‘ಹೆಸರಿನಿಂದ ಪ್ರಿಯಾಂಕ್ ಖರ್ಗೆ ಹೆಣ್ಣೋ ಗಂಡೋ ತಿಳಿಯುವುದಿಲ್ಲ’ ಎಂದು ಸಂಸದ ಪ್ರತಾಪ ಸಿಂಹ ಲೇವಡಿ ಮಾಡಿರುವುದು ದಿನವಿಡೀ ದೃಶ್ಯಮಾಧ್ಯಮದಲ್ಲಿ ಪ್ರಸಾರಗೊಂಡಿತು. ಈ ಬಗೆಯ ಹೆಸರುಗಳು ಅಸಂಖ್ಯ ಇವೆ. ವಿಜಯಾ ಎಂದರೆ ಸ್ತ್ರೀಲಿಂಗ, ವಿಜಯ್ ಎಂದರೆ ಪುಲ್ಲಿಂಗ. ಪ್ರಿಯಾಂಕಾ ಹೆಣ್ಣು, ಪ್ರಿಯಾಂಕ್ ಗಂಡು, ಮನೀಷಾ ಹೆಣ್ಣಾದರೆ, ಮನೀಷ್ ಗಂಡು... ಇನ್ನು ಕೆಲ ಹೆಸರುಗಳು ಉಭಯ ಲಿಂಗಕ್ಕೂ ಸೈ. ಉದಾಹರಣೆಗೆ: ಕಿರಣ, ಕೀರ್ತಿ ಇತ್ಯಾದಿ. ದಶಕಗಟ್ಟಲೆ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿಯಾಗಿದ್ದ ಜ್ಯೋತಿ ಬಸು ಅವರ ಸಾಧನೆಗೆ ಹೆಸರು ಅಡ್ಡಿಯಾಗಿತ್ತೇ? ಹತಾಶೆ, ಅಸಹನೆ, ಕಸಿವಿಸಿ ನಮ್ಮ ಸಂಯಮವನ್ನು ಕಸಿಯಬಾರದು. ಘನತೆಯುಳ್ಳ ಸ್ಥಾನದಿಂದ ಘನತೆಯುಳ್ಳ ಮಾತುಗಳಿರಲಿ.