ಮಹಿಳಾ ಕ್ರಿಕೆಟ್‌: ಕ್ವಾರ್ಟರ್‌ಫೈನಲ್‌ಗೆ ಕರ್ನಾಟಕ

ಬೆಂಗಳೂರು : ಕಾಶ್ವಿ ಕಂಡಿಕುಪ್ಪ ಅವರ ಅಜೇಯ ಶತಕ ಹಾಗೂ ರಚಿತಾ ಹತ್ವಾರ್ ಅವರ ಅರ್ಧಶತಕದ ನೆರವಿನಿಂದ ಕರ್ನಾಟಕ ತಂಡವು 19 ವರ್ಷದೊಳಗಿನ ಮಹಿಳಾ ಏಕದಿನ ಟೂರ್ನಿಯ ಪಂದ್ಯದಲ್ಲಿ ಭಾನುವಾರ 27 ರನ್ಗಳಿಂದ ಮಧ್ಯಪ್ರದೇಶ ತಂಡವನ್ನು ಮಣಿಸಿತು. ಅದರೊಂದಿಗೆ ಗುಂಪು ಹಂತದಲ್ಲಿ ಎಲ್ಲ 5 ಪಂದ್ಯಗಳನ್ನು ಗೆದ್ದು ಅಜೇಯವಾಗಿ ಕ್ವಾರ್ಟರ್ಫೈನಲ್ ಪ್ರವೇಶಿಸಿತು.

. ಹೈದರಾಬಾದ್ನ ಜಿಮ್ಖಾನಾ ಕ್ರೀಡಾಂಗಣದಲ್ಲಿ ನಡೆದ ಎಲೀಟ್ ಡಿ ಗುಂಪಿನ ಈ ಪಂದ್ಯದಲ್ಲಿ ಉಭಯ ತಂಡಗಳು ಅಂಕಪಟ್ಟಿಯ ಅಗ್ರಸ್ಥಾನ ಗಿಟ್ಟಿಸಿಕೊಳ್ಳಲು ಹೋರಾಡಿದವು. ನಾಯಕಿ ರಚಿತಾ (56; 70 ಎಸೆತ; 11x4) ಉತ್ತಮ ಬುನಾದಿ ಹಾಕಿಕೊಟ್ಟರೆ, ಕಾಶ್ವಿ (ಔಟಾಗದೇ 115; 84 ಎ; 17x4, 2x6) ಅವರು ಬಿರುಸಿನ ಶತಕದೊಂದಿಗೆ ತಂಡವು 250ರ ಗಡಿ ದಾಟಲು ನೆರವಾದರು. ರಾಜ್ಯ ತಂಡವು ನಿಗದಿತ ಓವರ್ಗಳಲ್ಲಿ 6 ವಿಕೆಟ್ಗೆ 264 ರನ್ ಗಳಿಸಿತು. ಮಧ್ಯಪ್ರದೇಶ ತಂಡದ ನಾಯಕಿ ಆಯುಷಿ ಶುಕ್ಲಾ 41 ರನ್ ನೀಡಿ 2 ವಿಕೆಟ್ ಪಡೆದರು.

. ಸ್ಪರ್ಧಾತ್ಮಕ ಮೊತ್ತ ಬೆನ್ನಟ್ಟಿದ ಮಧ್ಯಪ್ರದೇಶ ತಂಡಕ್ಕೆ ವಂದಿತಾ ಕೆ. ರಾವ್ (34ಕ್ಕೆ3) ಹಾಗೂ ನಂದನಿ ಚೌಹಾನ್ (44ಕ್ಕೆ2) ಅವರು ಪರಿಣಾಮಕಾರಿ ಬೌಲಿಂಗ್ ಮೂಲಕ ಕಾಡಿದರು. ಆಯುಷಿ ಬಳಗವು ನಿಗದಿತ ಓವರ್ಗಳಲ್ಲಿ 7 ವಿಕೆಟ್ಗೆ 237 ರನ್ ಗಳಿಸಲಷ್ಟೇ ಶಕ್ತವಾಯಿತು. ವಿಕೆಟ್ಕೀಪರ್ ವೈಷ್ಣವಿ ವ್ಯಾಸ್ (39; 71ಎ, 4x3) ಹಾಗೂ ಮಹಿ ಠಾಕೂರ್ (33; 49ಎ, 4x3) ಅವರನ್ನು ಹೊರತುಪಡಿಸಿದರೆ ಉಳಿದ್ಯಾವ ಬ್ಯಾಟರ್ಗಳೂ 30ರ ಗಡಿ ದಾಟಲಿಲ್ಲ.

. ಎಲೀಟ್ ಡಿ ಗುಂಪಿನಲ್ಲಿ ಕ್ರಮವಾಗಿ ಮೊದಲೆರಡು ಸ್ಥಾನ ಪಡೆದ ಕರ್ನಾಟಕ ಹಾಗೂ ಮಧ್ಯಪ್ರದೇಶ ತಂಡಗಳು ಎಂಟರ ಘಟ್ಟಕ್ಕೆ ಅರ್ಹತೆ ಪಡೆದವು. ರಚಿತಾ ಬಳಗವು ಪುಣೆಯಲ್ಲಿ ಇದೇ 28ರಂದು (ಭಾನುವಾರ) ನಡೆಯಲಿರುವ ಕ್ವಾರ್ಟರ್ಫೈನಲ್ನಲ್ಲಿ ಬಂಗಾಳ ತಂಡವನ್ನು ಎದುರಿಸಲಿದೆ.

. ಸಂಕ್ಷಿಪ್ತ ಸ್ಕೋರು: ಕರ್ನಾಟಕ: 50 ಓವರ್ಗಳಲ್ಲಿ 6 ವಿಕೆಟ್ಗೆ 264 (ರಚಿತಾ ಹತ್ವಾರ್ 56, ಕಾಶ್ವಿ ಕಂಡಿಕುಪ್ಪ ಔಟಾಗದೇ 115, ಕಾರ್ಣಿಕಾ ಕಾರ್ತಿಕ್ 40; ಆಯುಷಿ ಶುಕ್ಲಾ 41ಕ್ಕೆ2). ಮಧ್ಯಪ್ರದೇಶ: 50 ಓವರ್ಗಳಲ್ಲಿ 7 ವಿಕೆಟ್ಗೆ 237 (ವೈಷ್ಣವಿ ವ್ಯಾಸ್ 39, ಮಹಿ ಠಾಕೂರ್ 33; ವಂದಿತಾ ಕೆ. ರಾವ್ 34ಕ್ಕೆ3, ನಂದನಿ ಚೌಹಾನ್ 44ಕ್ಕೆ2).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಿಳಾ ಕ್ರಿಕೆಟ್‌: ಕ್ವಾರ್ಟರ್‌ಫೈನಲ್‌ಗೆ ಕರ್ನಾಟಕ

ಗುಂಡಣ್ಣ: 21 ಡಿಸೆಂಬರ್ 2025

ಚಿನಕುರುಳಿ: ಭಾನುವಾರ, 21 ಡಿಸೆಂಬರ್ 2025

ವಾರ ಭವಿಷ್ಯ: ಈ ರಾಶಿಯವರಿಗೆ ಮನಸ್ಸಿನಲ್ಲಿ ಯಾವುದೋ ರೀತಿಯ ಚಿಂತೆ ಕಾಡುತ್ತದೆ

ದಿನ ಭವಿಷ್ಯ: ಕಾರ್ಯಕ್ಷೇತ್ರದಲ್ಲಿ ಒಳ್ಳೆಯ ಅವಕಾಶಗಳು ದೊರೆಯುತ್ತವೆ

ಕೆಒಎ ವಾರ್ಷಿಕ ‍ಪ್ರಶಸ್ತಿ ಪ್ರದಾನ ಸಮಾರಂಭ: ಸಿದ್ದರಾಮಯ್ಯ ಹಲವು ಭರವಸೆ