಿಳಿಸಿವೆ.</p>.<p>‘ಎ’ ಗುಂಪಿನಲ್ಲಿ ಅತಿ ಹಿಂದುಳಿದವರು ಮತ್ತು ಹೆಚ್ಚು ಹಿಂದುಳಿದವರು ಸೇರಿದ್ದು, ‘ಬಿ’ ಗುಂಪಿನಲ್ಲಿ ಇತರ ಹಿಂದುಳಿದ ಜಾತಿಗಳು ಸೇರುತ್ತವೆ. ಸುಗ್ರೀವಾಜ್ಞೆ ಜತೆಯಲ್ಲಿಯೇ ಈ ಎರಡೂ ಗುಂಪುಗಳಲ್ಲಿ ಸೇರಿರುವ ಜಾತಿಗಳ ಬಗೆಗೆ ಆದೇಶ ಹೊರಡಿಸಲಾಗಿದೆ.</p>.<p>ಹಿಂದುಳಿದವರಿಗೆ ದೊರೆಯುವ ಶೇಕಡ 33ರಷ್ಟು ಮೀಸಲಿನಲ್ಲಿ ‘ಎ‘ ಗುಂಪಿನವರಿಗೆ ಶೇಕಡ 80ರಷ್ಟು ಹಾಗೂ ‘ಬಿ’ ಗುಂಪಿನವರಿಗೆ ಶೇಕಡ 20ರಷ್ಟು ಮೀಸಲು ಸಿಗುತ್ತದೆ.</p>.<p><strong>ಶ್ರೀವಾಸ್ತವ ಷಾಮೀಲು: ಹೈಕೋರ್ಟ್ ತೀರ್ಪು</strong></p>.<p>ಕೊಚ್ಚಿ, ಜ. 13 (ಪಿಟಿಐ)– ಕುತೂಹಲ ಕೆರಳಿಸಿರುವ ಇಸ್ರೋ ಗೂಢಚರ್ಯೆ ಪ್ರಕರಣದಲ್ಲಿ ಕೇರಳ ಐ.ಜಿ ರಾಮನ್ ಶ್ರೀವಾಸ್ತವ ಅವರು ‘ಬುದ್ಧ್ಯಾಪೂರ್ವಕ’ ಭಾಗಿಯಾಗಿದ್ದಾರೆ ಎಂದು ರಾಜ್ಯ ಹೈಕೋರ್ಟ್ ಇಂದು ಮಹತ್ವದ ತೀರ್ಪು ನೀಡಿದೆ. ತನಿಖೆಯನ್ನು ನಿಷ್ಪಕ್ಷಪಾತವಾಗಿ ನಡೆಸದೆ ಇರುವ ಸಿಬಿಐ ಅನ್ನು ಅದು ತರಾಟೆಗೆ ತೆಗೆದುಕೊಂಡಿದೆ.</p>.<p>ಬೇಹುಗಾರಿಕೆ ದಳದ (ಐಬಿ) ವರದಿಯ ಮೇಲೆ ತೀರ್ಪು ನೀಡಿರುವ ಕೋರ್ಟ್, ವಿಷಯವನ್ನು ಪುನರ್ಪರಿಶೀಲಿಸುವಂತೆ ಸಿಬಿಐ ನಿರ್ದೇಶಕ ಕೆ. ವಿಜಯರಾಮರಾಜ್ ಅವರಿಗೆ ಆದೇಶ ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಐದು ಸಾವಿರ ಶಿಕ್ಷಕರ ನೇಮಕ; ಮೇ ಮೊದಲು ಪಠ್ಯಪುಸ್ತಕ</strong></p>.<p>ಬೆಂಗಳೂರು, ಜ. 13– ರಾಜ್ಯ ಸರ್ಕಾರ ಮುಂದಿನ ಶೈಕ್ಷಣಿಕ ಸಾಲಿಗಾಗಿ ಮಾರ್ಚ್ ವೇಳೆಗೆ 5,000 ಶಾಲಾ ಶಿಕ್ಷಕರನ್ನು ನೇಮಿಸಿಕೊಳ್ಳಲು ನಿರ್ಧರಿಸಿದೆ.</p>.<p>ಅಗತ್ಯಬಿದ್ದರೆ ಅವಶ್ಯಕತೆಗೆ ಅನುಗುಣವಾಗಿ ಇನ್ನೂ ಹೆಚ್ಚಿನ ಶಿಕ್ಷಕರನ್ನು ನೇಮಿಸಿಕೊಳ್ಳಲಾಗುವುದು ಎಂದು ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಖಾತೆ ಸಚಿವ ಎಚ್.ಜಿ. ಗೋವಿಂದೇಗೌಡ ಅವರು ತಮ್ಮನ್ನು ಭೇಟಿ ಮಾಡಿದ್ದ ಪತ್ರಕರ್ತರಿಗೆ ಇಂದು ಇಲ್ಲಿ ತಿಳಿಸಿದರು.</p>.<p><strong>ಪಂಚಾಯತ್ ಕಾಯ್ದೆಗೆ ತಿದ್ದುಪಡಿ ಸುಗ್ರೀವಾಜ್ಞೆ</strong></p>.<p>ಬೆಂಗಳೂರು, ಜ. 13– ಕರ್ನಾಟಕ ರಾಜ್ಯ ಪಂಚಾಯತ್ ರಾಜ್ ಕಾಯ್ದೆ 1993ರ ತಿದ್ದುಪಡಿ ಸುಗ್ರೀವಾಜ್ಞೆಯನ್ನು ರಾಜ್ಯಪಾಲ ಖುರ್ಷಿದ್ ಆಲಂ ಖಾನ್ ಅವರು ಇಂದು ಹೊರಡಿಸಿದ್ದಾರೆ.</p>.<p>ಜಿಲ್ಲಾ ಮತ್ತು ತಾಲ್ಲೂಕು ಪಂಚಾಯಿತಿಗಳ ಚುನಾವಣೆ ಹಿನ್ನೆಲೆಯಲ್ಲಿ ಹೊರಡಿಸಿರುವ ಈ ತಿದ್ದುಪಡಿ ಸುಗ್ರೀವಾಜ್ಞೆಯಲ್ಲಿ ಹಿಂದುಳಿದವರು ಯಾರು ಎಂಬ ಬಗೆಗೆ ಮರುವ್ಯಾಖ್ಯಾನ ಮಾಡಿದ್ದು, ಹಿಂದುಳಿದವರನ್ನು ‘ಎ’ ಮತ್ತು ‘ಬಿ’ ಎಂದು ಎರಡು ಗುಂಪುಗಳಾಗಿ ವರ್ಗೀಕರಿಸಲಾಗಿದೆ ಎಂದು ಸರ್ಕಾರದ ಅಧಿಕೃತ ಮೂಲಗಳು ತಿಳಿಸಿವೆ.</p>.<p>‘ಎ’ ಗುಂಪಿನಲ್ಲಿ ಅತಿ ಹಿಂದುಳಿದವರು ಮತ್ತು ಹೆಚ್ಚು ಹಿಂದುಳಿದವರು ಸೇರಿದ್ದು, ‘ಬಿ’ ಗುಂಪಿನಲ್ಲಿ ಇತರ ಹಿಂದುಳಿದ ಜಾತಿಗಳು ಸೇರುತ್ತವೆ. ಸುಗ್ರೀವಾಜ್ಞೆ ಜತೆಯಲ್ಲಿಯೇ ಈ ಎರಡೂ ಗುಂಪುಗಳಲ್ಲಿ ಸೇರಿರುವ ಜಾತಿಗಳ ಬಗೆಗೆ ಆದೇಶ ಹೊರಡಿಸಲಾಗಿದೆ.</p>.<p>ಹಿಂದುಳಿದವರಿಗೆ ದೊರೆಯುವ ಶೇಕಡ 33ರಷ್ಟು ಮೀಸಲಿನಲ್ಲಿ ‘ಎ‘ ಗುಂಪಿನವರಿಗೆ ಶೇಕಡ 80ರಷ್ಟು ಹಾಗೂ ‘ಬಿ’ ಗುಂಪಿನವರಿಗೆ ಶೇಕಡ 20ರಷ್ಟು ಮೀಸಲು ಸಿಗುತ್ತದೆ.</p>.<p><strong>ಶ್ರೀವಾಸ್ತವ ಷಾಮೀಲು: ಹೈಕೋರ್ಟ್ ತೀರ್ಪು</strong></p>.<p>ಕೊಚ್ಚಿ, ಜ. 13 (ಪಿಟಿಐ)– ಕುತೂಹಲ ಕೆರಳಿಸಿರುವ ಇಸ್ರೋ ಗೂಢಚರ್ಯೆ ಪ್ರಕರಣದಲ್ಲಿ ಕೇರಳ ಐ.ಜಿ ರಾಮನ್ ಶ್ರೀವಾಸ್ತವ ಅವರು ‘ಬುದ್ಧ್ಯಾಪೂರ್ವಕ’ ಭಾಗಿಯಾಗಿದ್ದಾರೆ ಎಂದು ರಾಜ್ಯ ಹೈಕೋರ್ಟ್ ಇಂದು ಮಹತ್ವದ ತೀರ್ಪು ನೀಡಿದೆ. ತನಿಖೆಯನ್ನು ನಿಷ್ಪಕ್ಷಪಾತವಾಗಿ ನಡೆಸದೆ ಇರುವ ಸಿಬಿಐ ಅನ್ನು ಅದು ತರಾಟೆಗೆ ತೆಗೆದುಕೊಂಡಿದೆ.</p>.<p>ಬೇಹುಗಾರಿಕೆ ದಳದ (ಐಬಿ) ವರದಿಯ ಮೇಲೆ ತೀರ್ಪು ನೀಡಿರುವ ಕೋರ್ಟ್, ವಿಷಯವನ್ನು ಪುನರ್ಪರಿಶೀಲಿಸುವಂತೆ ಸಿಬಿಐ ನಿರ್ದೇಶಕ ಕೆ. ವಿಜಯರಾಮರಾಜ್ ಅವರಿಗೆ ಆದೇಶ ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
