ಡ್ರೋನ್ ದಾಳಿ ಆರೋಪ: ಅಲ್ಲಗಳೆದ ಇರಾನ್
ಟೆಹರಾನ್‌: ಸೌದಿ ಅರೇಬಿಯಾದ ತೈಲ ಸಂಸ್ಕರಣಾ ಘಟಕದ ಮೇಲೆ ಶನಿವಾರ ನಡೆದ ಡ್ರೋನ್ ದಾಳಿಯ ಹಿಂದೆ ಇರಾನ್ ಇದೆ ಎಂಬ ಅಮೆರಿಕ ಆರೋಪವನ್ನು ಇರಾನ್ ಅಲ್ಲಗಳೆದಿದೆ.
‘ಇಸ್ಲಾಮಿಕ್‌ ಗಣರಾಜ್ಯದ ವಿರುದ್ಧ ಸೇಡು ತೀರಿಸಿಕೊಳ್ಳಲು ಇಂತಹ ನೆಪಗಳನ್ನು ಅಮೆರಿಕ ಒಡ್ಡುತ್ತಿದೆ’ ಎಂದು ಇರಾನ್ ದೂರಿದೆ. ‘ಇದೊಂದು ಆಧಾರ ರಹಿತ ಹಾಗೂ ಅರ್ಥಹೀನ ಆರೋಪ. ಇದು ಫಲಪ್ರದವಾಗುವುದಿಲ್ಲ’ ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ಅಬ್ಬಾಸ್‌ ಮೌಸವಿ ಹೇಳಿದ್ದಾರೆ.
ಶನಿವಾರ ನಡೆದ ದಾಳಿಯ ಸಂಬಂಧ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್‌ ಪೊಂಪಿಯೊ, ಇರಾನ್ ಅನ್ನು ಖಂಡಿಸಿದ್ದಾರೆ. ದಾಳಿ ಹೊಣೆಯನ್ನು ಯೆಮನ್‌ನ ಹೌತಿ ಬಂಡುಕೋರರು ಹೊತ್ತುಕೊಂಡಿದ್ದಾರೆ. ಆದರೆ, ‘ದಾಳಿ ಯೆಮನ್‌ನಿಂದಲೇ ನಡೆದಿದೆ ಎಂದು ಹೇಳಲು ಯಾವ ಆಧಾರವೂ ಇಲ್ಲ’ ಎಂದು ಪೊಂಪಿಯೊ ಹೇಳಿದ್ದಾರೆ.
‘ತೈಲ ಮಾರುಕಟ್ಟೆ ಮೇಲೆ ಯಾವುದೇ ಪರಿಣಾಮ ಆಗದಂತೆ ಪಾಲುದಾರ ಮತ್ತು ಮಿತ್ರರಾಷ್ಟ್ರಗಳೊಂದಿಗೆ ಕೆಲಸ ಮಾಡುತ್ತೇವೆ. ಈ ದಾಳಿಗೆ ಇರಾನ್ ಹೊಣೆಗಾರ ಎಂಬುದನ್ನು ಜಗತ್ತಿಗೆ ತಿಳಿಸುತ್ತೇವೆ’ ಎಂದು ಅಮೆರಿಕದ ಹಿರಿಯ ರಾಯಭಾರಿ ಟ್ವೀಟ್‌ ಮಾಡಿದ್ದಾರೆ.
ಫ್ರಾನ್ಸ್‌ ಖಂಡನೆ: ಡ್ರೋನ್ ದಾಳಿಯನ್ನು ಫ್ರಾನ್ಸ್‌ ಖಂಡಿಸಿದೆ. ‘ಈ ದಾಳಿಯಿಂದ ಜಾಗತಿಕ ತೈಲ ಉತ್ಪಾದನೆಗೆ ಅಡ್ಡಿಯಾ
ಗಿದೆ’ ಎಂದು ಫ್ರಾನ್ಸ್‌ ವಿದೇಶಾಂಗ ಸಚಿವಾಲಯ ಭಾನುವಾರ ಹೇಳಿದೆ.
‘ಈ ದಾಳಿ ಪ್ರಾದೇಶಿಕ ಉದ್ವಿಗ್ನತೆ ಹಾಗೂ ಸಂಘರ್ಷವನ್ನು ಹೆಚ್ಚಿಸಬಹುದು. ನಾವು ಸೌದಿ ಅರೇಬಿಯಾದೊಂದಿದೆ ಇದ್ದೇವೆ’ ಎಂದು ಫ್ರಾನ್ಸ್‌ ಹೇಳಿದೆ.
ಚುನಾವಣಾ ಫಲಿತಾಂಶ 2019 | ಹರಿಯಾಣ ಮತ್ತು ಮಹಾರಾಷ್ಟ್ರ ವಿಧಾನಸಭೆ 2019 ಚುನಾವಣೆಗೆ ಸಂಬಂಧಿಸಿದ ಸಮಗ್ರ ಸುದ್ದಿ, ಮಾಹಿತಿ, ವಿಶ್ಲೇಷಣೆ ಇಲ್ಲಿ ಲಭ್ಯ.
ಮಹಾರಾಷ್ಟ್ರ ವಿಧಾನಸಭೆಯ ಫಲಿತಾಂಶಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ
ಹರಿಯಾಣ ವಿಧಾನಸಭೆಯ ಫಲಿತಾಂಶಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ
