ವಸ್ತುಸ್ಥಿತಿ ಅರಿಯದ ಸಂಸ್ಕೃತಿ ವ್ಯಾಮೋಹ

ಭಾರತದ ಪ್ರಧಾನಿ ಗದ್ದುಗೆಗೆ ಏರಿದ ಕನ್ನಡಿಗ ಎಚ್.ಡಿ.ದೇವೇಗೌಡರು ಹಿಂದಿ ಬಾರದ ಕಾರಣಕ್ಕೆ ಮೂದಲಿಕೆಗೆ ಒಳಗಾದರು ಎಂದು ಅವರು ಭಾವಿಸುವ ಸಂದರ್ಭವು ನಮ್ಮ ಸ್ವಾಭಿಮಾನವನ್ನು ಕೆಣಕಬೇಕೇ ಹೊರತು ದೀನತನದ ಭಾವನೆಯನ್ನು ಉಂಟು ಮಾಡಬಾರದು. ಹಿಂದಿ ಹೇರಿಕೆಗೆ ವಿರೋಧ ಒಂದು ದಿನದ ಹಿಂದಿ ದಿನಾಚರಣೆಗೆ ಸಂಬಂಧಿಸಿದ್ದಲ್ಲ. ಯುಪಿಎಸ್‌ಸಿ ನೇಮಕಾತಿ, ಬ್ಯಾಂಕಿಂಗ್ ಪರೀಕ್ಷೆ, ನೀಟ್, ಕರ್ನಾಟಕದಲ್ಲಿನ ಕೇಂದ್ರ ಸರ್ಕಾರಿ ಕಚೇರಿಗಳು, ಬ್ಯಾಂಕುಗಳಲ್ಲಿ ಪ್ರಾದೇಶಿಕ ಭಾಷೆಯ ಕಡೆಗಣನೆ, ಕೆಲವು ಇಂಗ್ಲಿಷ್‌ ಮಾಧ್ಯಮ ಶಾಲೆಗಳಲ್ಲಿ ಕನ್ನಡ ಮಾತನಾಡಿದರೆ ಮಕ್ಕಳಿಗೆ ದಂಡ ಹಾಕುವುದು (ಹಿಂದಿ ಮಾತಾಡಿದರೆ ದಂಡ ಇಲ್ಲ) ಮುಂತಾದ ಅನೇಕ
ಸಂದರ್ಭಗಳಲ್ಲಿ ಹಿಂದಿ ಹೇರಿಕೆ ಆಗುತ್ತಿದೆ. ನೆನಪಿರಲಿ: ಕನ್ನಡಿಗರು ಹಿಂದಿಯನ್ನು ದ್ವೇಷಿಸುವುದಿಲ್ಲ, ಆದರೆ ಹಿಂದಿ ಹೇರಿಕೆಯನ್ನು ವಿರೋಧಿಸುತ್ತಾರೆ. ಏಕೆಂದರೆ ನಾವೂ ಬದುಕಿ ಉಳಿಯಬೇಕಲ್ಲ!

ಪು.ಸೂ.ಲಕ್ಷ್ಮೀನಾರಾಯಣ ರಾವ್,ಬೆಂಗಳೂರು