ಕೋವಿಡ್‍ನಿಂದಾಗಿ ಮಕ್ಕಳಲ್ಲಿ ಕಲಿಕೆಯ ಆಸಕ್ತಿ ತಗ್ಗಿದೆ, ಅಶಿಸ್ತು ಮತ್ತು ಆಕ್ರಮಣಕಾರಿ ಪ್ರವೃತ್ತಿ ಹೆಚ್ಚಾಗಿದೆ ಹಾಗೂ ಕೋವಿಡ್ ನಂತರ ಮಕ್ಕಳ ನಾಪತ್ತೆ ಪ್ರಕರಣಗಳು ಹೆಚ್ಚಿವೆ ಎಂದು ವರದಿಯಾಗಿದೆ (ಪ್ರ.ವಾ., ಮೇ 29). ಬಹಳ ಮಂದಿ ತಿಳಿದಿರುವಂತೆ ಮಕ್ಕಳ ಈ ಸಮಸ್ಯೆಗಳಿಗೆ ನೇರ ಹೊಣೆ ಕೋವಿಡ್ ಅಲ್ಲ, ಈ ಹೊಣೆಯನ್ನು ಮೊಬೈಲ್ ಹೊರಬೇಕಾಗುತ್ತದೆ. ಯಾವ ಮೊಬೈಲ್‍ಗಳು ಮಕ್ಕಳ ಕೈಗೆ ಸಿಗದಂತೆ ಮನೆಯಲ್ಲಿ ಪೋಷಕರು ಹಾಗೂ ಶಾಲೆ- ಕಾಲೇಜುಗಳಲ್ಲಿ ಶಿಕ್ಷಕರು ಎಚ್ಚರ ವಹಿಸಿದ್ದರೋ ಅದೇ ಮೊಬೈಲನ್ನು ಕೋವಿಡ್‍ನಿಂದ ಆನ್‍ಲೈನ್ ತರಗತಿಗಳು ಪ್ರಾರಂಭವಾದ ಕಾರಣದಿಂದ ಮಕ್ಕಳ ಕೈಗೆ ಕೊಡುವುದು ಅನಿವಾರ್ಯವಾಯಿತು. ಇದರಿಂದ ಮಕ್ಕಳು ಮೊಬೈಲ್‍ಗಳನ್ನು ನಿರಾತಂಕವಾಗಿ ಬಳಸುವ ಅವಕಾಶ ಪಡೆದರು, ಜೊತೆಗೆ ಅವುಗಳನ್ನು ಬಳಸಲು ಬಹಳಷ್ಟು ಸಮಯವೂ ಅವರಿಗೆ ದೊರೆಯಿತು.
