ಲೀಗ್ ಹಂತದಲ್ಲಿ ಮುಂಬೈ ತಂಡವನ್ನು ಎರಡು ಬಾರಿ ಸೋಲಿಸಿದ್ದ ಗೋವಾ ವಿಶ್ವಾಸದಿಂದಲೇ ಶನಿವಾರ ಕಣಕ್ಕೆ ಇಳಿದಿತ್ತು. ಆದರೆ ತವರಿನ ಪ್ರೇಕ್ಷಕರ ಮುಂದೆ ಮುಂಬೈ ಆರಂಭದಲ್ಲಿ ಆಕ್ರಮಣಕಾರಿ ಆಟಕ್ಕೆ ಮೊರೆ ಹೋಯಿತು. ಏಳನೇ ನಿಮಿಷದಲ್ಲಿ ಅರ್ನಾಲ್ಡ್ ಇಸೊಕೊ ಚೆಂಡನ್ನು ಡ್ರಿಬಲ್ ಮಾಡುತ್ತ ಬಂದು ಗುರಿಯತ್ತ ಒದ್ದರು. ಆದರೆ ಗೋವಾ ಗೋಲ್ ಕೀಪರ್ ನವೀನ್ ಕುಮಾರ್ ಅದನ್ನು ತಡೆಯುವಲ್ಲಿ ಯಶಸ್ವಿಯಾದರು. ಗೋವಾ ತಂಡದವರು ಲಯ ಕಂಡುಕೊಳ್ಳುವುದರೊಂದಿಗೆ ಪಂದ್ಯ ರೋಚಕವಾಯಿತು.
