Covid-19 Wrold Update| ಈಗ ವಿಶ್ವದಲ್ಲಿ 80 ಲಕ್ಷಕ್ಕೂ ಅಧಿಕ ಸೋಂಕಿತರು 

ವಿಶ್ವದ 80 ಲಕ್ಷ ಸೋಂಕು ಪ್ರಕರಣಗಳಪೈಕಿ ಶೇ.25ರಷ್ಟು ಅಂದರೆ, 20 ಲಕ್ಷಕ್ಕೂ ಅಧಿಕಪ್ರಕರಣಗಳು ಅಮೆರಿಕದಿಂದಲೇ ವರದಿಯಾಗಿದೆಯಾದರೂ, ಸದ್ಯ ಸೋಂಕು ವೇಗವಾಗಿಹರಡುತ್ತಿರುವುದು ಲ್ಯಾಟಿನ್‌ ಅಮೆರಿಕ ರಾಷ್ಟ್ರಗಳಲ್ಲಿ. ಅಲ್ಲಿ ಇಡೀ ವಿಶ್ವದ ಶೇ. 21 ರಷ್ಟು ಪ್ರಕರಣಗಳು ವರದಿಯಾಗಿವೆ.

ವಿಶ್ವ ಸೋಂಕಿತರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರುವ ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 21,13,366 ಆಗಿದ್ದರೆ, 1,16,135 ಮಂದಿ ಮೃತಪಟ್ಟಿದ್ದಾರೆ. ಎರಡನೇ ಸ್ಥಾನದಲ್ಲಿರುವ ಬ್ರೆಜಿಲ್‌ನಲ್ಲಿ 8,88,271 ಕೋವಿಡ್–19 ಪ್ರಕರಣಗಳಿವೆ. ಈ ಪೈಕಿ 43,959 ಮಂದಿ ಸಾವಿಗೀಡಾಗಿದ್ದಾರೆ.

ಕೊರೊನಾ ವೈರಸ್‌ ಉಲ್ಬಣಗೊಂಡಿರುವ ಲ್ಯಾಟಿನ್‌ ಅಮೆರಿಕ ರಾಷ್ಟ್ರಗಳು ಭವಿಷ್ಯದಲ್ಲಿ ಅಮೆರಿಕವನ್ನು ಹಿಂದಿಕ್ಕುವ ಸಾಧ್ಯತೆಗಳನ್ನು ಅಲ್ಲಗಳೆಯುವಂತಿಲ್ಲ.

ಅಮೆರಿಕದಲ್ಲಿ ಕೆಲ ವಾರಗಳಿಂದ ಕೊರೊನಾ ವೈರಸ್‌ ಸೋಂಕು ಪ್ರಕರಣಗಳು ಕಡಿಮೆಯಾಗಿದ್ದವು. ಆದರೆ, ಕೆಲ ನಗರಗಳಲ್ಲಿ ಮತ್ತೆ ಹೊಸ ಪ್ರಕರಣಗಳು ಪತ್ತೆಯಾಗಲಾರಂಭಿಸಿವೆ. ಹೀಗಾಗಿ ಕೊರೊನಾ ವೈರಸ್‌ನ ಎರಡನೇ ಅಲೆ ಅಪ್ಪಳಿಸುವ ಆತಂಕದಲ್ಲಿದೆ ಅಮೆರಿಕ.

ಸದ್ಯ ಜಗತ್ತಿನಲ್ಲಿ 4,36,306 ಮಂದಿ ಕೊರೊನಾ ವೈರಸ್‌ಗೆ ಬಲಿಯಾಗಿದ್ದಾರೆ.

ಜಗತ್ತಿನಲ್ಲಿ ಅತಿ ಹೆಚ್ಚು ಕೋವಿಡ್‌ ಪ್ರಕರಣಗಳನ್ನು ಹೊಂದಿರುವ ಅಗ್ರ ಐದು ರಾಷ್ಟ್ರಗಳು

- ಅಮೆರಿಕ21,13,366 (1,16,135)
- ಬ್ರೆಜಿಲ್‌ 8,88,271 (43,959)
- ರಷ್ಯಾ 5,36,484 (7,081)
- ಭಾರತ 3,32,424 (9,520)
*ಆವರಣದಲ್ಲಿರುವುದುಸಾವಿನ ಸಂಖ್ಯೆ