ವಿಧಾನಮಂಡಲ ಸಚಿವಾಲಯದಲ್ಲಿ ಹುದ್ದೆಗಳನ್ನು ತುಂಬುವಲ್ಲಿ ನಡೆದಿರಬಹುದಾದ ಅವ್ಯವಹಾರದ ಬಗ್ಗೆ ಕೇಳಹೋದಾಗ, ಸಚಿವಾಲಯದ ಕಾರ್ಯದರ್ಶಿ ಹೀಗಂದಿರುವುದು ಅಚ್ಚರಿ ಉಂಟುಮಾಡುವಂಥದ್ದೇನೂ ಅಲ್ಲ. ‘ಏನಾದರೂ ಅವ್ಯವಹಾರ ಮಾಡಿಕೊಳ್ಳುತ್ತೇವೆ; ಕೇಳಲಿಕ್ಕೆ ನೀವ್ಯಾರು?’ ಎಂಬ ಸರ್ಕಾರದ ‘ದೊಡ್ಡ ಜವಾನರ’ ಪಾಳೇಗಾರಿಕೆ, ಜನಸಾಮಾನ್ಯರಿಗೆ ಹೊಸತೇನೂ ಅಲ್ಲ. ‘ಆಫೀಸಿಗೆ ಬನ್ನಿ, ಮಾತಾಡೋಣ’ ಎಂದು ವಿಧಾನಸಭಾಧ್ಯಕ್ಷರೆಂದದ್ದು, ಕರ್ಮಕಾಂಡದ ಹಿಂದಿರಬಹುದಾದ ಅವ್ಯವಹಾರದ ಬಗ್ಗೆ ದೊಡ್ಡ ಸೂಚನೆಯನ್ನೇ ನೀಡುತ್ತದೆ. ‘90 ಹುದ್ದೆಗೆ 160 ನೇಮಕ?’ ತಲೆಬರಹದ ವರದಿ
(ಪ್ರ. ವಾ., ಮಾ.7), ನೇರ ಮತ್ತು ವಸ್ತುನಿಷ್ಠ.