ರಂಗನಿಗೆ ಅಗದಿ ಭಯಂಕರ ಕೋಪ ಬಂದಿತು. ಕಾಲೇಜು ಯೂನಿಯನ್ ಅಧ್ಯಕ್ಷನೆಂಬ ಮಕುಟ ಹೊತ್ತು,ಮುಂದೆ ಚುನಾವಣೆಯಲ್ಲಿ ನಿಲ್ಲುವ ಗುರಿಯಿದ್ದರಂಗನಿಗೆ, ಇತಿಹಾಸದಲ್ಲಿಲೆಕ್ಚರರ್ ಬೀರೇಶಿ ಸೊನ್ನೆಯ ಮುಂದೆ ಒಂದನ್ನು ದಯಪಾಲಿಸಿದರೆ ಕಂಡಾಪಟ್ಟೆ ಕೋಪ ಬಾರದಿದ್ದೀತೆ? ಹಗ್ಗ ಕಿತ್ತ ಗೂಳಿಯಂತೆಸ್ಟಾಫ್ ರೂಮಿಗೆನುಗ್ಗಿದರಂಗ, ಏಕಾಂಗಿಯಾಗಿ ಕುಳಿತಿದ್ದ ಬೀರೇಶಿಯ ಎದುರು ನಿಂತ. ಜೇಬಿಗೆ ಕೈಹಾಕಿ ಏನೋ ತೆಗೆದ. ಚಾಕು ತೆಗೆದನೇನೋ ಎಂದು ಬೀರೇಶಿ ಹೆದರಿ ಕಣ್ಮುಚ್ಚಿಬಿಟ್ಟ.