ಹಸುವಿನ ಹಾಲು ಪ್ರಾಣಿಜನ್ಯ ಆಹಾರವಾದರೂ ಅದು ಪವಿತ್ರವೆಂದೂ ಒಳ್ಳೆಯ ಆಹಾರವೆಂದೂ ನಮ್ಮ ಹಿಂದೂ ಸಮಾಜದ ಪ್ರಭಾವಿ ಜಾತಿಗಳಿಂದ ಘೋಷಿಸಲ್ಪಟ್ಟು, ಅದೇ ಹಾಲನ್ನೇ ಶಿಶುಗಳಿಂದ ವೃದ್ಧರವರೆಗೂ ಉತ್ತಮವಾದ ಆಹಾರವೆಂದು ಸೇವಿಸುತ್ತಿದ್ದೇವೆ. ಹಸುವಿನಿಂದ ಹಾಲನ್ನು ಪ್ರಾಣಿ ಹಿಂಸೆಯಿಂದಾಗಲೀ ಅಥವಾ ರಕ್ತಪಾತದಿಂದಾಗಲೀ ಮಾಂಸವನ್ನು ಪಡೆದಂತೆ ಪಡೆಯುತ್ತಿಲ್ಲ. ಹಸುವಿಗೆ ಒಳ್ಳೆಯ ಹುಲ್ಲು, ಹಿಂಡಿ, ಬೂಸ ತಿನ್ನಿಸಿ, ಅದನ್ನು ತೃಪ್ತಿಪಡಿಸಿ ಹಾಲನ್ನು ಕರೆದುಕೊಳ್ಳುತ್ತೇವೆ. ಅದರಿಂದ ಹಸುವಿಗೆ ಯಾವ ಹಿಂಸೆಯೂ ಆಗುವುದಿಲ್ಲವೆಂಬುದು ಎಲ್ಲರಿಗೂ ಗೊತ್ತು.