ಇಲ್ಲಿ ನಡೆದ ಏಷ್ಯನ್ ಅರ್ಹತಾ ಟೂರ್ನಿಯಲ್ಲಿ ಭಾನುವಾರ 74 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಸಂದೀಪ್ ಸಿಂಗ್ ಸೆಮಿಫೈನಲ್ನಲ್ಲಿ ಸೋತರು. 97 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಸತ್ಯಾವರ್ತ್ ಕಾಡಿಯನ್ ಮತ್ತು 125 ಕೆಜಿ ವಿಭಾಗದಲ್ಲಿ ಕಣಕ್ಕೆ ಇಳಿದ ಸುಮಿತ್ ಮಲಿಕ್ ಕೂಡ ಕೊನೆಯ ದಿನವಾದ ಭಾನುವಾರ ಸೋಲನುಭವಿಸಿದರು. ಇವರೆಲ್ಲರಿಗೂ ಬಲ್ಗೇರಿಯಾದ ಸೋಫಿಯಾದಲ್ಲಿ ಮೇ ಆರರಿಂದ ಒಂಬತ್ತರ ವರೆಗೆ ನಡೆಯಲಿರುವ ವಿಶ್ವ ಒಲಿಂಪಿಕ್ ಅರ್ಹತಾ ಟೂರ್ನಿಯಲ್ಲಿ ಇನ್ನೊಂದು ಅವಕಾಶ ಉಳಿದುಕೊಂಡಿದೆ.