ಶಿಕ್ಷಣ: ಎಚ್ಚೆತ್ತುಕೊಳ್ಳಬೇಕಾದ ಜರೂರಿದೆ

ಸದ್ಯ ಓದುತ್ತಿರುವ ಮಕ್ಕಳು ಸಹ ಕೊರೊನಾ ಕಾರಣದಿಂದ ಎರಡು ವರ್ಷ ಕಲಿಕೆಯಿಂದ ವಂಚಿತರಾಗಿದ್ದರು. ಅವರ ಕಲಿಕೆಯ ಮಟ್ಟವನ್ನು ಉತ್ತಮಗೊಳಿಸುವುದರ ಜೊತೆಗೆ ಶಾಲೆಯಿಂದ ಹೊರಗುಳಿದ ಮತ್ತು ಶಾಲೆಗಳಲ್ಲಿ ಇಂದಿಗೂ ಪ್ರವೇಶ ಪಡೆಯದ ಮಕ್ಕಳನ್ನು ಶಾಲೆಗಳಿಗೆ ಕರೆತರಬೇಕಾಗಿದೆ.

ಈ ದಿಸೆಯಲ್ಲಿ ತುರ್ತು ಕಾರ್ಯಯೋಜನೆ ರೂಪಿಸಿ ಜಾರಿಗೆ ತರಬೇಕಿದೆ. ಬೇರೆಲ್ಲಕ್ಕಿಂತ ಶಿಕ್ಷಕರನ್ನು ಸೈನಿಕರಂತೆ ಸಿದ್ಧಪಡಿಸಿದರೆ ನಿಶ್ಚಿತ ಗುರಿ ತಲುಪಲು ಸಾಧ್ಯ. ಯಾವ ಮಗುವೂ ಶಾಲೆಯಿಂದ ಹೊರಗೆ ಉಳಿಯಬಾರದು ಎಂಬ ಮನೋಭಾವ ಸಮಾಜ, ಸರ್ಕಾರ, ಶಿಕ್ಷಕರು ಎಲ್ಲರದ್ದೂ ಆಗಬೇಕು. ಅಂದಾಗ ಮಾತ್ರ ಶಿಕ್ಷಣವು ತನ್ನ ಪಾತ್ರವನ್ನು ಸರಿಯಾಗಿ ನಿಭಾಯಿಸಲು ಸಾಧ್ಯ.

⇒ಬಿ.ಆರ್.ಅಣ್ಣಾಸಾಗರ,ಸೇಡಂ