ಜೂನಿಯರ್‌ ಮಹಿಳಾ ಹಾಕಿ: ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತಕ್ಕೆ ಭರ್ಜರಿ ಗೆಲುವು

ಶುಕ್ರವಾರ ನಡೆದ ಪಂದ್ಯದಲ್ಲಿ ಎಸ್‌.ಆರ್‌. ದೀಪಿಕಾ ಎರಡು, ಉಪ ನಾಯಕಿ ರುಜಾತಾ ದಾದಾಸೊ ಪಿಸಾಲ್, ಹೃತಿಕಾ ಸಿಂಗ್, ಸುನೆಲಿತಾ ಟೊಪ್ಪೊ, ದೀಪಿಕಾ ಸೊರೆಂಗ್ ಮತ್ತು ಅಣ್ಣು ತಲಾ ಒಂದೊಂದು ಗೋಲು ಗಳಿಸಿದ್ದಾರೆ.

ಇತ್ತ ದಕ್ಷಿಣ ಆಫ್ರಿಕಾ ಪರ ಮಿಕ್ಕೆಲಾ ಲೆ ರೌಕ್ಸ್ ಏಕೈಕ ಗೋಲು ಗಳಿಸಿದರು.

ಭಾರತೀಯ ಜೂನಿಯರ್ ಮಹಿಳಾ ತಂಡವು ಶನಿವಾರ ಮತ್ತು ಸೋಮವಾರದಂದು ದಕ್ಷಿಣ ಆಫ್ರಿಕಾದ 21 ವರ್ಷದೊಳಗಿನವರ ತಂಡದ ವಿರುದ್ಧ ಆಡಲಿದೆ. ಫೆಬ್ರುವರಿ 24, 25ರಂದು ದಕ್ಷಿಣ ಆಫ್ರಿಕಾ 'ಎ' ತಂಡದ ವಿರುದ್ಧ ಸೆಣಸಾಟ ನಡೆಸಲಿದೆ.