ದೇಶ-ವಿದೇಶಗಳಲ್ಲಿ ಮಾಹಿತಿ ತಂತ್ರಜ್ಞಾನ ಮತ್ತು ತಾಂತ್ರಿಕತೆಯಲ್ಲಿ ಮುಂಚೂಣಿಯಲ್ಲಿರುವ ಕರ್ನಾಟಕದ ಕೌಶಲವನ್ನು ಪರಿಷತ್ತು ಬಳಸಿಕೊಂಡು, ಪರಿಷತ್ತಿನ ಅಂತರ್ಜಾಲದ ಮುಖಪುಟದ ವಿನ್ಯಾಸವನ್ನು ಇನ್ನೂ ಉತ್ತಮ ರೀತಿಯಲ್ಲಿ ಅಭಿವೃದ್ಧಿಪಡಿಸಲಿ. ನೂತನ ಸದಸ್ಯತ್ವ ಪಡೆಯುವವರು ನೇರವಾಗಿ ಪರಿಷತ್ತಿನ ಬ್ಯಾಂಕ್ ಖಾತೆಗೆ
ಹಣ ಜಮಾ ಮಾಡಲು ಅನುವಾಗುವ ರೀತಿಯಲ್ಲಿ ನೋಡಿಕೊಳ್ಳಬೇಕು. ಪರಿಷತ್ತಿನ ಇತಿಹಾಸ, ಪ್ರಸ್ತುತ ವಿದ್ಯಮಾನಗಳು, ಪರಿಷತ್ತು ನಡೆಸುವ ಕಾರ್ಯಕ್ರಮಗಳು, ಪರಿಷತ್ತಿನ ಅಂಗರಚನೆ, ಸದಸ್ಯರ ವಿವರದಂತಹ ಮಾಹಿತಿಗಳು ಸಾರ್ವಜನಿಕರಿಗೆ ಸುಲಭವಾಗಿ ದೊರಕುವಂತೆ ಮಾಡಬೇಕು. ಈ ದಿಸೆಯಲ್ಲಿ ರಾಜ್ಯದಲ್ಲಿ ಇರುವ ಸಾಹಿತ್ಯಾಸಕ್ತ ಸಂಘಟನೆಗಳು ಪರಿಷತ್ತಿನೊಂದಿಗೆ ಸಹಕರಿಸಲಿ.