ಬ್ಲಿಟ್ಜ್ ತಂಡದ ಅಹ್ಮದ್ 19ನೇ ನಿಮಿಷದಲ್ಲಿ ಗೋಲು ಹೊಡೆದರು. 48ನೇ ನಿಮಿಷದಲ್ಲಿ ತಿಲಕ್ ತಂಡದ ಅಶೋಕ್ ಗೋಲು ಬಾರಿಸಿ 1–1 ಸಮಬಲಕ್ಕೆ ಕಾರಣರಾದರು. 64ನೇ ನಿಮಿಷದಲ್ಲಿ ಈ ತಂಡದ ಯೋಹಿತ್ ಕಾಲ್ಚಳಕ ತೋರಿ 2–1 ಮುನ್ನಡೆಗೆ ಕಾರಣರಾದರು. ಎದುರಾಳಿ ಪಾಳಯದಲ್ಲಿ ಈ ಖುಷಿ ಹೆಚ್ಚು ಕಾಲ ಉಳಿಯಲು ಅಹ್ಮದ್ ಅವಕಾಶ ನೀಡಲಿಲ್ಲ. ಅವರು 65ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ತಲುಪಿಸಿದ್ದರಿಂದ 2–2 ಸಮಬಲ ಕಂಡುಬಂತು. 69ನೇ ನಿಮಿಷದಲ್ಲಿ ಅಗಸ್ಟೀನ್ ಗೋಲು ಬಾರಿಸಿ ಬ್ಲಿಟ್ಜ್ ತಂಡದ ಸಂಭ್ರಮಕ್ಕೆ ಕಾರಣರಾದರು.