ಬೆಂಗಳೂರು: ‘ಗುಜರಾತ್‌ನಿಂದ ಬಂದಿರುವ ಜೆಂಟಲ್‌ಮನ್‌ ಕೈಚೀಲದ ತುಂಬ ಹುಸಿ ಭರವಸೆಗಳನ್ನು ತಂದಿದ್ದಾನೆ. ದಲಿತರಿಗೆ ಸ್ವರ್ಗ ಸುಖದ ಆಡಳಿತ ನೀಡುವುದಾಗಿ ಭರವಸೆ ನೀಡುತ್ತಿದ್ದಾನೆ’ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಅವರ ಚುನಾವಣಾ ಪ್ರಚಾರದ ಕುರಿತು ಮುಖ್ಯಮಂತ್ರಿ ಸಿದ್ದರಾಮಯ್ಯ ಟ್ವಿಟರ್‌ನಲ್ಲಿ ವ್ಯಂಗ್ಯವಾಡಿದ್ದಾರೆ.
‘ಆತನನ್ನು ಪ್ರಶ್ನಿಸುವ ದಲಿತರಿಗೆ ಕಾಂಗ್ರೆಸ್‌ ಕಾರ್ಯಕರ್ತರು ಎಂದು ಪಟ್ಟಕಟ್ಟಲಾಗುತ್ತಿದೆ’ ಎಂದು ಮುಖ್ಯಮಂತ್ರಿ ಹೇಳಿದ್ದಾರೆ. ದಲಿತ ಸಮುದಾಯದ ಮುಖಂಡರೊಂದಿಗೆ ಅಮಿತ್ ಶಾ ಮೈಸೂರಿನಲ್ಲಿ ಶುಕ್ರವಾರ ಸಂವಾದ ನಡೆಸಿದ ಸಮಯದಲ್ಲಿ ಗದ್ದಲ ಉಂಟಾಗಿತ್ತು. ಶಾ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಕೆಲವರು ಧಿಕ್ಕಾರ ಕೂಗಿದ್ದರು.
‘ಸುಳ್ಳಿನ ಸರದಾರನನ್ನು(ಅಮಿತ್ ಶಾ) ನಂಬುವಂತ ತಪ್ಪನ್ನು ಕನ್ನಡಿಗರು ಮಾಡಲಾರರು’ ಎಂದು ಸಿ.ಎಂ. ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
Shocking inhumanity towards Dalits in Gujarat!
Yet, a certain Gujarati gentleman comes here with a bag full of #Jumlas & promises heaven to Dalits. If they question him, they are branded as Cong goons.
