ಹಾಫ್‌ ಮ್ಯಾರಥಾನ್‌: ಅಕ್ಷತಾ, ಗೋವಿಂದಗೆ ಚಿನ್ನ
ಮೈಸೂರು: ದಾವಣಗೆರೆಯ ಎ.ಅಕ್ಷತಾ ಮತ್ತು ಊಟಿಯ ಗೋವಿಂದ ಸಿಂಗ್‌ ಅವರು ದಸರಾ ಕ್ರೀಡಾಕೂಟದ ಹಾಫ್‌ ಮ್ಯಾರಥಾನ್‌ನಲ್ಲಿ ಕ್ರಮವಾಗಿ ಮಹಿಳೆಯರ ಮತ್ತು ಪುರುಷರ ವಿಭಾಗದಲ್ಲಿ ಚಿನ್ನ ಗೆದ್ದುಕೊಂಡರು.
ಭಾನುವಾರ ಬೆಳಿಗ್ಗೆ ನಡೆದ ಸ್ಪರ್ಧೆಯಲ್ಲಿ ಅಕ್ಷತಾ 21 ಕಿ.ಮೀ ದೂರವನ್ನು 1 ಗಂಟೆ 25 ನಿಮಿಷ 2 ಸೆಕೆಂಡುಗಳಲ್ಲಿ ಪೂರೈಸಿದರು. ಬೆಂಗಳೂರಿನ ಕುಮಾರಿ ಮಮತಾ (1.27.22 ಸೆ.) ಮತ್ತು ಮೈಸೂರಿನ ಕವನಾ (1:36.03 ಸೆ.) ಕ್ರಮವಾಗಿ ಬೆಳ್ಳಿ ಹಾಗೂ ಕಂಚು ಜಯಿಸಿದರು.
ಪುರುಷರ ವಿಭಾಗದಲ್ಲಿ ಗೋವಿಂದ ಅವರು ನಿಗದಿತ ದೂರವನ್ನು 1 ಗಂಟೆ 7 ನಿಮಿಷ 9 ಸೆಕೆಂಡುಗಳಲ್ಲಿ ಕ್ರಮಿಸಿದರು. ಬೆಂಗಳೂರಿನ ಪರ್ವಿಶ್‌ (1:08.02) ಮತ್ತು ವಿಜಯಪುರದ ನಾಗೇಶ್‌ ಪವಾರ್‌ (1:08.23 ಸೆ.) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದರು.
ಫಲಿತಾಂಶ: ಹಾಫ್‌ ಮ್ಯಾರಥಾನ್‌ (ಪುರುಷರ ವಿಭಾಗ): ಗೋವಿಂದ ಸಿಂಗ್‌ (ಊಟಿ)–1, ಪರ್ವಿಶ್‌ (ಬೆಂಗಳೂರು)–2, ನಾಗೇಶ್‌ ಪವಾರ್‌ (ವಿಜಯಪುರ)–3. ಪ್ರವೀಣ್‌ ಕೆ. (ಬೆಂಗಳೂರು)–4, ಕುಲಪುದಿಯಾರಿ (ಊಟಿ)–5. ಕಾಲ: 1 ಗಂಟೆ 07 ನಿ.09 ಸೆ.
ಮಹಿಳೆಯರ ವಿಭಾಗ: ಎ.ಅಕ್ಷತಾ (ದಾವಣಗೆರೆ)–1, ಕುಮಾರಿ ಮಮತಾ (ಬೆಂಗಳೂರು)–2, ಕವನಾ (ಮೈಸೂರು)–3, ಅಶ್ವಿನಿ (ಮೈಸೂರು)–4, ಮೇಘನಾ (ಗದಗ)–5. ಕಾಲ: 1 ಗಂಟೆ 25ನಿ.02 ಸೆ.
ರಸ್ತೆ ಓಟದ ಸ್ಪರ್ಧೆಗಳ ಫಲಿತಾಂಶ:
10 ಕಿ.ಮೀ ಓಟ (ಪುರುಷರ ವಿಭಾಗ): ಮಹಾಕುಟ್ಟೇಶ್ವರ (ಬಾದಾಮಿ)–1, ಚೇತನ್‌ (ಮೈಸೂರು)–2, ಮಲ್ಲೇಶ್‌ ಪಾಟೀಲ್‌ (ಬೆಳಗಾವಿ)–3. ಕಾಲ: 34 ನಿಮಿಷ 15 ಸೆ.
6 ಕಿ.ಮೀ ಓಟ (ಮಹಿಳೆಯರ ವಿಭಾಗ): ಸ್ವಪ್ನಾ ಪಾಟೀಲ್‌ (ಬೆಂಗಳೂರು)–1, ಚೈತ್ರಾ ದೇವಾಂಗ (ಮಂಗಳೂರು)–2, ತಿಪ್ಪವ್ವ ಸಣ್ಣಕ್ಕಿ (ಮೈಸೂರು)–3. ಕಾಲ: 22 ನಿಮಿಷ 41 ಸೆ.
3 ಕಿ.ಮೀ ಓಟ (ಬಾಲಕರ ವಿಭಾಗ): ಎಸ್‌.ಆರ್‌.ರಾಹುಲ್ (ಮೈಸೂರು)–1, ಎಚ್‌.ಎಸ್‌.ಹೇಮಂತ್‌ (ಕೆ.ಆರ್‌.ನಗರ), ವಿಠಲ (ಆಳ್ವಾಸ್‌)–3. ಕಾಲ: 10 ನಿಮಿಷ 25 ಸೆ.
ಬಾಲಕಿಯರ ವಿಭಾಗ: ಮಾಲಾಶ್ರೀ (ಆಳ್ವಾಸ್‌)–1, ರಾಶಿ (ಕೊಡಗು)–2, ಚೈತ್ರಾ (ತಿ.ನರಸೀಪುರ)–3. ಕಾಲ: 13 ನಿಮಿಷ 10 ಸೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.