ಪ್ರಶಸ್ತಿಗೆ ಇಷ್ಟು ಭಾರಿ ಮೊತ್ತ ಬೇಕೇ?

ಹಿರಿಯ ವಿಮರ್ಶಕ ಜಿ.ಎಸ್‌.ಆಮೂರ ಅವರು 2020ನೇ ಸಾಲಿನ ನೃಪತುಂಗ ಸಾಹಿತ್ಯ ಪ್ರಶಸ್ತಿಗೆ ಆಯ್ಕೆಯಾಗಿರುವುದು ಸಂತೋಷದ ಸಂಗತಿ. ಆಮೂರ ಅವರು ಕನ್ನಡಕ್ಕೆ ನೀಡಿರುವ ಮೌಲಿಕ ಕೊಡುಗೆ ಪ್ರಖರ, ವಿಶಿಷ್ಟ. ಆದರೆ ಇಲ್ಲೊಂದು ಸೂಕ್ಷ್ಮವನ್ನು ಗಮನಿಸಲೇಬೇಕಿದೆ. ಹಿಂದೆಂದೂ ಕಂಡು ಕೇಳರಿಯದಂಥ ಕೋವಿಡ್ -19, ಎಲ್ಲ ಮಗ್ಗುಲು ಗಳಲ್ಲೂ ತೀವ್ರ ಆರ್ಥಿಕ ಸಂಕಷ್ಟವೊಡ್ಡಿ ಬದುಕನ್ನು ಸೊರಗಿಸಿದೆ. ಹೀಗಿರುವಾಗ, ಈ ಪ್ರಶಸ್ತಿಗೆ ₹ 7 ಲಕ್ಷದಷ್ಟು ದೊಡ್ಡ ಮೊತ್ತ ಅಗತ್ಯವೇ? ಇದನ್ನು ಪರಿಷ್ಕರಿಸಬಹುದಲ್ಲವೇ? ಮೊತ್ತ ಕಡಿಮೆಯಾಗಿಸಿದರೆ ಪ್ರಶಸ್ತಿಯ ಮೌಲ್ಯವೇನೂ ಕಡಿಮೆಯಾಗದು. ಪ್ರಶಸ್ತಿಯ ಮೊತ್ತವೇ ಪ್ರತಿಷ್ಠೆಯಾಗಬಾರದು.

–ಬಿಂಡಿಗನವಿಲೆ ಭಗವಾನ್, ಬೆಂಗಳೂರು