ನವದೆಹಲಿ: ಭಾರತ ಕ್ರಿಕೆಟ್ ತಂಡದ ಕಿಟ್ ಅನ್ನು ಇನ್ನು ಮೂರು ವರ್ಷ ಎಂಪಿಎಲ್ ಸ್ಪೋರ್ಟ್ಸ್ ಅಪಾರೆಲ್ಸ್ ಆ್ಯಂಡ್ ಆ್ಯಕ್ಸಸರೀಸ್ ಕಂಪನಿ ಪ್ರಾಯೋಜಿಸಲಿದೆ. ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಈ ಸಂಬಂಧ ಸೋಮವಾರ ಒಪ್ಪಂದ ಮಾಡಿಕೊಂಡಿದೆ ಎಂದು ಮಂಡಳಿಯ ಅಪೆಕ್ಸ್ ಮಂಡಳಿ ಸದಸ್ಯರೊಬ್ಬರು ತಿಳಿಸಿದ್ದಾರೆ. ಪುರುಷರ, ಮಹಿಳೆಯರ, ‘ಎ‘ ತಂಡದ ಮತ್ತು 19 ವರ್ಷದೊಳಗಿನವರ ತಂಡದ ಕಿಟ್ಗೂ ಅದೇ ಕಂಪನಿ ಪ್ರಾಯೋಜಕತ್ವ ವಹಿಸಲಿದೆ ಎಂದು ಅವರು ವಿವರಿಸಿದ್ದಾರೆ.
