ಕರಾಚಿ: ಇದೇ 9ರಿಂದ ಪಾಕಿಸ್ತಾನ ಸೂಪರ್ ಲೀಗ್ (ಪಿಎಸ್ಎಲ್) ಟೂರ್ನಿಯ ಪಂದ್ಯಗಳು ನಡೆಯಲಿರುವ ಇಲ್ಲಿಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಭದ್ರತಾ ವ್ಯವಸ್ಥೆ ಕೈಗೊಂಡಿರುವ ಪಾಕಿಸ್ತಾನ ಸೇನೆಯು ಗುರುವಾರ ತಾಲೀಮು ನಡೆಸಿತು.
ಭಯೋತ್ಪಾದನೆ ದಾಳಿಯ ಭೀತಿಯ ಹಿನ್ನೆಲೆಯಲ್ಲಿ ಈ ಸೇನೆಯು ಕಟ್ಟೆಚ್ಚರ ವಹಿಸಿದೆ. ಆದ್ದರಿಂದ ಎಲ್ಲ ಹಂತದ ಭದ್ರತಾ ವ್ಯವಸ್ಥೆಯನ್ನು ಖಚಿತಪಡಿಸಿಕೊಳ್ಳಲು ಗುರುವಾರ ಸೇನಾಪಡೆಯು ಪೆರೆಡ್ ನಡೆಸಿತು ಎಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ತಿಳಿಸಿದೆ.
ಟೂರ್ನಿಯ ಮೊದಲ ಹಂತದ ಪಂದ್ಯಗಳು ಅಬುಧಾಬಿಯಲ್ಲಿ ನಡೆದಿವೆ. ಇದೇ ಎರಡನೇ ಹಂತದ ಲೀಗ್ ಪಂದ್ಯಗಳು, ನಾಕೌಟ್ ಪಂದ್ಯಗಳು ಕರಾಚೆಯಲ್ಲಿ ನಡೆಯಲಿವೆ.
ಹತ್ತು ವರ್ಷಗಳ ಹಿಂದೆ ಲಾಹೋರ್ನಲ್ಲಿ ಟೆಸ್ಟ್ ಪಂದ್ಯದಲ್ಲಿ ಆಡಿದ್ದ ಶ್ರೀಲಂಕಾ ತಂಡದ ಬಸ್ ಮೇಲೆ ಭಯೋತ್ಸಾದನೆ ದಾಳಿ ನಡೆದಿತ್ತು. ಆಗಿನಿಂದಲೂ ಪಾಕ್ ಕ್ರಿಕೆಟ್ ತಂಡವು ಅಬುಧಾಬಿಯನ್ನು ತನ್ನ ತವರಿನ ಕ್ರೀಡಾಂಗಣ ಮಾಡಿಕೊಂಡಿದೆ.