ಕ್ರಿಕೆಟ್‌ ಆಟಗಾರರ ಆಯ್ಕೆಯಲ್ಲಿ ಪ್ರಭಾವ, ವಶೀಲಿ ಮತ್ತು ಲಂಚದ ಪಾತ್ರದ ಬಗೆಗೆ ವದಂತಿಗಳು ಬಹುಕಾಲದಿಂದ ಕೇಳಿಬರುತ್ತಿದ್ದವು. ಆದರೆ ಅದು ಮ್ಯಾಚ್‌ ಫಿಕ್ಸಿಂಗ್‌ನಷ್ಟು ಸುದ್ದಿಯಾಗಿರಲಿಲ್ಲ. ಭಾರತದ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ತಮ್ಮ ಹೇಳಿಕೆಯೊಂದರಲ್ಲಿ ಈ ವದಂತಿಯನ್ನು ದೃಢೀಕರಿಸಿದ್ದಾರೆ. ಲೀಗ್‌ ಹಂತದ ಪಂದ್ಯಾವಳಿಯೊಂದಕ್ಕೆ ಆಯ್ಕೆ ಮಾಡಲು ‘ಪ್ರತಿಭೆ ಓಕೆ… ಆದರೆ ಇಂತಿಷ್ಟು ಕೊಟ್ಟರೆ ಆಯ್ಕೆ ಮಾಡಬಹುದು’ ಎಂದು ಆಯ್ಕೆದಾರರು ತಿಳಿಸಿದ್ದು, ಅವರ ತಂದೆ ಇದನ್ನು ಖಡಾಖಂಡಿತವಾಗಿ ನಿರಾಕರಿಸಿದ್ದರಂತೆ.
