<p><strong>ಕೋಪನ್ಹೆಗನ್</strong>: ಮಾಜಿ ಚಾಂಪಿಯನ್ ಭಾರತದ ಪಿ.ವಿ. ಸಿಂಧು ಅವರು ಮಂಗಳವಾರ ನಡೆದ ಬಿಡಬ್ಲ್ಯುಎಫ್ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ನ ಮಹಿಳೆಯರ ಸಿಂಗಲ್ಸ್ನಲ್ಲಿ ನೇರ ಗೇಮ್ಗಳಿಂದ ಪರಾಭವಗೊಂಡು, ಟೂರ್ನಿಯಿಂದ ಹೊರಬಿದ್ದರು. ಲಕ್ಷ್ಯ ಸೇನ್ ಅವರು ಪುರುಷರ ಸಿಂಗಲ್ಸ್ನಲ್ಲಿ ಮೂರನೇ ಸುತ್ತು ಪ್ರವೇಶಿಸಿದರು.</p>.<p>ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಭಾರತಕ್ಕೆ ಚಿನ್ನ ಸೇರಿದಂತೆ 5 ಪದಕಗಳನ್ನು ತಂದುಕೊಟ್ಟಿದ್ದ ಸಿಂಧು ಅವರಿಗೆ ಮೊದಲ ಸುತ್ತಿನಲ್ಲಿ ‘ಬೈ’ ದೊರಕಿತ್ತು. ಎರಡನೇ ಸುತ್ತಿನಲ್ಲಿ 16ನೇ ಕ್ರಮಾಂಕದ ಅವರು ಜಪಾನ್ನ ನೊಜೊಮಿ ಒಕುಹರಾ ವಿರುದ್ಧ 14–21, 14–21ರಿಂದ ಪರಾಭವಗೊಂಡರು. ಇದೇ ಮೊದಲ ಬಾರಿಗೆ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಟೂರ್ನಿಯಲ್ಲಿ ಕ್ವಾರ್ಟರ್ಫೈನಲ್ ತಲುಪದೆ ಹೊರಬಿದ್ದಿದ್ದಾರೆ.</p>.<p>ಗಾಯದ ಕಾರಣದಿಂದ ಕಳೆದ ಆವೃತ್ತಿಯಿಂದ ದೂರ ಉಳಿದಿದ್ದ ಸಿಂಧು, ಈ ಆವೃತ್ತಿಯಲ್ಲಿ ಉತ್ಸಾಹದಿಂದ ಕಣಕ್ಕೆ ಇಳಿದಿದ್ದರು. 110 ನಿಮಿಷಗಳ ಕಾಲ ನಡೆದ ಹೋರಾಟದಲ್ಲಿ ಎದುರಾಳಿ ಆಟಗಾರ್ತಿಯ ಚುರುಕಿನ ಆಟದ ಎದುರು ಮುಗ್ಗರಿಸಿದರು. ಎರಡನೇ ಗೇಮ್ನಲ್ಲಿ ಆರಂಭದಲ್ಲಿ 9–0 ಮುನ್ನಡೆ ಪಡೆದು, ಪ್ರತಿರೋಧ ತೋರಿದರೂ ನಂತರ ಮೇಲುಗೈ ಸಾಧಿಸಲು ವಿಫಲವಾದರು.</p>.<p>2021ರ ಆವೃತ್ತಿಯಲ್ಲಿ ಕಂಚಿನ ಪದಕ ಗೆದ್ದಿರುವ ಸೇನ್ 21–11, 21–12ರಿಂದ ಕೊರಿಯಾದ ಜಿಯೋನ್ ಹ್ಯೊಕ್ ಜಿನ್ ಅವರನ್ನು ಪರಾಭವಗೊಳಿಸಿದರು. ವಿಶ್ವದ 11ನೇ ಕ್ರಮಾಂಕದ ಭಾರತದ ಆಟಗಾರನಿಗೆ ಮುಂದಿನ ಸುತ್ತಿನಲ್ಲಿ ಮೂರನೇ ಶ್ರೇಯಾಂಕದ ಕುನ್ಲವುಟ್ ವಿಟಿಡ್ಸರ್ನ್ (ಥಾಯ್ಲೆಂಡ್) ಎದುರಾಗುವ ಸಾಧ್ಯತೆ ಇದೆ.</p>.<p>ಸೇನ್ ಪಂದ್ಯದ ಆರಂಭದಿಂದಲೇ ನಿಖರವಾದ ಹೊಡೆತಗಳ ಮೂಲಕ ಅಂತ್ಯದವರೆಗೂ ಹಿಡಿತ ಸಾಧಿಸಿ, 16ರ ಘಟ್ಟವನ್ನು ಪ್ರವೇಶಿಸಿದರು. 2022ರ ಏಷ್ಯಾ ಟೀಮ್ ಚಾಂಪಿಯನ್ಷಿಪ್ನಲ್ಲಿ ಸೇನ್ ಅವರನ್ನು ಜಿಯೋನ್ ಮಣಿಸಿದ್ದರು. ಅಂದಿನ ಮುಯ್ಯಿಯನ್ನು ಸೇನ್ ತೀರಿಸಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಪನ್ಹೆಗನ್</strong>: ಮಾಜಿ ಚಾಂಪಿಯನ್ ಭಾರತದ ಪಿ.ವಿ. ಸಿಂಧು ಅವರು ಮಂಗಳವಾರ ನಡೆದ ಬಿಡಬ್ಲ್ಯುಎಫ್ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ನ ಮಹಿಳೆಯರ ಸಿಂಗಲ್ಸ್ನಲ್ಲಿ ನೇರ ಗೇಮ್ಗಳಿಂದ ಪರಾಭವಗೊಂಡು, ಟೂರ್ನಿಯಿಂದ ಹೊರಬಿದ್ದರು. ಲಕ್ಷ್ಯ ಸೇನ್ ಅವರು ಪುರುಷರ ಸಿಂಗಲ್ಸ್ನಲ್ಲಿ ಮೂರನೇ ಸುತ್ತು ಪ್ರವೇಶಿಸಿದರು.</p>.<p>ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಭಾರತಕ್ಕೆ ಚಿನ್ನ ಸೇರಿದಂತೆ 5 ಪದಕಗಳನ್ನು ತಂದುಕೊಟ್ಟಿದ್ದ ಸಿಂಧು ಅವರಿಗೆ ಮೊದಲ ಸುತ್ತಿನಲ್ಲಿ ‘ಬೈ’ ದೊರಕಿತ್ತು. ಎರಡನೇ ಸುತ್ತಿನಲ್ಲಿ 16ನೇ ಕ್ರಮಾಂಕದ ಅವರು ಜಪಾನ್ನ ನೊಜೊಮಿ ಒಕುಹರಾ ವಿರುದ್ಧ 14–21, 14–21ರಿಂದ ಪರಾಭವಗೊಂಡರು. ಇದೇ ಮೊದಲ ಬಾರಿಗೆ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಟೂರ್ನಿಯಲ್ಲಿ ಕ್ವಾರ್ಟರ್ಫೈನಲ್ ತಲುಪದೆ ಹೊರಬಿದ್ದಿದ್ದಾರೆ.</p>.<p>ಗಾಯದ ಕಾರಣದಿಂದ ಕಳೆದ ಆವೃತ್ತಿಯಿಂದ ದೂರ ಉಳಿದಿದ್ದ ಸಿಂಧು, ಈ ಆವೃತ್ತಿಯಲ್ಲಿ ಉತ್ಸಾಹದಿಂದ ಕಣಕ್ಕೆ ಇಳಿದಿದ್ದರು. 110 ನಿಮಿಷಗಳ ಕಾಲ ನಡೆದ ಹೋರಾಟದಲ್ಲಿ ಎದುರಾಳಿ ಆಟಗಾರ್ತಿಯ ಚುರುಕಿನ ಆಟದ ಎದುರು ಮುಗ್ಗರಿಸಿದರು. ಎರಡನೇ ಗೇಮ್ನಲ್ಲಿ ಆರಂಭದಲ್ಲಿ 9–0 ಮುನ್ನಡೆ ಪಡೆದು, ಪ್ರತಿರೋಧ ತೋರಿದರೂ ನಂತರ ಮೇಲುಗೈ ಸಾಧಿಸಲು ವಿಫಲವಾದರು.</p>.<p>2021ರ ಆವೃತ್ತಿಯಲ್ಲಿ ಕಂಚಿನ ಪದಕ ಗೆದ್ದಿರುವ ಸೇನ್ 21–11, 21–12ರಿಂದ ಕೊರಿಯಾದ ಜಿಯೋನ್ ಹ್ಯೊಕ್ ಜಿನ್ ಅವರನ್ನು ಪರಾಭವಗೊಳಿಸಿದರು. ವಿಶ್ವದ 11ನೇ ಕ್ರಮಾಂಕದ ಭಾರತದ ಆಟಗಾರನಿಗೆ ಮುಂದಿನ ಸುತ್ತಿನಲ್ಲಿ ಮೂರನೇ ಶ್ರೇಯಾಂಕದ ಕುನ್ಲವುಟ್ ವಿಟಿಡ್ಸರ್ನ್ (ಥಾಯ್ಲೆಂಡ್) ಎದುರಾಗುವ ಸಾಧ್ಯತೆ ಇದೆ.</p>.<p>ಸೇನ್ ಪಂದ್ಯದ ಆರಂಭದಿಂದಲೇ ನಿಖರವಾದ ಹೊಡೆತಗಳ ಮೂಲಕ ಅಂತ್ಯದವರೆಗೂ ಹಿಡಿತ ಸಾಧಿಸಿ, 16ರ ಘಟ್ಟವನ್ನು ಪ್ರವೇಶಿಸಿದರು. 2022ರ ಏಷ್ಯಾ ಟೀಮ್ ಚಾಂಪಿಯನ್ಷಿಪ್ನಲ್ಲಿ ಸೇನ್ ಅವರನ್ನು ಜಿಯೋನ್ ಮಣಿಸಿದ್ದರು. ಅಂದಿನ ಮುಯ್ಯಿಯನ್ನು ಸೇನ್ ತೀರಿಸಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
