<p><strong>ಆರೋಗ್ಯ ಇಲಾಖೆಯ ಯೋಜನೆಗಳು ಕೃತಿಗಿಳಿಯಲು ಹಣದ ಅಡ್ಡಿ ಇಲ್ಲ ಎಂದು ಸಚಿವ ಘೋರ್ಪಡೆ</strong></p><p><strong>ಬೆಂಗಳೂರು, ಜುಲೈ 4</strong>– ಯೋಜನೆಯಲ್ಲಿ ಸೇರಿಸಲಾಗಿರುವ ಅಭಿವೃದ್ಧಿ ಯೋಜನೆಗಳು ಅದರಲ್ಲೂ ಅಗತ್ಯವಾದ ಸೇವೆ ಎಂದು ಪರಿಗಣಿಸುವ ಸಾರ್ವಜನಿಕ ಆರೋಗ್ಯ ಇಲಾಖೆಯ ವೆಚ್ಚದ ಮೇಲೆ ಯಾವ ಮಿತವ್ಯಯವನ್ನೂ ಅರ್ಥಖಾತೆ ವಿಧಿಸಿಲ್ಲವೆಂದು ಅರ್ಥ ಸಚಿವ ಶ್ರೀ ಎಂ.ವೈ. ಘೋರ್ಪಡೆ ಅವರು ಇಂದು ಇಲ್ಲಿ ಸ್ಪಷ್ಟಪಡಿಸಿದರು.</p><p>19.49 ಕೋಟಿ ರೂ. ಹಣ ಒದಗಿಸಿರುವ ಸಾರ್ವಜನಿಕ ಆರೋಗ್ಯ ಇಲಾಖೆ ಮೇಲೆ 30 ಲಕ್ಷ ರೂಪಾಯಿ ಮಾತ್ರ ಮಿತವ್ಯಯ ಸೂಚಿಸಲಾಗಿದೆಯೆಂದೂ ಈ ಮಿತವ್ಯಯವು ಸಂಬಳ ಹಾಗೂ ತುಟ್ಟಿಭತ್ಯಕ್ಕೆ ಸಂಬಂಧಿಸಿದುದೆಂದೂ ಸಚಿವರು ವಿವರಿಸಿದರು.</p><p>ಸಾರ್ವಜನಿಕ ಆರೋಗ್ಯ ಇಲಾಖೆಯಲ್ಲಿ ಹುದ್ದೆಗಳನ್ನು ತುಂಬಲು ಬಜೆಟ್ನಲ್ಲಿ 1 ಕೋಟಿ ರೂಪಾಯಿ ಹಣವನ್ನು ಒದಗಿಸಲಾಗಿದೆಯೆಂದೂ ಈ ಹಣ ಖರ್ಚು ಮಾಡಿ ಹುದ್ದೆಗಳನ್ನು ತುಂಬಲು ಯಾವ ತಡೆಯೂ ಇಲ್ಲವೆಂದು ಸಚಿವರು ಸ್ಪಷ್ಟಪಡಿಸಿದರು.</p><p>***</p><p><strong>ಮನೆಯಿಂದಲೇ ಕಚೇರಿ ಕೆಲಸ</strong></p><p><strong>ನವದೆಹಲಿ, ಜುಲೈ 4–</strong> ಅಮೆರಿಕದ ಅನೇಕರು ಹಣ ಸಂಪಾದನೆಗಾಗಿ ‘ಕೆಲಸಕ್ಕೇ ಹೋಗದಿರಬಹುದಾದ’ ಕಾಲವೊಂದು ಬಹಳ ಬೇಗನೆ ಬರಬಹುದು.</p><p>ಅದರ ಬದಲು ಅವರು ತಮ್ಮ ತಮ್ಮ ಮನೆಗಳಲ್ಲೇ ಕುಳಿತು ಕಂಪ್ಯೂಟರ್ಗಳು ಮತ್ತು ಸಂಪರ್ಕ ಸಾಧನಗಳನ್ನು ತಮ್ಮ ತಮ್ಮ ಕಚೇರಿಗಳೊಡನೆ ಜೋಡಿಸಿಕೊಂಡು ಕೆಲಸ ಮಾಡಬಹುದು.</p><p>ಇಂಧನ ಬಳಕೆ ಮತ್ತು ವಾತಾವರಣ ಕಲುಷಿತಗೊಳಿಸುವಿಕೆಯನ್ನು ತಗ್ಗಿಸಲು ಶಕ್ತಿಮೂಲಕ್ಕೆ ಸಂಬಂಧಪಟ್ಟ ಅಮೆರಿಕದ ಫೆಡರಲ್ ಶಾಖೆ ಹಾಗೂ ಟೆಲಿಸಂಪರ್ಕ ಶಾಖೆ ಇಂತಹ ವ್ಯವಸ್ಥೆಗಳಿಗಾಗಿ ಕೆಲಸ ಮಾಡುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಆರೋಗ್ಯ ಇಲಾಖೆಯ ಯೋಜನೆಗಳು ಕೃತಿಗಿಳಿಯಲು ಹಣದ ಅಡ್ಡಿ ಇಲ್ಲ ಎಂದು ಸಚಿವ ಘೋರ್ಪಡೆ</strong></p><p><strong>ಬೆಂಗಳೂರು, ಜುಲೈ 4</strong>– ಯೋಜನೆಯಲ್ಲಿ ಸೇರಿಸಲಾಗಿರುವ ಅಭಿವೃದ್ಧಿ ಯೋಜನೆಗಳು ಅದರಲ್ಲೂ ಅಗತ್ಯವಾದ ಸೇವೆ ಎಂದು ಪರಿಗಣಿಸುವ ಸಾರ್ವಜನಿಕ ಆರೋಗ್ಯ ಇಲಾಖೆಯ ವೆಚ್ಚದ ಮೇಲೆ ಯಾವ ಮಿತವ್ಯಯವನ್ನೂ ಅರ್ಥಖಾತೆ ವಿಧಿಸಿಲ್ಲವೆಂದು ಅರ್ಥ ಸಚಿವ ಶ್ರೀ ಎಂ.ವೈ. ಘೋರ್ಪಡೆ ಅವರು ಇಂದು ಇಲ್ಲಿ ಸ್ಪಷ್ಟಪಡಿಸಿದರು.</p><p>19.49 ಕೋಟಿ ರೂ. ಹಣ ಒದಗಿಸಿರುವ ಸಾರ್ವಜನಿಕ ಆರೋಗ್ಯ ಇಲಾಖೆ ಮೇಲೆ 30 ಲಕ್ಷ ರೂಪಾಯಿ ಮಾತ್ರ ಮಿತವ್ಯಯ ಸೂಚಿಸಲಾಗಿದೆಯೆಂದೂ ಈ ಮಿತವ್ಯಯವು ಸಂಬಳ ಹಾಗೂ ತುಟ್ಟಿಭತ್ಯಕ್ಕೆ ಸಂಬಂಧಿಸಿದುದೆಂದೂ ಸಚಿವರು ವಿವರಿಸಿದರು.</p><p>ಸಾರ್ವಜನಿಕ ಆರೋಗ್ಯ ಇಲಾಖೆಯಲ್ಲಿ ಹುದ್ದೆಗಳನ್ನು ತುಂಬಲು ಬಜೆಟ್ನಲ್ಲಿ 1 ಕೋಟಿ ರೂಪಾಯಿ ಹಣವನ್ನು ಒದಗಿಸಲಾಗಿದೆಯೆಂದೂ ಈ ಹಣ ಖರ್ಚು ಮಾಡಿ ಹುದ್ದೆಗಳನ್ನು ತುಂಬಲು ಯಾವ ತಡೆಯೂ ಇಲ್ಲವೆಂದು ಸಚಿವರು ಸ್ಪಷ್ಟಪಡಿಸಿದರು.</p><p>***</p><p><strong>ಮನೆಯಿಂದಲೇ ಕಚೇರಿ ಕೆಲಸ</strong></p><p><strong>ನವದೆಹಲಿ, ಜುಲೈ 4–</strong> ಅಮೆರಿಕದ ಅನೇಕರು ಹಣ ಸಂಪಾದನೆಗಾಗಿ ‘ಕೆಲಸಕ್ಕೇ ಹೋಗದಿರಬಹುದಾದ’ ಕಾಲವೊಂದು ಬಹಳ ಬೇಗನೆ ಬರಬಹುದು.</p><p>ಅದರ ಬದಲು ಅವರು ತಮ್ಮ ತಮ್ಮ ಮನೆಗಳಲ್ಲೇ ಕುಳಿತು ಕಂಪ್ಯೂಟರ್ಗಳು ಮತ್ತು ಸಂಪರ್ಕ ಸಾಧನಗಳನ್ನು ತಮ್ಮ ತಮ್ಮ ಕಚೇರಿಗಳೊಡನೆ ಜೋಡಿಸಿಕೊಂಡು ಕೆಲಸ ಮಾಡಬಹುದು.</p><p>ಇಂಧನ ಬಳಕೆ ಮತ್ತು ವಾತಾವರಣ ಕಲುಷಿತಗೊಳಿಸುವಿಕೆಯನ್ನು ತಗ್ಗಿಸಲು ಶಕ್ತಿಮೂಲಕ್ಕೆ ಸಂಬಂಧಪಟ್ಟ ಅಮೆರಿಕದ ಫೆಡರಲ್ ಶಾಖೆ ಹಾಗೂ ಟೆಲಿಸಂಪರ್ಕ ಶಾಖೆ ಇಂತಹ ವ್ಯವಸ್ಥೆಗಳಿಗಾಗಿ ಕೆಲಸ ಮಾಡುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>