ಟಾಟಾ ಓಪನ್ ಮಹಾರಾಷ್ಟ್ರ ಟೆನಿಸ್‌ ಟೂರ್ನಿ: ರಾಮ್‌ಕುಮಾರ್‌ಗೆ ನಿರಾಸೆ

ಇಲ್ಲಿ ನಡೆಯುತ್ತಿರುವ ಟೂರ್ನಿಯ ಮಂಗಳವಾರ ರಾಮ್‌ಕುಮಾರ್ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿ 6–3, 5–7, 3–6ರಿಂದ ಸ್ಪೇನ್‌ನ ಪೆಡ್ರೊ ಮಾರ್ಟಿನೆಜ್‌ ಎದುರು ಮುಗ್ಗರಿಸಿದರು.

ಎರಡು ತಾಸು 28 ನಿಮಿಷಗಳ ಹಣಾಹಣಿಯ ಆರಂಭದಲ್ಲಿ ರಾಮ್‌ಕುಮಾರ್ ಮೇಲುಗೈ ಸಾಧಿಸಿದರು. ಆದರೆ ವಿಶ್ವ ರ‍್ಯಾಂಕಿಂಗ್‌ನಲ್ಲಿ 62ನೇ ಸ್ಥಾನದಲ್ಲಿರುವ ಪೆಡ್ರೊ ಬಳಿಕ ಮೇಲುಗೈ ಸಾಧಿಸಿದರು.

ಪೆಡ್ರೊ ಅವರ ಆ‌ಕರ್ಷಕ ಸರ್ವ್‌ಗಳಿಗೆ ಪ್ರತ್ಯುತ್ತರ ನೀಡುವಲ್ಲಿ ರಾಮ್‌ಕುಮಾರ್ ಅವರಿಗೆ ಸಾಧ್ಯವಾಗಲಿಲ್ಲ. ಫೋರ್‌ಹ್ಯಾಂಡ್‌ ಹೊಡೆತಗಳಲ್ಲಿ ಸ್ಪೇನ್‌ ಆಟಗಾರ ಪಾರಮ್ಯ ಮೆರೆದರು.

ರಾಮ್‌ಕುಮಾರ್ ಅವರ ಸೋಲಿನೊಂದಿಗೆ ಭಾರತದ ಮೂವರು ಆಟಗಾರರು ಪ್ರಧಾನ ಸುತ್ತಿನಿಂದ ಹೊರಬಿದ್ದಂತಾಗಿದೆ.

ಮಾನಸ್‌ ಧಾಮನೆ, ಸುಮಿತ್ ನಗಾಲ್‌ ಸೋಮವಾರ ಸೋಲು ಕಂಡಿದ್ದರು.