ಬುಧವಾರ, ಜುಲೈ 15, 2020
23 °C

ಅಭ್ಯಾಸಕ್ಕೆ ಮರಳಿದ ದಕ್ಷಿಣ ಆಫ್ರಿಕಾ ಕ್ರಿಕೆಟಿಗರು

ಪಿಟಿಐ Updated:

ಅಕ್ಷರ ಗಾತ್ರ : | |

ದಕ್ಷಿಣ ಆಫ್ರಿಕಾ ಕ್ರಿಕೆಟಿಗರ ಅಭ್ಯಾಸ –ಸಂಗ್ರಹ ಚಿತ್ರ

ಜೊಹಾನ್ಸ್‌ಬರ್ಗ್‌: ಕೊರೊನಾ ವೈರಾಣುವಿನ ಬಿಕ್ಕಟ್ಟಿನಿಂದಾಗಿ ಮೂರು ತಿಂಗಳ ಕಾಲ ಮನೆಯಲ್ಲೇ ಇದ್ದ ದಕ್ಷಿಣ ಆಫ್ರಿಕಾ ಕ್ರಿಕೆಟ್‌ ತಂಡದ ಆಟಗಾರರು ಅಭ್ಯಾಸಕ್ಕೆ ಮರಳಿದ್ದಾರೆ.

ದಕ್ಷಿಣ ಆಫ್ರಿಕಾ ಕ್ರೀಡಾ ಸಚಿವಾಲಯವು ಕ್ರಿಕೆಟಿಗರ ತಾಲೀಮಿಗೆ ಸೋಮವಾರ ಅನುಮತಿ ನೀಡಿತ್ತು. ಹೀಗಾಗಿ ಪುರುಷರ ಹೈ ಪರ್ಫಾರ್ಮೆನ್ಸ್‌ ತಂಡದಲ್ಲಿರುವ 44 ಮಂದಿ ತರಬೇತಿ ಆರಂಭಿಸಿದ್ದಾರೆ.

‘ಎಲ್ಲಾ ಕ್ರಿಕೆಟಿಗರು ತಾವು ವಾಸಿಸುವ ಪ್ರದೇಶದ ಹತ್ತಿರವಿರುವ ಫ್ರಾಂಚೈಸ್‌ ತಂಡಗಳ ಜೊತೆ ಸಣ್ಣ ಗುಂಪುಗಳಾಗಿ ಅಭ್ಯಾಸ ನಡೆಸಲಿದ್ದಾರೆ. ಈ ವೇಳೆ ಎಲ್ಲರೂ ಸಿಎಸ್‌ಎ ಕೋವಿಡ್‌–19 ಸಮಿತಿಯ ಮಾರ್ಗಸೂಚಿಗಳನ್ನು ಪಾಲಿಸಲಿದ್ದಾರೆ’ ಎಂದು ಕ್ರಿಕೆಟ್‌ ದಕ್ಷಿಣ ಆಫ್ರಿಕಾ (ಸಿಎಸ್‌ಎ) ತಿಳಿಸಿದೆ.

ಆಟಗಾರರ ಅಭ್ಯಾಸದ ವೇಳೆ ಮಾಧ್ಯಮದವರಿಗೆ ಕ್ರೀಡಾಂಗಣ ಪ್ರವೇಶವನ್ನು ನಿರ್ಬಂಧಿಸಲಾಗಿದೆ.

ತರಬೇತಿಯಲ್ಲಿ ಪಾಲ್ಗೊಂಡಿರುವವರು: ಕ್ವಿಂಟನ್‌ ಡಿ ಕಾಕ್‌ (ನಾಯಕ), ಡೀನ್‌ ಎಲ್ಗರ್‌, ಲುಂಗಿ ಗಿಡಿ, ಏಡನ್‌ ಮಾರ್ಕರಮ್‌, ಜೂನಿಯರ್‌ ಡಲಾ, ತೆವುನಿಶ್‌ ಡಿ ಬ್ರ್ಯೂನ್‌, ರಸ್ಸಿ ವಾನ್‌ ಡರ್‌ ಡುಸಾನ್‌, ಶಾನ್‌ ವೊನ್‌ ಬರ್ಗ್‌, ಡ್ವೈನ್‌ ಪ್ರಿಟೋರಿಯಸ್‌, ಹೆನ್ರಿಕ್‌ ಕ್ಲಾಸೆನ್‌, ತೆಂಬಾ ಬವುಮಾ, ರೀಜಾ ಹೆನ್ರಿಕ್ಸ್‌, ಕಗಿಸೊ ರಬಾಡ, ತಬ್ರೈಜ್‌ ಶಂಸಿ, ವಿಯಾನ್‌ ಮುಲ್ಡರ್‌, ಜೊರ್ನ್‌ ಫಾರ್ಚುಯಿನ್‌‌, ಆ್ಯಂಡಿಲೆ ಪಿಶುವಾಯೊ, ಡೇವಿಡ್‌ ಮಿಲ್ಲರ್‌, ಸರೆಲ್‌ ಇರ್ವಿ, ಖಾಯಾ ಜೊಂಡೊ, ಡರಿನ್‌ ಡುಪವಿಲ್ಲೊನ್‌, ಕೇಶವ ಮಹಾರಾಜ, ಸೆನುರನ್‌ ಮುತ್ತುಸಾಮಿ, ಕೀಗನ್‌ ಪೀಟರ್‌ಸನ್‌, ಇಮ್ರಾನ್‌ ತಾಹೀರ್‌, ಲುಥೊ ಸಿಪಾಮ್ಲ, ಎಡ್ವರ್ಡ್‌ ಮೂರ್‌, ಏನ್ರಿಚ್‌ ನೋರ್ಟೆ, ಸಿಸಾಂಡ ಮಗಾಲ, ಗ್ಲೆಂಟನ್‌ ಸ್ಟುರ್‌ಮನ್‌, ಜಾನ್‌ ಜಾನ್‌ ಸ್ಮಟ್ಸ್‌, ರೂಡಿ ಸೆಕೆಂಡ್‌, ಪೀಟ್‌ ವಾನ್‌ ಬಿಲ್ಜೊನ್‌, ರೆನಾರ್ಡ್‌ ವಾನ್‌ ತೊಂಡರ್‌, ಗೆರಾಲ್ಡ್‌ ಕೊಯೆಟ್ಜಿ, ಪೀಟರ್‌ ಮಲಾನ್‌, ಜುಬೇರ್‌ ಹಮ್ಜಾ, ಜಾನೆಮನ್ ಮಲಾನ್‌, ಫಾಫ್‌ ಡು ಪ್ಲೆಸಿ, ಟೋನಿ ಡಿ ಜೊರ್ಜಿ, ಬ್ಯೂರನ್‌ ಹೆನ್ರಿಕ್ಸ್‌, ನ್ಯಾಂಡ್ರೆ ಬರ್ಗರ್‌, ಜಾರ್ಜ್ ಲಿಂಡ್‌ ಹಾಗೂ ಕೈಲ್‌ ವೆರಿನ್‌.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು