Paris Olympics | ಕುಸ್ತಿ: ಸೆಮಿಫೈನಲ್‌ನಲ್ಲಿ ಸೋತ ಅಮನ್‌

ಪ್ಯಾರಿಸ್: ಭಾರತ ಯುವ ಕುಸ್ತಿಪಟು ಅಮನ್ ಸೆಹ್ರಾವತ್ ಅವರು ಒಲಿಂಪಿಕ್ಸ್ ಪುರುಷರ ಕುಸ್ತಿ ಸ್ಪರ್ಧೆಗಳ 57 ಕೆ.ಜಿ. ವಿಭಾಗದಲ್ಲಿ ಅಗ್ರ ಶ್ರೇಯಾಂಕದ ಜಪಾನ್ನ ರೀ ಹಿಗುಚಿ ಅವರಿಗೆ 0–10 ರಿಂದ ಮಣಿದರು.

. ರಿಯೊ ಒಲಿಂಪಿಕ್ಸ್ನಲ್ಲಿ (2016) ಬೆಳ್ಳಿ ಗೆದ್ದಿದ್ದ, 28 ವರ್ಷ ವಯಸ್ಸಿನ ಹಿಗುಚಿ ಅವರು ಕೇವಲ ಮೂರು ನಿಮಿಷಗಳಲ್ಲಿ ಮುಕ್ತಾಯಗೊಂಡ ಈ ಸೆಣಸಾಟವನ್ನು ಉತ್ತಮ ತಾಂತ್ರಿಕ ಕೌಶಲದ ಆಧಾರದಲ್ಲಿ ಗೆದ್ದರು.

. ಪುರುಷರ ವಿಭಾಗದಲ್ಲಿ ಭಾರತದ ಏಕೈಕ ಕುಸ್ತಿಪಟುವಾಗಿ ಪ್ಯಾರಿಸ್ ಕ್ರೀಡೆಗಳಿಗೆ ಅರ್ಹತೆ ಪಡೆದಿದ್ದ ಅಮನ್ ಶುಕ್ರವಾರ ಕಂಚಿನ ಪದಕಕ್ಕಾಗಿ ನಡೆಯುವ ಪಂದ್ಯದಲ್ಲಿ ಉಜ್ಬೇಕಿಸ್ತಾನದ ಗುಲೊಮ್ಜಾನ್ ಅಬ್ದುಲ್ಲೇವ್ ಅವರನ್ನು ಎದುರಿಸಲಿದ್ದಾರೆ.

. ಟೋಕಿಯೊ ಕ್ರೀಡೆಗಳಲ್ಲಿ ಈ ಕ್ಲಾಸ್ನಲ್ಲಿ ರವಿ ದಹಿಯಾ ಅವರು ಬೆಳ್ಳಿ ಗೆದ್ದಿದ್ದರು. ಆದರೆ ಈ ಬಾರಿ ರಾಷ್ಟ್ರೀಯ ಆಯ್ಕೆ ಟ್ರಯಲ್ಸ್ನಲ್ಲಿ ಅಮನ್, ರವಿ ಅವರನ್ನು ಸೋಲಿಸಿ ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದರು.

. ಇದಕ್ಕೆ ಮೊದಲು ಅಮನ್ ಕ್ವಾರ್ಟರ್ಫೈನಲ್ನಲ್ಲಿ ಮಾಜಿ ವಿಶ್ವ ಚಾಂಪಿಯನ್, ಅಲ್ಬೇನಿಯಾದ ಝೆಲಿಮ್ಖಾನ್ ಅಬಕರೊವ್ ಅವರನ್ನು ತಾಂತ್ರಿಕ ಕೌಶಲದ ಆಧಾರದಲ್ಲಿ ಸೋಲಿಸಿ ನಾಲ್ಕರ ಘಟ್ಟಕ್ಕೆ ಮುನ್ನಡೆದಿದ್ದರು.

. 21 ವರ್ಷದ ಅಮನ್ ಉತ್ತಮ ಲಯದಲ್ಲಿದ್ದು ಎರಡನೇ ಸುತ್ತಿನಲ್ಲಿ ಎದುರಾಳಿಯ ಕಾಲುಗಳನ್ನು ‘ಲಾಕ್’ ಮಾಡಿಟ್ಟರು. ಕೆಲವು ಬಾರಿ ಅವರನ್ನು ಕೆಡವಿ ಎಂಟು ಪಾಯಿಂಟ್ಸ್ ಗಳಿಸಿದರು. ಅಂತಿಮವಾಗಿ 12–0ಯಿಂದ ಗೆಲುವು ಪಡೆದರು.

. ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಅವರು ಮಾಜಿ ಯುರೋಪಿಯನ್ ಚಾಂಪಿಯನ್, ನಾರ್ತ್ ಮ್ಯಾಸಿಡೊನಿಯಾದ ವ್ಲಾದಿಮಿರ್ ಇಗೊರೊವ್ ಅವರನ್ನು 10–0ಯಿಂದ ಮಣಿಸಿದ್ದರು.

. ಅನ್ಶು ಮಲಿಕ್ಗೆ ಸೋಲು . ಮಹಿಳೆಯರ ವಿಭಾಗದ 57 ಕೆ.ಜಿ. ಸ್ಪರ್ಧೆಯಲ್ಲಿ ಭಾರತದ ಅನ್ಶು ಮಲಿಕ್ ಹೊರಬಿದ್ದರು. ಅವರು ಪ್ರಿಕ್ವಾರ್ಟರ್ಫೈನಲ್ ಬೌಟ್ನಲ್ಲಿ ಹಿರಿಯ ಕುಸ್ತಿಪಟು ಹೆಲೆನ್ ಲೂಯಿಸ್ ಮರೊಲಿಸ್ ಅವರಿಗೆ 2–7 ರಲ್ಲಿ ಸೋತರು.

. ಈ ಸೆಣಸಾಟ 2021ರ ವಿಶ್ವಚಾಂಪಿಯನ್ಷಿಪ್ ಫೈನಲ್ನ ಪುನರಾವರ್ತನೆಯಂತೆ ಇತ್ತು. ಆ ಬಾರಿ ಅಮೆರಿಕದ ಅನುಭವಿ ಹೆಲೆನ್, ಭಾರತದ ಕುಸ್ತಿಪಟುವನ್ನು ಸೋಲಿಸಿದ್ದು, ಅನ್ಶು ಬೆಳ್ಳಿ ಗೆದ್ದಿದ್ದರು.

. 2016ರ ರಿಯೊ ಗೇಮ್ಸ್ನಲ್ಲಿ ಚಿನ್ನ, 2020ರ ಒಲಿಂಪಿಕ್ಸ್ನಲ್ಲಿ ಕಂಚು ಗೆದ್ದ ಹೆಲೆನ್ ಅವರು ಫೈನಲ್ ತಲುಪಿದಲ್ಲಿ ಅನ್ಶು ಅವರಿಗೆ ರೆಪೆಷಾಜ್ ಮೂಲಕ ಕಂಚಿನ ಪದಕಕ್ಕೆ ಪೈಪೋಟಿ ನಡೆಸುವ ಅವಕಾಶ ದಕ್ಕಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Paris Olympics | ಕುಸ್ತಿ: ಸೆಮಿಫೈನಲ್‌ನಲ್ಲಿ ಸೋತ ಅಮನ್‌

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ವಿಮಾನ ಹಾರಾಟಕ್ಕೂ ಮುನ್ನ ಕುಸಿದು ಬಿದ್ದ ಏರ್‌ ಇಂಡಿಯಾ ವಿಮಾನದ ಪೈಲಟ್

ಚುರುಮುರಿ | ಒಳಾರ್ಥ–ಗೂಢಾರ್ಥ!

ಸೊನ್ನೆ ಸುತ್ತಿದ 6 ಬ್ಯಾಟರ್‌ಗಳು: ಭಾರತದ ಎದುರು ಅನಗತ್ಯ ದಾಖಲೆ ಬರೆದ ಇಂಗ್ಲೆಂಡ್

ಬೆನ್ ಸ್ಟೋಕ್ಸ್ 'ಗೋ‌ಲ್ಡನ್ ಡಕ್': ದ್ರಾವಿಡ್ ಹೆಸರಲ್ಲೇ ಉಳಿಯಿತು ಅಪರೂಪದ ದಾಖಲೆ

ಮಹಿಳಾ ಟಿ20 | ಭಾರತಕ್ಕೆ 3ನೇ ಪಂದ್ಯದಲ್ಲಿ ಸೋಲು; ಸರಣಿ ಜಯದ ಕನಸಿಗೆ ಹಿನ್ನಡೆ

ಬೆಂಗಳೂರು | ನೀರಜ್ ಚೋಪ್ರಾ ಕ್ಲಾಸಿಕ್‌ ಚಾರಿತ್ರಿಕ ಉತ್ಸವಕ್ಕೆ ಕಂಠೀರವ ಸಜ್ಜು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ವಿಮಾನ ಹಾರಾಟಕ್ಕೂ ಮುನ್ನ ಕುಸಿದು ಬಿದ್ದ ಏರ್‌ ಇಂಡಿಯಾ ವಿಮಾನದ ಪೈಲಟ್

ಚುರುಮುರಿ | ಒಳಾರ್ಥ–ಗೂಢಾರ್ಥ!