ಇಲ್ಲಿಯ ಶಹೀದ್ ವಿಜಯ್ ಸಿಂಗ್ ಪಾಟಿಕ್ ಕ್ರೀಡಾಂಗಣದಲ್ಲಿ ಪ್ರದೀಪ್ ಸಂಪೂರ್ಣ ಪ್ರಾಬಲ್ಯ ಮೆರೆದರು. ಸೌರಭ್ ಪಾಟೀಲ್ ರೇಡಿಂಗ್ ಮೂಲಕ ಬೆಂಗಾಲ್ ತಂಡ ಪಂದ್ಯದಲ್ಲಿ ಮೊದಲ ಪಾಯಿಂಟ್ ಗಳಿಸಿತು. 8ನೇ ನಿಮಿಷದಲ್ಲಿ ಆ ತಂಡ 9–8ರಲ್ಲಿ ಮುನ್ನಡೆಯಲ್ಲಿತ್ತು. 10ನೇ ನಿಮಿಷದಲ್ಲಿ 11–9ರಿಂದ ಮುನ್ನಡೆ ಗಳಿಸಿದ ಪಟ್ನಾ ಆ ಬಳಿಕ ಹಿಂದುಳಿಯಲೇ ಇಲ್ಲ. ಮೊದಲಾರ್ಧಕ್ಕೆ 7 ನಿಮಿಷ ಉಳಿದಿರುವಾಗ ಬೆಂಗಾಲ್ ತಂಡ ಆಲ್ ಔಟ್ ಆಯಿತು. ಪಟ್ನಾ 18–9 ಮುನ್ನಡೆ ಸಾಧಿಸಿತು. ಮೊದಲಾರ್ಧ ಮುಕ್ತಾಯಕ್ಕೆ ಆ ತಂಡ 27–17ರ ಮುನ್ನಡೆ ಕಾಯ್ದುಕೊಂಡಿತು. ಪ್ರದೀಪ್ ನರ್ವಾಲ್ ಈ ಋತುವಿನಲ್ಲಿ 15 ಸೂಪರ್ ಟೆನ್ ಸಾಧನೆ ಮಾಡಿದರು.