ಎ.ಜಿ.ಎಸ್. ಲೇಔಟ್ನಲ್ಲಿರುವ ಮೂರು ಉದ್ಯಾನಗಳಲ್ಲಿ ಮೊದಲನೆಯದು (ಬಸ್ ಸ್ಟಾಪ್ ಬಳಿ) ಸರಿಯಾದ ರೀತಿಯ ಮೇಲ್ವಿಚಾರಣೆ ವ್ಯವಸ್ಥೆಯಿಂದ ಕೂಡಿದೆ. ನಾನು, ಸ್ನೇಹಿತರು ಸುಮಾರು ಐದು ವರ್ಷಗಳಿಂದ ಬೆಳಗಿನ ನಡಿಗೆಯಿಂದ ಈ ಪರಿಸರಕ್ಕೆ ಹೊಂದಿಕೊಂಡು ಆರೋಗ್ಯದಿಂದ್ದೇವೆ. ಇದಕ್ಕೆ ಹೊಂದಿಕೊಂಡಂತೆ ಇರುವ ಇನ್ನೂ ಎರಡು ಉದ್ಯಾನಗಳ ಸ್ಥಿತಿ ಮಾತ್ರ ಉತ್ತಮವಾಗಿಲ್ಲ.
ಅದೇ ಸಾಲಿನಲ್ಲಿ ಕೆಳಗೆ ಎರಡು ಉದ್ಯಾನವನಗಳ ಸುತ್ತಲೂ ಬೇಡದ ಮರಗಿಡಗಳು, ಮತ್ತಿತರ ಸಸ್ಯಗಳು ಬೆಳೆದು ಈ ಜಾಗವನ್ನು ಯಾರೂ ಉಪಯೋಗಿಸದಂತಾಗಿದೆ.
ಈ ಎರಡು ಉದ್ಯಾನಗಳ ಸಮಸ್ಯೆಗಳನ್ನು ಇಲ್ಲಿಯ ಬಿಬಿಎಂಪಿ ಸಿಬ್ಬಂದಿಯವರಿಗೂ, ನಗರಪಾಲಿಕೆ ಸದಸ್ಯರ ಗಮನಕ್ಕೂ ತರಲಾಗಿದೆ. ಆದರೆ ಈ ಕುರಿತು ಬಿಬಿಎಂಪಿ ಅಧಿಕಾರಿಗಳು ಆಸಕ್ತಿ ತೆಗೆದುಕೊಂಡಿಲ್ಲ. ಈ ಸಮಸ್ಯೆ ಇಂದು ನಿನ್ನೆಯದಲ್ಲ.
ಕಳೆದ ಎರಡು ಮೂರು ವರ್ಷಗಳಿಂದ ಇಲ್ಲಿ ಕೂರಲು ಸರಿಯಾದ ಕಲ್ಲಿನ ಬೆಂಚ್ಗಳಾಗಲೀ, ನಡೆಯಲು ಸೂಕ್ತ ಸಮತಟ್ಟು ಟ್ರ್ಯಾಕ್ ಆಗಲೀ ಇಲ್ಲ. ಸಂಬಂಧಪಟ್ಟವರು ಬೇಗ ಈ ಸಮಸ್ಯೆಗಳನ್ನು ಬಗೆಹರಿಸಲಿ.