50 ವರ್ಷಗಳ ಹಿಂದೆ: ಮಂಗಳವಾರ 25.4.1972
ಅಕ್ಷರ ಗಾತ್ರ :ಆ |ಆ |ಆ
ವಿವಾಹಿತ ಮಹಿಳೆಗೆ ಸೇವಾ ನಿಯಮದಲ್ಲಿ ಇನ್ನು ಪಕ್ಷಪಾತವಿಲ್ಲ
ನವದೆಹಲಿ, ಏ. 24– ಮದುವೆಯಾದ ಮಹಿಳೆಯರ ನೇಮಕದ ವಿರುದ್ಧ ಸೇವಾ
ನಿಯಮಗಳಲ್ಲಿರುವ ಕೆಲವು ಪಕ್ಷಪಾತಗಳನ್ನು ನಿವಾರಿಸುವ ಸರ್ಕಾರದ ನಿರ್ಧಾರವನ್ನು ಪ್ರಧಾನಿ ಇಂದಿರಾ ಗಾಂಧಿ ಅವರು ಇಂದು ಲೋಕಸಭೆಯಲ್ಲಿ ಪ್ರಕಟಿಸಿದರು.
ಕಾಂಗ್ರೆಸ್ ಸದಸ್ಯರು ಈ ಪ್ರಕಟಣೆಯನ್ನು ಹರ್ಷೋದ್ಗಾರಗಳಿಂದ ಸ್ವಾಗತಿಸಿದರು.
ಸರ್ಕಾರಿ ಸೇವಾ ನಿಯಮಗಳಲ್ಲಿ ಮಹಿಳೆ ಯರ ವಿರುದ್ಧ ಪಕ್ಷಪಾತವಿದೆಯೆಂದು ಕಾಂಗ್ರೆಸ್ಸಿನ ಶ್ರೀಮತಿ ಟಿ. ಲಕ್ಷ್ಮೀಕಾಂತಮ್ಮ ಅವರು ದೂರುತ್ತಿದ್ದರೆಂದು ಶ್ರೀಮತಿ ಗಾಂಧಿ ಹೇಳಿದರು. ಸರ್ಕಾರಿ ಉದ್ಯೋಗದಲ್ಲಿರುವ ಮಹಿಳೆಯರು ಮದುವೆಯಾದರೆ ಅವರನ್ನು ಕೆಲಸದಿಂದ ತೆಗೆದುಹಾಕಬಹುದು. ಇನ್ನು ಕೆಲವು ಪ್ರಕರಣಗಳಲ್ಲಿ ವಿವಾಹಿತ ಮಹಿಳೆ ಯರು ಉದ್ಯೋಗಕ್ಕೆ ಅರ್ಹರಾಗುವುದಿಲ್ಲ.
ನಗುವಿನ ಅಲೆಗಳ ನಡುವೆ ಸ್ವತಂತ್ರ ಪಕ್ಷದ ಶ್ರೀ ಪಿಲೂ ಮೋದಿ ಅವರು ಅಚ್ಚರಿ ಸೂಚಿಸುತ್ತಾ ನುಡಿದರು: ‘ಪುರುಷರ ವಿರುದ್ಧ ತೋರಲಾಗುತ್ತಿರುವ ಪಕ್ಷಪಾತವನ್ನೂ ದಯವಿಟ್ಟು ಪರಿಶೀಲಿಸಿರಿ’.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
