ದೂರದರ್ಶನದಲ್ಲಿ 80ರ ದಶಕದಲ್ಲಿ ಪ್ರಸಾರವಾಗಿದ್ದ ರಾಮಾಯಣ ಮತ್ತು ಮಹಾಭಾರತ ಧಾರಾವಾಹಿಗಳ ಮರುಪ್ರಸಾರ ಆರಂಭವಾಗಿರುವುದು ಅಭಿನಂದನಾರ್ಹ. ಡಿ.ಡಿ. ನ್ಯಾಷನಲ್ ಮತ್ತು ಡಿ.ಡಿ. ಭಾರತಿ ಚಾನೆಲ್ಗಳಲ್ಲಿ ದಿನಾ ಎರಡು ಹೊತ್ತು ಈ ಧಾರಾವಾಹಿಗಳು ಮರುಪ್ರಸಾರ ಆಗುವಂತೆ ಮಾಡಿದ ಆ ಕೇಂದ್ರಗಳ ಮುಖ್ಯಸ್ಥರಿಗೆ ತುಂಬು ಹೃದಯದ ಧನ್ಯವಾದ. ಕೊರೊನಾ ಲಾಕ್ಡೌನ್ ಘೋಷಣೆ ಮಾಡಿದ್ದರಿಂದ ಬಹಳಷ್ಟು ಜನ ಮನೆಯಲ್ಲಿ ಎಲ್ಲರೊಡನೆ ಕೂಡಿ, ಈ ಪೌರಾಣಿಕ ಧಾರಾವಾಹಿಗಳನ್ನು ನೋಡಿಕೊಂಡು ಕಾಲಕಳೆಯಲು ಅನುಕೂಲವಾಗಿದೆ.