ಒಂದು ವೇಳೆ ಪೊಲೀಸರ ಬಲವಂತಕ್ಕೆ ಮಾಸ್ಕ್ ಧರಿಸಿದರೂ ಅದು ನೆಪ ಮಾತ್ರಕ್ಕಷ್ಟೇ ಎಂಬಂತೆ ಆಗಿರುತ್ತದೆ. ಮುಖ, ಬಾಯಿಯಿಂದ ಗದ್ದದ ಕೆಳಗೆ ಜಾರಿದ ಮಾಸ್ಕ್ ಯಾವ ವೈರಸ್ ತಡೆಯುತ್ತದೆಯೋ ಗೊತ್ತಿಲ್ಲ. ಒಂದೇ ಮಾಸ್ಕನ್ನು ತಿಂಗಳುಗಟ್ಟಲೆ ಧರಿಸುವ ಅನಿವಾರ್ಯ ಇರುವ ಜನರಿಗೆ ಶುಚಿತ್ವದ ಪಾಠ ಹೇಗೆ ತಾನೇ ರುಚಿಸುವುದು? ದಂಡದಿಂದ ತಪ್ಪಿಸಿಕೊಳ್ಳಲು, ಅಕ್ಷರಶಃ ಅದು ಕೊಳೆತಂತೆ ಇದ್ದರೂ ಸರಿಯೆ ಮುಖದ ಮೇಲೆ ಮಾಸ್ಕ್ ಇರಲೇಬೇಕು ಎಂಬಂತಾಗಿದೆ. ಈ ರೀತಿ ಅವೈಜ್ಞಾನಿಕವಾಗಿ, ಅಶುಚಿತ್ವದಿಂದ ಧರಿಸುವ ಮಾಸ್ಕ್ ಇತರ ಕಾಯಿಲೆಗೆ ರಹದಾರಿಯಾಗದಿರಲಿ. ಮಾಸ್ಕ್ ಧರಿಸುವುದನ್ನು ಕಡ್ಡಾಯ ಮಾಡಿರುವ ಸರ್ಕಾರ, ಬಡವರಿಗೆ ಅವುಗಳನ್ನು ಉಚಿತವಾಗಿ ಹಂಚಬಾರದೇಕೆ? ಇದು ಸರ್ಕಾರದ ಕರ್ತವ್ಯ ಕೂಡ.
