<p><strong>ಇಂದೋರ್:</strong> ಕುಲದೀಪ್ ಯಾದವ್ ಬೌಲಿಂಗ್ ಮತ್ತು ಕೆ.ಎಲ್. ರಾಹುಲ್ ಅವರ ಬ್ಯಾಟಿಂಗ್ ಬಲದಿಂದ ಭಾರತ ತಂಡವು ಮಂಗಳವಾರ ರಾತ್ರಿ ಹೋಳ್ಕರ್ ಮೈದಾನದಲ್ಲಿ ನಡೆದ ಟ್ವೆಂಟಿ–20 ಕ್ರಿಕೆಟ್ ಪಂದ್ಯದಲ್ಲಿ ಶ್ರೀಲಂಕಾ ಎದುರು ಜಯಿಸಿತು.</p>.<p>ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಭಾರತ ತಂಡವು ಶ್ರೀಲಂಕಾ ತಂಡವನ್ನು 7 ವಿಕೆಟ್ಗಳಿಂದ ಸೋಲಿಸಿತು.</p>.<p>ಮಧ್ಯಮವೇಗಿ ನವದೀಪ್ ಸೈನಿ (18ಕ್ಕೆ2) ಮತ್ತು ಸ್ಪಿನ್ನರ್ ಕುಲದೀಪ್ ಯಾದವ್ ಅವರ ದಾಳಿಗೆ ನಲುಗಿದ ಶ್ರೀಲಂಕಾ 20 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 142 ರನ್ ಗಳಿಸಿತು. ಗುರಿ ಬೆನ್ನತ್ತಿದ್ದ ಭಾರತಕ್ಕೆ ಕೆ.ಎಲ್. ರಾಹುಲ್ (45; 32ಎಸೆತ, 6ಬೌಂಡರಿ) ಮತ್ತು ಶಿಖರ್ ಧವನ್ (32; 29ಎಸೆತ, 2ಬೌಂಡರಿ) ಉತ್ತಮ ಆರಂಭ ನೀಡಿದರು. ವಿರಾಟ್ ಬಳಗವು 17.3 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 144 ರನ್ ಗಳಿಸಿ ಜಯಿಸಿತು.</p>.<p>ಲಸಿತ್ ಮಾಲಿಂಗ ನಾಯಕತ್ವದ ಲಂಕಾ ತಂಡಕ್ಕೆ ಧನುಷ್ಕಾ ಗುಣತಿಲಕ (20) ಮತ್ತು ಅವಿಷ್ಕಾ ಫರ್ನಾಂಡೊ (22 ರನ್) ಅವರು ಉತ್ತಮ ಆರಂಭ ನೀಡುವ ಪ್ರಯತ್ನ ಮಾಡಿದರು. ಐದನೇ ಓವರ್ನಲ್ಲಿ ಸ್ಪಿನ್ನರ್ ವಾಷಿಂಗ್ಟನ್ ಸುಂದರ್ ಈ ಜೊತೆಯಾಟವನ್ನು ಮುರಿದರು.</p>.<p>ಇವರ ನಂತರ ಸೈನಿ ಮತ್ತು ಕುಲದೀಪ್ ಯಾದವ್ ಅವರ ಬೌಲಿಂಗ್ ಪರಿಣಾಮಕಾರಿಯಾಗಿತ್ತು. ಇದರಿಂದಾಗಿ ಪ್ರವಾಸಿ ತಂಡವು 100ರ ಗಡಿ ಮುಟ್ಟುವಷ್ಟರಲ್ಲಿ ಒಟ್ಟು ನಾಲ್ಕು ವಿಕೆಟ್ಗಳನ್ನು ಕಳೆದುಕೊಂಡಿತು.</p>.<p>ದೀರ್ಘ ವಿಶ್ರಾಂತಿಯ ನಂತರ ಕಣಕ್ಕಿಳಿದ ಜಸ್ಪ್ರೀತ್ ಬೂಮ್ರಾ ಅವರು ಆರಂಭದಲ್ಲಿ ಸ್ವಲ್ಪ ದಂಡನೆಗೊಳಗಾದರು. ಆದರೂ ಅವರ ಇನ್ಸ್ವಿಂಗರ್ ಮತ್ತು ಕಟರ್ಗಳು ಗಮನ ಸೆಳೆದವು. ದಸುನ್ ಶನಾಕ ಅವರನ್ನು ಕ್ಲೀನ್ಬೌಲ್ಡ್ ಮಾಡಿದರು. ಇದರಿಂದಾಗಿ ಮಧ್ಯಮ ಕ್ರಮಾಂಕ ಕುಸಿಯಿತು.</p>.<p>ನಂತರ ಶಾರ್ದೂಲ್ ಠಾಕೂರ್ ಮೂರು ವಿಕೆಟ್ ಗಳಿಸಿ ಕೆಳಕ್ರಮಾಂಕಕ್ಕೆ ಪೆಟ್ಟುಕೊಟ್ಟರು. ಲಂಕಾ ತಂಡವು ಸಾಧಾರಣ ಮೊತ್ತ ಗಳಿಸಿತು.</p>.<p>ರಾಹುಲ್ ಆಟದ ಸೊಬಗು: ಭಾರತ ತಂಡಕ್ಕೆ ಗೆಲುವು ಸುಲಭವಾಗುವಂತೆ ಮಾಡಿದ್ದು ಕನ್ನಡಿಗ ಕೆ.ಎಲ್. ರಾಹುಲ್ ಅವರ ಆಟ.</p>.<p>ಎಡಗೈ ಬ್ಯಾಟ್ಸ್ಮನ್ ಶಿಖರ್ ಜೊತೆಗೆ ಇನಿಂಗ್ಸ್ ಆರಂಭಿಸಿದ ರಾಹುಲ್ ಲಂಕಾ ಬೌಲರ್ಗಳನ್ನು ಕಾಡಿದರು. ಹತ್ತು ಓವರ್ಗಳು ಮುಗಿಯುವ ಮುನ್ನವೇ ಗೆಲುವನ್ನು ಖಚಿತಗೊಳಿಸುವಂತಹ ಆಟವಾಡಿದರು.</p>.<p>ರಾಹುಲ್ ಕೇವಲ ಐದು ರನ್ಗಳ ಅಂತರದಿಂದ ಅರ್ಧಶತಕ ತಪ್ಪಿಸಿಕೊಂಡರು. ಆಗ ತಂಡದ ಖಾತೆಗೆ 71 ರನ್ಗಳು ಸೇರಿದ್ದವು.</p>.<p>ಇನ್ನೊಂದು ಬದಿಯಲ್ಲಿ ಲಯ ಕಂಡುಕೊಳ್ಳಲು ಪ್ರಯತ್ನಿಸಿದ ಶಿಖರ್ ಧವನ್ (32 ರನ್) 12ನೇ ಓವರ್ನಲ್ಲಿ ಎಲ್ಬಿಡಬ್ಲ್ಯು ಬಲೆಗೆ ಬಿದ್ದರು. ಎರಡೂ ವಿಕೆಟ್ ಗಳಿಸಿದ ಧನಂಜಯ ಡಿಸಿಲ್ವಾ ಸಂಭ್ರಮಿಸಿದರು.</p>.<p>ಆದರೆ, ಶ್ರೇಯಸ್ ಅಯ್ಯರ್ (34; 26ಎ, 3ಬೌಂ) ಮತ್ತು ನಾಯಕ ವಿರಾಟ್ ಕೊಹ್ಲಿ( ಔಟಾಗದೆ 30, 17 ಎಸೆತ, 1 ಬೌಂಡರಿ, 2 ಸಿಕ್ಸರ್) ತಂಡವನ್ನು ಗೆಲುವಿನ ದಡಕ್ಕೆ ಸೇರಿಸಿದರು. ಅನುಭವಿ ಬೌಲರ್ ಲಸಿತ್ ಎಸೆತವನ್ನು ಸಿಕ್ಸರ್ಗೆ ಎತ್ತಿದ ಕೊಹ್ಲಿ, ಟಿ20 ತಂಡದ ನಾಯಕರಾಗಿ ಒಂದು ಸಾವಿರ ರನ್ ಗಳಿಸಿದ ಸಾಧನೆ ಮಾಡಿದರು.</p>.<p>ಈ ಪಂದ್ಯದಲ್ಲಿಯೂ ಮನೀಷ್ ಪಾಂಡೆ ಮತ್ತು ಸಂಜು ಸ್ಯಾಮ್ಸನ್ ಅವರಿಗೆ ಕಣಕ್ಕಿಳಿಯುವ ಅವಕಾಶ ಲಭಿಸಲಿಲ್ಲ.</p>.<p>ಸಂಕ್ಷಿಪ್ತ ಸ್ಕೋರು:ಶ್ರೀಲಂಕಾ: 20 ಓವರ್ಗಳಲ್ಲಿ 9ಕ್ಕೆ142 (ಧನುಷ್ಕಾ ಗುಣತಿಲಕ 20, ಅವಿಷ್ಕಾ ಫರ್ನಾಂಡೊ 22, ಕುಶಾಲ ಪರೆರಾ 34, ಜಸ್ಪ್ರೀತ್ ಬೂಮ್ರಾ 32ಕ್ಕೆ1, ಶಾರ್ದೂಲ್ ಠಾಕೂರ್ 23ಕ್ಕೆ3, ನವದೀಪ್ ಸೈನಿ 18ಕ್ಕೆ2, ವಾಷಿಂಗ್ಟನ್ ಸುಂದರ್ 29ಕ್ಕೆ1, ಕುಲದೀಪ್ ಯಾದವ್ 38ಕ್ಕೆ2), ಭಾರತ: 17.3ಓವರ್ಗಳಲ್ಲಿ 3ಕ್ಕೆ144 (ಕೆ.ಎಲ್. ರಾಹುಲ್ 45, ಶಿಖರ್ ಧವನ್ 32, ಶ್ರೇಯಸ್ ಅಯ್ಯರ್ 34, ವಿರಾಟ್ ಕೊಹ್ಲಿ ಔಟಾಗದೆ 30, ರಿಷಭ್ ಪಂತ್ ಔಟಾಗದೆ 1, ಧನಂಜಯ ಡಿಸಿಲ್ವಾ 30ಕ್ಕೆ2)</p>.<p><strong>ಫಲಿತಾಂಶ: </strong>ಭಾರತ ತಂಡಕ್ಕೆ 7 ವಿಕೆಟ್ಗಳಿಂದ ಜಯ, ಸರಣಿಯಲ್ಲಿ1–0 ಮುನ್ನಡೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಂದೋರ್:</strong> ಕುಲದೀಪ್ ಯಾದವ್ ಬೌಲಿಂಗ್ ಮತ್ತು ಕೆ.ಎಲ್. ರಾಹುಲ್ ಅವರ ಬ್ಯಾಟಿಂಗ್ ಬಲದಿಂದ ಭಾರತ ತಂಡವು ಮಂಗಳವಾರ ರಾತ್ರಿ ಹೋಳ್ಕರ್ ಮೈದಾನದಲ್ಲಿ ನಡೆದ ಟ್ವೆಂಟಿ–20 ಕ್ರಿಕೆಟ್ ಪಂದ್ಯದಲ್ಲಿ ಶ್ರೀಲಂಕಾ ಎದುರು ಜಯಿಸಿತು.</p>.<p>ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಭಾರತ ತಂಡವು ಶ್ರೀಲಂಕಾ ತಂಡವನ್ನು 7 ವಿಕೆಟ್ಗಳಿಂದ ಸೋಲಿಸಿತು.</p>.<p>ಮಧ್ಯಮವೇಗಿ ನವದೀಪ್ ಸೈನಿ (18ಕ್ಕೆ2) ಮತ್ತು ಸ್ಪಿನ್ನರ್ ಕುಲದೀಪ್ ಯಾದವ್ ಅವರ ದಾಳಿಗೆ ನಲುಗಿದ ಶ್ರೀಲಂಕಾ 20 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 142 ರನ್ ಗಳಿಸಿತು. ಗುರಿ ಬೆನ್ನತ್ತಿದ್ದ ಭಾರತಕ್ಕೆ ಕೆ.ಎಲ್. ರಾಹುಲ್ (45; 32ಎಸೆತ, 6ಬೌಂಡರಿ) ಮತ್ತು ಶಿಖರ್ ಧವನ್ (32; 29ಎಸೆತ, 2ಬೌಂಡರಿ) ಉತ್ತಮ ಆರಂಭ ನೀಡಿದರು. ವಿರಾಟ್ ಬಳಗವು 17.3 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 144 ರನ್ ಗಳಿಸಿ ಜಯಿಸಿತು.</p>.<p>ಲಸಿತ್ ಮಾಲಿಂಗ ನಾಯಕತ್ವದ ಲಂಕಾ ತಂಡಕ್ಕೆ ಧನುಷ್ಕಾ ಗುಣತಿಲಕ (20) ಮತ್ತು ಅವಿಷ್ಕಾ ಫರ್ನಾಂಡೊ (22 ರನ್) ಅವರು ಉತ್ತಮ ಆರಂಭ ನೀಡುವ ಪ್ರಯತ್ನ ಮಾಡಿದರು. ಐದನೇ ಓವರ್ನಲ್ಲಿ ಸ್ಪಿನ್ನರ್ ವಾಷಿಂಗ್ಟನ್ ಸುಂದರ್ ಈ ಜೊತೆಯಾಟವನ್ನು ಮುರಿದರು.</p>.<p>ಇವರ ನಂತರ ಸೈನಿ ಮತ್ತು ಕುಲದೀಪ್ ಯಾದವ್ ಅವರ ಬೌಲಿಂಗ್ ಪರಿಣಾಮಕಾರಿಯಾಗಿತ್ತು. ಇದರಿಂದಾಗಿ ಪ್ರವಾಸಿ ತಂಡವು 100ರ ಗಡಿ ಮುಟ್ಟುವಷ್ಟರಲ್ಲಿ ಒಟ್ಟು ನಾಲ್ಕು ವಿಕೆಟ್ಗಳನ್ನು ಕಳೆದುಕೊಂಡಿತು.</p>.<p>ದೀರ್ಘ ವಿಶ್ರಾಂತಿಯ ನಂತರ ಕಣಕ್ಕಿಳಿದ ಜಸ್ಪ್ರೀತ್ ಬೂಮ್ರಾ ಅವರು ಆರಂಭದಲ್ಲಿ ಸ್ವಲ್ಪ ದಂಡನೆಗೊಳಗಾದರು. ಆದರೂ ಅವರ ಇನ್ಸ್ವಿಂಗರ್ ಮತ್ತು ಕಟರ್ಗಳು ಗಮನ ಸೆಳೆದವು. ದಸುನ್ ಶನಾಕ ಅವರನ್ನು ಕ್ಲೀನ್ಬೌಲ್ಡ್ ಮಾಡಿದರು. ಇದರಿಂದಾಗಿ ಮಧ್ಯಮ ಕ್ರಮಾಂಕ ಕುಸಿಯಿತು.</p>.<p>ನಂತರ ಶಾರ್ದೂಲ್ ಠಾಕೂರ್ ಮೂರು ವಿಕೆಟ್ ಗಳಿಸಿ ಕೆಳಕ್ರಮಾಂಕಕ್ಕೆ ಪೆಟ್ಟುಕೊಟ್ಟರು. ಲಂಕಾ ತಂಡವು ಸಾಧಾರಣ ಮೊತ್ತ ಗಳಿಸಿತು.</p>.<p>ರಾಹುಲ್ ಆಟದ ಸೊಬಗು: ಭಾರತ ತಂಡಕ್ಕೆ ಗೆಲುವು ಸುಲಭವಾಗುವಂತೆ ಮಾಡಿದ್ದು ಕನ್ನಡಿಗ ಕೆ.ಎಲ್. ರಾಹುಲ್ ಅವರ ಆಟ.</p>.<p>ಎಡಗೈ ಬ್ಯಾಟ್ಸ್ಮನ್ ಶಿಖರ್ ಜೊತೆಗೆ ಇನಿಂಗ್ಸ್ ಆರಂಭಿಸಿದ ರಾಹುಲ್ ಲಂಕಾ ಬೌಲರ್ಗಳನ್ನು ಕಾಡಿದರು. ಹತ್ತು ಓವರ್ಗಳು ಮುಗಿಯುವ ಮುನ್ನವೇ ಗೆಲುವನ್ನು ಖಚಿತಗೊಳಿಸುವಂತಹ ಆಟವಾಡಿದರು.</p>.<p>ರಾಹುಲ್ ಕೇವಲ ಐದು ರನ್ಗಳ ಅಂತರದಿಂದ ಅರ್ಧಶತಕ ತಪ್ಪಿಸಿಕೊಂಡರು. ಆಗ ತಂಡದ ಖಾತೆಗೆ 71 ರನ್ಗಳು ಸೇರಿದ್ದವು.</p>.<p>ಇನ್ನೊಂದು ಬದಿಯಲ್ಲಿ ಲಯ ಕಂಡುಕೊಳ್ಳಲು ಪ್ರಯತ್ನಿಸಿದ ಶಿಖರ್ ಧವನ್ (32 ರನ್) 12ನೇ ಓವರ್ನಲ್ಲಿ ಎಲ್ಬಿಡಬ್ಲ್ಯು ಬಲೆಗೆ ಬಿದ್ದರು. ಎರಡೂ ವಿಕೆಟ್ ಗಳಿಸಿದ ಧನಂಜಯ ಡಿಸಿಲ್ವಾ ಸಂಭ್ರಮಿಸಿದರು.</p>.<p>ಆದರೆ, ಶ್ರೇಯಸ್ ಅಯ್ಯರ್ (34; 26ಎ, 3ಬೌಂ) ಮತ್ತು ನಾಯಕ ವಿರಾಟ್ ಕೊಹ್ಲಿ( ಔಟಾಗದೆ 30, 17 ಎಸೆತ, 1 ಬೌಂಡರಿ, 2 ಸಿಕ್ಸರ್) ತಂಡವನ್ನು ಗೆಲುವಿನ ದಡಕ್ಕೆ ಸೇರಿಸಿದರು. ಅನುಭವಿ ಬೌಲರ್ ಲಸಿತ್ ಎಸೆತವನ್ನು ಸಿಕ್ಸರ್ಗೆ ಎತ್ತಿದ ಕೊಹ್ಲಿ, ಟಿ20 ತಂಡದ ನಾಯಕರಾಗಿ ಒಂದು ಸಾವಿರ ರನ್ ಗಳಿಸಿದ ಸಾಧನೆ ಮಾಡಿದರು.</p>.<p>ಈ ಪಂದ್ಯದಲ್ಲಿಯೂ ಮನೀಷ್ ಪಾಂಡೆ ಮತ್ತು ಸಂಜು ಸ್ಯಾಮ್ಸನ್ ಅವರಿಗೆ ಕಣಕ್ಕಿಳಿಯುವ ಅವಕಾಶ ಲಭಿಸಲಿಲ್ಲ.</p>.<p>ಸಂಕ್ಷಿಪ್ತ ಸ್ಕೋರು:ಶ್ರೀಲಂಕಾ: 20 ಓವರ್ಗಳಲ್ಲಿ 9ಕ್ಕೆ142 (ಧನುಷ್ಕಾ ಗುಣತಿಲಕ 20, ಅವಿಷ್ಕಾ ಫರ್ನಾಂಡೊ 22, ಕುಶಾಲ ಪರೆರಾ 34, ಜಸ್ಪ್ರೀತ್ ಬೂಮ್ರಾ 32ಕ್ಕೆ1, ಶಾರ್ದೂಲ್ ಠಾಕೂರ್ 23ಕ್ಕೆ3, ನವದೀಪ್ ಸೈನಿ 18ಕ್ಕೆ2, ವಾಷಿಂಗ್ಟನ್ ಸುಂದರ್ 29ಕ್ಕೆ1, ಕುಲದೀಪ್ ಯಾದವ್ 38ಕ್ಕೆ2), ಭಾರತ: 17.3ಓವರ್ಗಳಲ್ಲಿ 3ಕ್ಕೆ144 (ಕೆ.ಎಲ್. ರಾಹುಲ್ 45, ಶಿಖರ್ ಧವನ್ 32, ಶ್ರೇಯಸ್ ಅಯ್ಯರ್ 34, ವಿರಾಟ್ ಕೊಹ್ಲಿ ಔಟಾಗದೆ 30, ರಿಷಭ್ ಪಂತ್ ಔಟಾಗದೆ 1, ಧನಂಜಯ ಡಿಸಿಲ್ವಾ 30ಕ್ಕೆ2)</p>.<p><strong>ಫಲಿತಾಂಶ: </strong>ಭಾರತ ತಂಡಕ್ಕೆ 7 ವಿಕೆಟ್ಗಳಿಂದ ಜಯ, ಸರಣಿಯಲ್ಲಿ1–0 ಮುನ್ನಡೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
