ಕಿವೀಸ್ ಬೌಲರ್ ಟಾಡ್ ಆ್ಯಸ್ಟ್ಲ್ ನಿವೃತ್ತಿ

33 ವರ್ಷದ ಟಾಡ್ ಒಟ್ಟು ಐದು ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. 98 ರನ್‌ ಗಳಿಸಿದ್ದು ಏಳು ವಿಕೆಟ್‌ಗಳನ್ನು ಗಳಿಸಿದ್ದಾರೆ. ಲೆಗ್‌ಸ್ಪಿನ್ನರ್ ಟಾಡ್ ಅವರು ದೇಶಿ ಕ್ರಿಕೆಟ್‌ನಲ್ಲಿ ಕ್ಯಾಂಟರ್‌ಬರಿ ತಂಡವನ್ನು ಪ್ರತಿನಿಧಿಸುತ್ತಿದ್ದರು. ಒಟ್ಟು 119 ಪಂದ್ಯಗಳಲ್ಲಿ ಆಡಿ, 334 ವಿಕೆಟ್‌ಗಳನ್ನು ಗಳಿಸಿದ್ದಾರೆ. ನಾಲ್ಕು ಸಾವಿರ ರನ್‌ ಕೂಡ ಗಳಿಸಿದ್ದಾರೆ.

‘ಟೆಸ್ಟ್ ಕ್ರಿಕೆಟ್ ಆಡುವುದು ನನ್ನ ಬಹಳ ಕಾಲದ ಕನಸಾಗಿತ್ತು. ಅದು ನ್ಯೂಜಿಲೆಂಡ್‌ ತಂಡಕ್ಕೆ ಆಡುವ ಮೂಲಕ ನನಸಾಗಿದೆ. ಆದರೆ ಈ ಹಂತದಲ್ಲಿ ಎಲ್ಲ ಮಾದರಿಗಳಲ್ಲಿಯೂ ಉತ್ತಮವಾಗಿ ಆಡುವುದು ಸವಾಲಿನ ಕೆಲಸ. ಆದ್ದರಿಂದ ದೀರ್ಘ ಮಾದರಿಗೆ ವಿದಾಯ ಹೇಳಿ. ಸೀಮಿತ ಓವರ್‌ಗಳ ಕ್ರಿಕೆಟ್‌ ಮೇಲೆ ಗಮನ ಹರಿಸುತ್ತೇನೆ’ ಎಂದು ಟಾಡ್ ಹೇಳಿದ್ದಾರೆ.