ಟೆಸ್ಟ್‌ ಕ್ರಿಕೆಟ್: ಶ್ರೀಲಂಕಾ ವಿರುದ್ಧ ಗೆದ್ದ ಭಾರತ 'ಎ' ತಂಡಕ್ಕೆ ಪ್ರಶಸ್ತಿ 

ಶುಕ್ರವಾರ, ಜೂನ್ 21, 2019
22 °C

ಟೆಸ್ಟ್‌ ಕ್ರಿಕೆಟ್: ಶ್ರೀಲಂಕಾ ವಿರುದ್ಧ ಗೆದ್ದ ಭಾರತ 'ಎ' ತಂಡಕ್ಕೆ ಪ್ರಶಸ್ತಿ 

Published:
Updated:

ಹುಬ್ಬಳ್ಳಿ: ಇಲ್ಲಿನ ರಾಜನಗರ ಕೆಎಸ್‌ಸಿಎ ಮೈದಾನದಲ್ಲಿ ನಡೆದ ಟೆಸ್ಟ್‌ ಕ್ರಿಕೆಟ್ ಪಂದ್ಯದಲ್ಲಿ ಭಾರತ ಎ ತಂಡವು ಪ್ರವಾಸಿ ಶ್ರೀಲಂಕಾ ವಿರುದ್ಧ 152 ರನ್ ಗಳಿಂದ ಗೆಲುವು ಸಾಧಿಸುವ ಮೂಲಕ ಸರಣಿಯನ್ನು 2-0 ಅಂತರದಿಂದ ಟ್ರೋಫಿಯನ್ನು  ಮುಡಿಗೇರಿಸಿಕೊಂಡಿತು.

430 ರನ್ ಗಳ ಕಠಿಣ ಸವಾಲು‌ ಪಡೆದಿದ್ದ ಶ್ರೀಲಂಕಾ ಎ ತಂಡವು ಪಂದ್ಯದ 4ನೇ ಹಾಗೂ ಕೊನೆಯ ದಿನವಾದ ಸೋಮವಾರ ತನ್ನ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 277ರನ್ ಗಳಿಸುವಷ್ಟಕ್ಕೆ  ಆಲೌಟ್ ಆಯಿತು.

ನಿನ್ನೆ ಆಟ ಮುಗಿದಾಗ ಶ್ರೀಲಂಕಾ 51 ಓವರ್ ಗಳಲ್ಲಿ 7 ವಿಕೆಟ್ ಗೆ 210 ರನ್ ಗಳಿಸಿತ್ತು. 

ಭಾರತದ ಪರವಾಗಿ ಲೆಗ್ ಸ್ಪಿನ್ನರ್ ರಾಹುಲ್ ಚಹರ್ 112 ರನ್ ನೀಡಿ 5 ವಿಕೆಟ್ ಪಡೆದರು.

3 ನೇ ಕ್ರಮಾಂಕದ ಬ್ಯಾಟ್ಸ್‌ಮನ್ ಬನುಕಾ ರಾಜಪಕ್ಷ ಶತಕ (110) ರನ್ )ದ ಹೊರತಾಗಿಯೂ ಶ್ರೀಲಂಕಾ ಸೋಲಿನ ಸುಳಿಗೆ ಸಿಲುಕಿತು. ಕಮಿಂದು ಮೆಂಡಿಸ್  46 ರನ್,  ವಿಶ್ವಾ ಫರ್ನಾಂಡೊ 32 ರನ್ ಗಳಿಸಿದರು.


ಪಂದ್ಯ ಪುರುಷೋತ್ತಮ ಪ್ರಶಸ್ತಿಯನ್ನು ಕೆ.ಎಸ್. ಭರತ್ ಪಡೆದುಕೊಂಡರು.

ಭಾರತ ಎ ಮೊದಲ ಇನ್ನಿಂಗ್ಸ್ ನಲ್ಲಿ 269  ರನ್ ಗಳಿಸಿತ್ತು. ಶ್ರೀಲಂಕಾ ಎ ಮೊದಲ ಇನ್ನಿಂಗ್ಸ್ ನಲ್ಲಿ 212 ರನ್ ಗಳಿಸಿ ಆತಿಥೇಯರಿಗೆ 56 ರನ್ ಗಳ ಮುನ್ನಡೆ ಬಿಟ್ಟು ಕೊಟ್ಟಿತ್ತು. ಭಾರತ ಎ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 372 ರನ್ ಗಳಸಿ ಶ್ರೀಲಂಕಾ ಗೆ  430ರನ್ ಗಳ ಕಠಿಣ ಗುರಿ ನೀಡಿತ್ತು.

2 ಪಂದ್ಯಗಳ ಟೆಸ್ಟ್‌ ಸರಣಿ ಯಲ್ಲಿ ಭಾರತ ಎ ತಂಡವು ಬೆಳಗಾವಿಯಲ್ಲಿ ನಡೆದ ಮೊದಲ ಚತುರ್ದಿನ ಪಂದ್ಯವನ್ನು ಭಾರತ ಎ ಇನ್ನಿಂಗ್ಸ್ ಹಾಗೂ‌ 205 ರನ್ ಗಳ ಅಂತರದಿಂದ ಜಯಿಸಿತ್ತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 1

    Frustrated
  • 0

    Angry

Comments:

0 comments

Write the first review for this !